YOANES 21:22 - Nanduk Ngget Tul Pidnak Wene

²² Yesus-nen at yak tosolar-e: ”Nde, an-nen perasolar-e, at yu-ge urug-et worasoma, an nde lobok yurak nggal-nen-e iri-ge kat-nen wene yurag-e lag-o. Alat nde, kar-e an nimbirik ni-o” luk yak tij-o.

YOANES 21:22 ပူးပေါင်းရင်းမြစ်များ

MATIUS 16:24

Iri luk, Yesus-nen at owosirak yak ondosolar-e: ”Ta-nen nde an nimin nurak indingen ala-ge, at na at ambikpebe abuwa lak tak puruk, at-nen idnak e lang pang tak iri na kud turuk, an nimin nuwag-o.

MATIUS 24:27

Nde, o pinel-e mo luwaso sa-nen yebek yidnak pem mo mboso sa yebek yil mburusu nggal, iri nggal-et Ap Ambara na lobok yuwa-o.

MATIUS 24:3

Yesus na-ge Saitun ndobo bem koreyak worasoma-ge, at owosirak ereba na enarikmu-nen wene yuwokluk, at eram lobok luk-nen at kin wok obogolar-e: ”Kat yigen iri na-ge mepme tarem-nen kwat ma-o? Nde, no mende karuk-nen kat lobok yurak min i worok yurak tarem min-e panggo yusu-o luk yenggerak pul-o? Yak nindi-o” luk yiga-o.

MATIUS 24:44

Iri bem-e, Ap Ambara na mimo kir-e peragit lak ma lobok yuwa me, kit-nen na irit mondok lid lud tak puruk wolmer-o.”

MATIUS 25:31

”Ap Ambara na at unu kek tak pem lobok yosolar-e, aid nap oboksa na at imin lobok yogola-ge, at-nen-e nagawan koreyak woraso sa abinal worak iri na me kore yuwa-o.

MATIUS 8:22

Yosoloma-ge, Yesus-nen wene erep nggarosolar-e: ”An nimin ni-o. Ap wat yidnak iri-ge wat yidnak nap-nen yapma puwag-o” luk yij-o.

MARAKUS 9:1

Yuruk, at-nen it yak ondosolar-e: ”Kenaru wolmer-o. Kit yu me worali nap ereb-e wat yigit lak ma-t Mbal Pem Nagawan-nen tenagaidnak wi-ge amawi bem-et lobok yosola, enlengen-nen kujwa-o” luk yak indij-o.

YOANES 21:19

Wene iri yak tid iri-ge Mbal Pem Nagawan unu kek tak peyekluk, Peterus abok-nen wat momtak wene irit yak tij-o. Yak turug-e, Yesus-nen Peterus yak tosolar-e: ”An nimbirig-et ni-o” luk yak tij-o.

YOANES 21:21

Peterus na-ge ap iri na karuk-nen Yesus yak tosolar-e: ”Nagawan Indo wa-e. Nde, at yu-ge nunggwirig-o?” luk yak tosoloma-ge,

1 KORINTUS 11:26

Nde, kir-e mburu yu min yimbe arem kenanggo yu min pempa-n nonggolar-e, Nagawan Indo wat yidnak wene-ge ap yak enderenak worakmu, at lobok yuwa-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

1 TESALONIKA 2:19

Nde, nit ninndi ebem mbung mbung tak woragwi-ge tarag-o? Nit nenalen eneyagwi-ge tarag-o? Nit Nagawan Indo Yesus lobok yosola tarem-nen at imbiri bem nit nunnu kek tak purak wirik iri-ge tarag-o? Iri-ge kir-er-o.

YAKOBUS 5:7

Iri bem-e nanggamirak wa-e. Kir-e mamak puruk irit worakmu, Nagawan Indo lobok yuwag-o. Yabu wanoso nab-e at-nen yabu wanidnak iri yik karok worasoma, ebe kwarat makluk mamak puruk woraso iri ker-o. Mamak puruk irit worasolar-e, isi poso talme min lera mboso talme min yik karok woraso-o.

YAKOBUS 5:8

Kit na irit mamak puruk wolmer-o. Nagawan Indo lobok yurak tarem panggo yid me, kinndi tugup lak wolmer-o.

NAM PARA WENE 1:7

Yik ker-o. Ar-e nggan nggan arem lobok yusu-o! Ap oboksa-nen at kagolat, tege at arem mon kaidnak nap-nen na kujwar-o. Nggweyak ma nap enlem oboksa-nen-e at ubud-nen yip kwarat yuwa-o. Ndemerer-o! Amen.

NAM PARA WENE 2:25

Alat nde, kit-nen wanigep mende iri-ge puksa tena worakmu, an lobok eyeg-o.

NAM PARA WENE 22:20

Wene yeba oboksa kinggiridnak nap-nen yosolar-e: ”Ndemerer! An-e ndag-et nak lobok yimin-o!” luk yij-o. Ndemerer-o! Nagawan Indo Yesus wa-e. Lobok yi-o!

NAM PARA WENE 22:7

Yesus-nen yosolar-e: ”Kwara yebet ker-o. An ndag-et nak lobok yimin-o. Kwat momtak wene urul engga yu arem mbarak worasu yeba karuk, kwara yebet kasu nab-e mondok alen kujwag-o!” luk yij-o.

NAM PARA WENE 3:11

An-e ndag-et nak lobok yimin-o. Nde, kit-nen ombol nggwe yidnak pem onggo wok kundurak mende na nin nap-nen mengga wanuwa naru, kit-nen wanigep mende iri-ge puksa tena wolmer-o.