YOANES 3:13 - Nanduk Ngget Tul Pidnak Wene

¹³ Nde, ap misiger-o luk tet aid arem lagwi bug-et nde, at aid arem-nen mbuwagaidnak nap Ap Ambara an narig-et nag-o” luk yij-o.

YOANES 3:13 ပူးပေါင်းရင်းမြစ်များ

NGGOMO WENE 30:4

Nggweyakma nab-e ta nggal-nen aid arem-e laruk mbuwaruk kwaroso-o? O wija-ge ar-e inggi mok pem tenaga wanoso, lak? Usum pem-nen yi-ge nggetla wanoso, lak? Are, o yu-ge ta-nen kuri wosa pil lobok yamu-o? Nde, iri kwaroso nab-e ta-o? Nde, ambara-ge ta-o? Ndemeret kar-e karu irir-o!

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MATIUS 8:20

Iri yosoloma, Yesus-nen yak tosolar-e: ”Ndakngge nene yoso ondoro kerep eyanggo worasu-o. Nde, towe na nene yoso sa uwi na worasu-t nde, Ap Ambara mbinggirik woraso ondoro-ge lag-o” luk yij-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 13:3

Yesus na Eid-nen yi mende ndi mende at inggem pidnak na aru, nde, Mbal Pem Nagawan eram-nen lobok yidnak me, tuguruk ijok lem Mbal Pem Nagawan eram-et mbururak na aru woraidnak me,

YOANES 17:5

Neid wa-e! Nggweyak yu ndak wirigit lak ma-nen kat kimin woralat an nunu kek tak woraso iri na bem yawo-nen kat kinmbiri bem an nunu kek tak pi-o.

YOANES 3:12

An-nen-e nggweyak ma-nen kwarugwi bem yak kondosola-t nde, te rak pili me, aid arem-nen kwarugwi bem yak kondosola-ge, nggesa-nen ndemerer-o luk peragub-o?

YOANES 3:31

Teram-nen mbuwagaid nab-e kek tak terak minig-er-o. Nde, nggweyak ma-nen lobok yidnak nab-e nggweyak ma nap me, nggweyak ma wene nak yoso-o. Nde, teram-nen mbuwagaid nab-e kek tak terak minig-er-o.

YOANES 6:33

Nde, Mbal Pem Nagawan-nen wok ondoso mburu iri-ge aid arem-nen mbuwarik, ki nap pidsa unluk yaga wok undusu nap iri-ge Mbal Pem Nagawan umburu-nen yusu-o” luk yak indij-o.

YOANES 6:38

An-e aid arem-nen mbuwagi yu-ge, an nindi-n pidnak kwarurak pem lobok yigi-ge lag-o. Are, an nibil lobok yidnak nap indi-n pidnak kwareyekluk-nen lobok yigi-o.

YOANES 6:42

yogolar-e: ”Abuga! At yu-ge eid min ija min na nir-e nenaru Yusup ambara Yesus na-t nde, nggerak puruk-nen ’An-e aid arem-nen mbuwagi-o’ luk yusu kali?” luk yiga-o.

YOANES 6:46

Nde, ap misik erengen-nen Neid kaso ala-nen yigi-ge lag-o. Are, Mbal Pem Nagawan eram-nen lobok yidnak nap an narig-et nak-nen Neid kaso-nen yusu-o.

YOANES 6:51

An-e aid arem-nen mbuwaidnak unluk yaga wok ondoso mburu-nen yusu-o. Nde, ap-nen mburu yu nujwa nab-e unlug-et pem-et woralik nalik ma-o. Nde, ki nap pidsa unlug-et wolmaklug-e, wok indimin mburu iri-ge an nebe nde yigi-o” luk yij-o.

YOANES 6:62

Nde, kit-nen Ap Ambara an-e nanduk woraso sa lasola karug-e, no nde kwarugub-o?

YOANES 8:42

Yogolikma-ge, Yesus-nen it yak ondosolar-e: ”Kir-e ndemeret Mbal Pem Nagawan ilirak-nen yili nggal-e, kir-e an nabuwa kaleb-o. Nde, an-e Mbal Pem Nagawan eram-nen lobok yigirik, yawo yu me worasu-o. An-e an nindi-n pidnak pem lobok yigit lag-o. Are, Mbal Pem Nagawan-net wirik nibil lobok yij-o.

YIDNAK YIDNAK WENE 2:34

Ndaud na-ge aid arem-e lagit lag-et nde, at ondomok-net yosolar-e: ’Nagawan Indo-nen an Nagawan Indo yak tosolar-e: ”Kat kimin wim nab-e kat kijok ondoro rak enpeyek-nen kar-e an ninggi kigit eralu yu me koreyak wolmin-o” luk yak tij-o.’

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

OROMA 10:6

Alat nde, inndi angin tubu yidnak pem lud tak nak inpidnak nap yak ondogolar-e: ”Kinndi-nen peragolar-e: ’Ta nde aid arem lujwa-o?’ luk purak pug-o. (Iri yogolar-e, Kerisut waruk mbumomtak yogolar-o.)

1 KORINTUS 15:47

Nanduk woraso Aram iri-ge nggweyak pem-nen ndak worak me, nggweyak ma nab-er-o. Alat nde, imbirik lobok yid Aram iri-ge aid arem-nen mbuwagaij-o.

EPESUS 1:23

Nde, lambuk tak inpidnak nap iri-ge Kerisut ebe-nen yusu-o. Iri yidnak nap-nen-e Kerisut na ndak tak ibili-o. Nde, Kerisut iri-nen-e yi mende ndi mende oboksa-ge ndak tak poso-nen yusu-o.

TUGURUK YIDNAK WENE 30:12

Wene yu-ge mbal pem worala-nen kit-nen yogolar-e: ’Wene iri kuluruk, kulul iri ndak ndak kwaruwok-nen wene iri wil-e ta lujwa-o?’ yurak na lag-o.