YOANES 21:17 - Nanduk Ngget Tul Pidnak Wene

¹⁷ Yak turuk, kenan pem tak posolat Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tij-o. Nde, Yesus-nen kenan pem-et: ”Kar-e an nabuwa kasu, lak?” luk yak tosola karuk, at Peterus na indi puru luk-nen Yesus yak tosolar-e: ”Nagawan Indo wa-e. Kar-e pidsa karu me, an-nen kat kabuwa kaso iri-ge kat karu irir-o!” luk yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o.

YOANES 21:17 ပူးပေါင်းရင်းမြစ်များ

2 SEMUEL 7:20

Ndegel koboso nap an nowene-ge kar-e aba arem min ndindera karu me, an-nen-e no wene nde yak kirimin-o?

1 NAGAWAN NAGAWAN-NEN KWARIDNAK WENE 17:18

Wat yosoloma, kwe togwe iri na-nen Elia yak tosolar-e: ”Mbal Pem Nagawan ndegel oboso nap wa-e. Nab-o. Kar-e noluk-nen yu nggal kwat nigiben-o? Kat an neram lobok yigen yu-ge an meya yidnak ereba na Mbal Pem Nagawan-nen nimbiri parosolat, an-nen meya kwaroso iri na-nen ndowaga nambara yu wat yuwakluk lobok yigenma, lak?” luk yak tij-o.

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

MARAKUS 14:72

ereya na-net mberen pem tak posolar-e, towe wam kusi ene yij-o. Yosoloma-ge, Yesus-nen Peterus yak tosolar-e: ”Towe wam kusi ene-ge mberen pem yigit lak worala-ge, kar-e kenan pem an nimin-e ’Ap iri-ge an naru bug-o’ yugun-o” luk yidnak na-ge Peterus na-nen yebet karug-e, yip kondok lud mbij-o.

YOANES 12:8

Insilobulo lak nab-e pem-et kit kinmin wolma-t nde, an-e kit kinmin pempa woramin pug-o” luk yij-o.

YOANES 13:38

Yak tosoloma-ge, Yesus-nen at yak tosolar-e: ”An namanggim wat momtak ob-er-o yigen-a? An-e ndemeret yak kurusu-o. Towe wam kusi ene awo yigit lak worala-ge, kat kenan pem-et ’Yesus-e an-e naru bug-o’ yugun-o” luk yak tij-o.

YOANES 14:15

Yurug-e, ”Kit-nen nde an nabuwa kagolar-e, an-nen yidnak yidnak nak kwarogolat wolmer-o.

YOANES 15:10

An-e Neid-nen yak niridnak nak kwarosola, at-nen an nabuwa kaso bem-et worasu nggal, kit-nen nde an-nen yidnak yidnak nak kwarogola-ge, an-nen kenabuwa kaso iri na bem-et woragub-o.

YOANES 16:30

Kar-e yi wene ndi wene pidsa karu-o luk yawo nenaru yili-o. Ap misik-nen kin wok kuburag-e meya-o. Iri bem-e, kar-e Mbal Pem Nagawan eram-nen lobok yidnak nap-nen yusu-o luk ninndi angin tubu yige-o” luk yiga-o.

YOANES 18:27

Yosoloma-ge, Peterus na-nen-e: ”Lag-o” luk mbeyok tak posola, ereya na-net towe wam kusi ene yij-o.

YOANES 18:4

Lobok yogolikma-ge, Yesus na at kwat uburak pidsa aru me, it endam panggo lasolat-nen yak ondosolar-e: ”Kir-e ta ogore yili-o?” luk yosoloma-ge,

YOANES 21:18

An-e ndemeret yak kurusu-o. Kar-e sugwe worasolar-e, kat kondomok-nen kusuwon are ngonoksa yorosolat, kat kindi-n pidnak sa waring kasolat woraigen-et nde, abok kindi worak yosola-ge, kat kinggi nuk kasola, nin nap-nen kat kinggi kamarak puruk, kat mbururak kisili kaso sa nde kibil mburuwa-o” luk yak tij-o.

YOANES 4:16

Yosoloma-ge, Yesus-nen kwe na yak tosolar-e: ”Kar-e mburugundik, kun wene mbo buruk imin lobok yi-o” luk yak tij-o.

YIDNAK YIDNAK WENE 1:24

Yurug-e, it-nen tepan yogolar-e: ”Nagawan Indo wa-e. Kar-e ap pidsa inndi karu me, ap mberen yu-ge kat kindi-nen linidnak nap irit mirik ninpi-o.

YIDNAK YIDNAK WENE 11:10

Iri nggal kwarosolar-e, kenan pem tak purug-e, sum nggal iri na tuguruk mbal nggwe lagaij-o.

YIDNAK YIDNAK WENE 15:8

Nde, ap enarem yenggerag-et kaso Mbal Pem Nagawan-nen at indi-n puruk it wok onposolar-e, Konak Indi-ge nit wok nindid na nggal-et it na wok indij-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

EPESUS 4:30

Nde, Mbal Pem Nagawan-nen idnak Konak Indi iri-ge indi puru rak purak pug-o. Mbal Pem Nagawan-nen-e ”At ilirak-nen yili-o” luk, yenggerak kunpuwakluk, Konak Indi kenpem posolat, ”Kit kinmiri yurak tarem-e ndemeret wok ma-o” luk Konak Indi ebem-nen urul yak kondosolat yij-o.

1 PETERUS 1:6

Iri bem-e, kir-e kenalin kenalen wolmer-o. Kit luru ya woragola, inndi ngaroso mende nin tak nan tak kenpem mbosola, mondok kinndi puru pera min woragub-et nde, kenalin kenalen wolmer-o.

2 PETERUS 3:1

Nanggamirak kenabuwa worak wa-e. Engga yu-ge mberen pem tak posolat kenmanggim mbara pil lobok yusu-o. Nde, engga mberen yu arem-nen yeberak kunpusu wene iri-nen kit kenarem-e marak woragwi kinndi nam makluk engga ya mbarigi-o.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.

NAM PARA WENE 3:19

An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.