YOANES 3:11 - Nanduk Ngget Tul Pidnak Wene

¹¹ An-e ndemeret yak kurusu-o. Nit-nen-e nit nenaru iri na-t yak kondogolat, nenlengen-nen kaidnak iri na-t mirik konpogolat yili-t nde, nit-nen yidnak wene-ge kit-nen wanurak kinsili yili-o.

YOANES 3:11 ပူးပေါင်းရင်းမြစ်များ

YESAYA 50:2

Noluk-nen an lobok yosolat wene mbo onposola-ge, an nilirak ennggendumu-nen-e ap misiger-o luk mbi-nen nene erep nggarigit lag-o? It enne lak yiga iri-ge it-nen peragolar-e: ’At-nen-e wisirik nonposolat, ninmiri yosolat yurag-e amawi lag-o’ luk-nen enne lak yiga? Alat nde, ndemerer-e an-nen yidnak pem-e yi koma eberek tak posolat, yi oboksa ogorak nak ngguru rak posolat, yi lak-nen ndowaga keyane oboksa emben to yosolat kwarurag-e ndag-o.

YESAYA 53:1

Ap enlem iri na-nen onggo yogolar-e: ”Ta-nen nit-nen kulidnak ereba na bem indi angin tubu yamu-o? Tarak inmbiri bem Nagawan Indo amawi-ge nam tak pij-o?

YESAYA 55:4

Ap enlem erep-nen an namawi iri na at ebem kujwaklug-e, an-nen-e Ndaut iri-ge ndemeret nagawan tak posolat, san ombo onowe rak posolat kwarukmu-o.

YESAYA 65:2

An-e pempa nilirak wok unpurak iri-ge lud tak purak woraso-t nde, ir-e an nimin eyak nak worogolat, meya nak kwarogolat, ondomok inndi-nen pidnak nak kwarugwi-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 23:37

”Yerusalem wa-e. Yerusalem wa-e. Kat-nen-e Mbal Pem Nagawan ene lomboksa yugwi nap mondok ondosolat, kat keram inpil lobok yidnak nap na kerep pem ondosolat yoso-o. Nde, towe wam ija-nen at amarig-e eraplabe-nen yomondoso nggal, iri nggal-et pempa an-nen kat kilirak na an nurugom tak enpeyekluk yigi-t nde, kat-nen-e ’Nimbir-o’ yigen-o.

LUKAS 10:22

An Neid-nen-e yi mende ndi mende pidsa an ninggem pid irir-o. Neid arig-et nak-nen Ambara an aru yusu-o. Nde, Ambara an-nen na irit, Ambara an-nen ’Neid iri enaru mag-o’ eberamin nap-nen na irit, Neid iri enaru yili-o” luk yij-o.

YOANES 1:11

At ambik ama-t lobok yij-et nde, at winde-nen-e wok ibigit lak yiga-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 12:49

Nde, wene an-nen yusu yu-ge an nindi-n pidnak pem nak yusu-ge lag-o. Nde, an-nen yurak min an-nen yak kundurak min iri-ge an Neid wirik nibil lobok yidnak nap iri na-net nebem pamu-nen yak kundusu-o.

YOANES 14:24

Nde, an nabuwa kaso buk nap-nen-e an-nen yidnak yidnak kwaroso bug-o. Nde, wene yu yak kindigi yu-ge an-nen yidnak wene-ge lag-o. Are, an wirik nibil lobok yidnak nap Neid iri-nen yidnak wene-nen yusu-o.

YOANES 3:12

An-nen-e nggweyak ma-nen kwarugwi bem yak kondosola-t nde, te rak pili me, aid arem-nen kwarugwi bem yak kondosola-ge, nggesa-nen ndemerer-o luk peragub-o?

YOANES 3:13

Nde, ap misiger-o luk tet aid arem lagwi bug-et nde, at aid arem-nen mbuwagaidnak nap Ap Ambara an narig-et nag-o” luk yij-o.

YOANES 3:3

Yosoloma-ge, Yesus-nen at yak tosolar-e: ”An-e ndemeret yak kurusu-o. Mberen pem ndet ibigit lak nab-e Mbal Pem Nagawan-nen tenagaidnak wi-ge erengen kujwa bug-o” luk yij-o.

YOANES 3:5

Yosoloma-ge, Yesus-nen at yak tosolar-e: ”An-e ndemeret yak kurusu-o. Yi min Konak Indi min-nen ndet inpigit lak nab-e, Mbal Pem Nagawan-nen tenagaidnak wi ngguwa bug-o.

YOANES 5:43

An-e Neid unu bem-et lobok yigi-t nde, kit-nen-e wok nibigit lak yili-t nde, ap misik at ambik unu bem lobok yosola-ge, wok ubugub-o.

YOANES 7:16

Yogolikma-ge, Yesus-nen it yak ondosolar-e: ”An-nen mul ondoso wene yu-ge an nindi-n pidnak wene-ge lag-o. Are, an wirik nibil lobok yidnak nap Mbal Pem Nagawan-nen yidnak yidnag-et mul ondoso-o.

YOANES 8:14

Yogolikma-ge, Yesus-nen it yak ondosolar-e: ”Lag-o. An-e an lobok yidnak sa min an mbirimin sa min naru me, an nondomok nebem wene kenggel kundusu-t nde, ndemerer-et yak kundusu-o. Nde, an lobok yidnak sa min an mbirimin sa min kir-e kenaru bug-o.

YOANES 8:26

Nde, kit kenpem yurak wene nde kit kenpem wene mbarurak nde an-e kwarat worasu-t nde, an nibil lobok yidnak nap iri-ge ndemeret lud tak nak yoso-nen yusu-o. Nde, at-nen yak niridnak wene iri na-t an-nen nggweyak ma nap pidsa yak undusu-o” luk yij-o.

YOANES 8:38

An-nen-e Neid-nen mirik nibidnak nak mul kundusu-t nde, kit-nen-e kit kineid-nen yak kindidnak mende-t kwatli-o” luk yak indij-o.

YIDNAK YIDNAK WENE 22:18

at Nagawan Indo kagi-o. Nde, at-nen yak norosolar-e: ’Ir-e kat-nen an nebem kenggera yak undugun wene-ge wanuwa buk me, kar-e ndaget nak Yerusalem keya buruk mbiri-o’ luk yak nirij-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.