YOANES 21:16 - Nanduk Ngget Tul Pidnak Wene

¹⁶ Yak turuk, mberen pem tak posolar-e, Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tosoloma-ge, Peterus-nen at yak tosolar-e: ”Eyo, Nagawan Indo wa-e. An-nen kat kabuwa kaso iri-ge kar-e karu-o” luk yij-o. Yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o” luk yak tij-o.

YOANES 21:16 ပူးပေါင်းရင်းမြစ်များ

NDAWI ENGGA 100:3

Nagawan Indo iri-ge Mbal Pem Nagawan-net yusu-o luk kenaru mer-o. At-nen nir-e ndak wat nenpamu. Nde, nir-e at arengge-nen yili-o. Nir-e at ilirak, at-nen ndegel nonposo olomba oro-nen yili-o.

NDAWI ENGGA 95:7

At iri-ge nit Nenmbal Pem Nagawan me, nir-e at ilirak at-nen ndegel nonposo-nen yili-o. Lomba yik karok woraso nap-nen olomba ndogoroso nggal, nir-e at-nen ndegel nonposo-nen yili-o. O nda yid yu bem-e at ene yu kuluwog-o:

MATIUS 2:6

”Kat Yewura nggweyak pem woraso Mbetleyem wa-e. Yewura nap nagawan ennggendumu-ge kar-e marig-e lag-o. Kat karem-nen nam yosolar-e, an nilirak Isarael nap ndemil unpuruk nosolat, togwat unpurak nap mbi nam ma-o” luk mbaridj-o.

MATIUS 25:32

Iri luk, ap enlem oboksa-ge at eram ndok wuruwama-ge, lomba wam yik karok woraso nap-nen lomba wam min kambing wam min lena arik tak pugwi nggal, iri nggal-et Ap Ambara-nen-e ap enlem oboksa na lena enarik tak onposolar-e,

MATIUS 26:72

Iri yosoloma-ge, Peterus na-ge tuguruk yubul posolar-e: ”Ap iri-ge an naru bug-o” luk owak mbarij-o.

LUKAS 19:10

Nde, Ap Ambara an lobok yigi-ge, pul yidnak nap onkore yaga, inmiri yaga wok endeyekluk lobok yukmu-o” luk yij-o.

YOANES 18:17

Iri ala-ge, tumende towarak woraso la kwe na-nen Peterus yak tosolar-e: ”La yu-ge wa-e. Kat na ap iri imin noso nab-er-a?” luk yosoloma-ge, at-nen yosolar-e: ”An-e lag-o” luk yij-o.

YOANES 18:25

Iri kwarukmu-ge, Simon Peterus na-ge kan tonggosolat iri na me-t mendak worasoma-ge, it erep-nen at yak togolar-e: ”Kat na irit at imin noso nap-nen yusu, lak?” luk yogolikma-ge, Peterus-nen yubul posolar-e: ”An-e mondok lag-o” luk mbeyok yij-o.

YOANES 21:17

Yak turuk, kenan pem tak posolat Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tij-o. Nde, Yesus-nen kenan pem-et: ”Kar-e an nabuwa kasu, lak?” luk yak tosola karuk, at Peterus na indi puru luk-nen Yesus yak tosolar-e: ”Nagawan Indo wa-e. Kar-e pidsa karu me, an-nen kat kabuwa kaso iri-ge kat karu irir-o!” luk yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.

1 PETERUS 5:2

Mbal Pem Nagawan-nen kininggem pidnak lomba wam iri na towarak woragolar-e, Mbal Pem Nagawan indi-n pidnak ndak ndag-et kwarogolar-e, kinsili lag-et, kenalen min-et yik karok wolmer-o. Nde, yik karok woragolar-e, onggo wanurak pem nak-nen yik karok wolmomtag-e lag-o. Are, ndemeret kinndi-nen ndegel enpeyeg-o peraruk-nen ndegel unpurag-o.

NAM PARA WENE 7:17

Iri kwat unpuwa iri-ge nagawan koreyak woraso ondoro bem enggendumu worasu Lomba Wam Marik iri-ge at olomba wam iri yik eneyarok woraso nap kwatluk, wok unpuruk, unluk nak wolmomtak yi pilana waso sa inmin mburuwa-o. Nde, Mbal Pem Nagawan-nen-e iniyip lengen oboksa ndogwarak unpuwa-o” luk yij-o.