YOANES 21:15 - Nanduk Ngget Tul Pidnak Wene

¹⁵ Nunggwi mende na nonggolug-e, Yesus-nen Simon Peterus na yak tosolar-e: ”Yona ambara Simon wa-e. Kat kanggamirak-nen-e an nabuwa te nggal kali-t nde, kat-nen-e an nabuwa-ge kwarat kasu, lak?” luk yak tosoloma-ge, at-nen yosolar-e: ”Eyo. Nagawan Indo wa-e. An-nen kat kabuwa kaso iri-ge kar-e karu-o” luk yij-o. Yosoloma-ge, Yesus-nen at yak tosolar-e: ”Iri ala-ge, an nolomba wam marik yeba parugu wolmin-o” luk yak tij-o.

YOANES 21:15 ပူးပေါင်းရင်းမြစ်များ

NDAK WIRIDNAK WENE 33:13

Yak tosoloma, Yakup-nen yosolar-e: ”Nab-o. Li marik ereba na enmawi lak kasu irir-o. Nde, an-e nowam amarik ngget nderak yeba oboksa nari wari neyasu yur-o. Nde, an-nen nde ndag-et ndag-et suluk mborosolar-e, misik tarem mbiridnak pem-et nowam oboksa wat ma-o.

2 SEMUEL 7:20

Ndegel koboso nap an nowene-ge kar-e aba arem min ndindera karu me, an-nen-e no wene nde yak kirimin-o?

2 NAGAWAN NAGAWAN-NEN KWARIDNAK WENE 20:3

”Nagawan Indo wa-e. An-e nondomok nindi-net kat kerembel tugup lak wanosolat, pempa kat-nen nebem pidnak nak kwarurak namawi kondoso-o” luk tepan yosolar-e, Isikia iri na-ge yip kondok lud mbij-o.

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

YEREMIA 23:4

An-nen-e it ndegel onpogolat wolmomtak nap lenak inpimin-o. Iri yumu, an nilirak-nen-e kwiye na lak, kwiye-nen lele yugwi na lak irit wolma-o. It ennggendumu-nen ap misiger-o luk tet mondok lak ma bug-o. Nagawan Indo an-net yusu-o” luk yij-o.

YESKIEL 34:23

Nde, an-nen-e lomba ereba at nak-nen ndegel onposo nap kwat yosolat, kwara ndegel onposolat kwat tenak wolmaklug-e, an ndegel noboso nap Ndaut nggal nagawan misik lena mendak pimin-o.

MATIUS 10:37

Ta-nen nde eid ija enabuwa nggulok tak posolat, an nabuwa marik tak pusu nab-e an nap kwat momtag-e meya-o. Nde, ta-nen nde at ambara nde ara nde nak enabuwa nggulok tak posolat, an nabuwa marik tak pusu nab-e an nap kwat momtag-e meya-o.

MATIUS 16:17

Yosoloma-ge, Yesus-nen wene erep nggarosolar-e: ”Yunus ambara Simon wa-e. Wene iri-ge nggweyak ma nap-nen yak kiriga-ge lag-o. An Neid aid arem woraso-nen yak kiridnak me, kar-e kalen kasu-o.

MATIUS 18:10

Nde, li marik yu misik na mondok kinsili kudtak pug-o. An-nen yak kendeyeg-o: Aid arem-nen it-nen idnak aid nap iri-ge pempa pempa an Neid aid arem woraso na erare yik karok worali-o. [

MATIUS 26:33

Yosoloma-ge, Peterus-nen at yak tosolar-e: ”It erep oboksa-nen keya kubuwa-t nde, an-e mondok keya kibimin pug-o” luk yij-o.

MATIUS 26:35

Yak tosoloma-ge, Peterus-nen at yak tosolar-e: ”An-e kat totno wat yogolar-et nde, kat kimin-e ’An naru bug-o’ luk mondok yimin pug-o” luk yij-o. Yosoloma, at owosirak erep-nen na iri nggal-et yiga-o.

MARAKUS 14:29

Yosoloma, Peterus-nen at yak tosolar-e: ”It pidsa-nen kat keya kubuwa-t nde, an-e mondok keya kibimin pug-o” luk yij-o.

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

LUKAS 22:32

Alat nde, Simon wa-e. Kat kindi angin tubu yigen iri-ge tugup lak woranokluk, an-e kat kamanggim tepan yigi-o. Nde, kar-e tuguruk an neram lobok yugundig-e, kat kanggamirak na inndi eyak wurugun na-e” luk yak tij-o.

YOANES 1:42

Iri lug-e, Andereas-nen Simon na Yesus eram ibil lobok yosola-ge, Yesus-nen Simon na yak tosolar-e: ”Kar-e Yona ambara Simon-nen yusu-o. Nde, kat kunu-ge Kepas-o” luk yarij-o. (Nde, Kepas min Peterus min iri-ge Yunani wene bem-e Kerep Ndobo-o yogolar-o.)

YOANES 13:37

Yak tosoloma-ge, Peterus-nen at yak tosolar-e: ”Nagawan Indo wa-e. An-e yawo-nen kat kimin mbururag-e meya-o yigen iri-ge noluk-nen yigen-o? An-e kat kamanggim wat momtag-e nindingen-o!” luk yak tij-o.

YOANES 16:27

Nde, iri yigi iri-ge, Neid at-net kit kenabuwa kaso-o. Nde, kit kenabuwa kaso iri-ge, kit-nen an nabuwa kagolat, an-e Mbal Pem Nagawan eram-nen lobok yidnak nab-o luk yebet neyagwi iri bem-net kenabuwa kaso-o.

YOANES 21:12

Iri luk, Yesus-nen it yak ondosolar-e: ”Nunggwi mende nil lobok yer-o” luk yak ondosoloma, it inndi arem-nen-e yu-ge ndemeret Nagawan Indo-nen yusu-o luk enaru me, it-nen-e: ”Kar-e ta-o?” luk, kin wok uburag-e kwiye-nen larok yiga-o.

YOANES 21:7

Iri alama karuk, Yesus imin noso nap indi kundik na-nen Peterus yak tosolar-e: ”Iri-ge Nagawan Indo-o!” luk yak tij-o. Nde, ”Nagawan Indo-o” yid na kulurug-e, Simon Peterus na sum yunggurik we woragaid na sum na yutluk, kwid mbok yi ma nggwij-o.

YOANES 8:42

Yogolikma-ge, Yesus-nen it yak ondosolar-e: ”Kir-e ndemeret Mbal Pem Nagawan ilirak-nen yili nggal-e, kir-e an nabuwa kaleb-o. Nde, an-e Mbal Pem Nagawan eram-nen lobok yigirik, yawo yu me worasu-o. An-e an nindi-n pidnak pem lobok yigit lag-o. Are, Mbal Pem Nagawan-net wirik nibil lobok yij-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 20:29

Nde, an-e naru-o. An mburumu nimbirig-e, isilepma worak ndakngge-nen kit kennggendumu ngguwasolar-e, lomba wam ndok worak iri mondok keya buwa-ge lag-o.

OROMA 14:1

Kwara indi angin tubu yigit lak nap iri-ge kit-nen konag-et wok obogolar-e, at indi-n peraso iri na bem wene namawi kamawi yurak pug-o.

OROMA 15:1

Nit kwara ninndi angin tubu yidnak worali nap-nen-e kwara yebet kagit lak nap-nen kwiye kali mende min nir-e kwara kwaluk kwaluk wolmomtag-o. Nit nondomok nenalen kudtak pem nak kwarurag-e meya-o.

1 KORINTUS 8:11

Iri nggal kwarugun pem Kerisut na at na amanggim wat yidnak nap, kanggam indi lubuk nap iri-ge kat karu yidnak pem-net are pugun-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

EPESUS 4:14

Iri nggal yulndig-e, nir-e li marik nggal, yi ombolwak pem abung abung waring kagwi nap nggal, ennesiget yugwi nap-nen mul undugwi wene obube nggal iri-nen puk eneyagwi nap nggal yul-e lag-o. Ennesiget yugwi nap-nen enmberel puruk, ap kabak tak unpugwi-o.

EPESUS 6:24

Nenagawan Indo Yesus Kerisut abuwa kagolar-e, mondok lak yoso buk abuwa iri na bem abuwa kali nap oboksa enpem-e Mbal Pem Nagawan-nen we wok ondoso elem-e it inmin wolmag-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.

1 PETERUS 1:8

Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.

1 PETERUS 2:2

Nde, kamo nonggolar-e, kenpe nggok yogolat, kinmiri yuwaklug-e, li nggisiya ngget nderak-nen ndemeret kamo nere yili nggal, iri nggal-et kit na ndemeret kamo Mbal Pem Nagawan-nen yidnak wene iri nere kagolat wolmer-o.

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.

1 YOANES 4:19

Mbal Pem Nagawan nanduk-nen nit nenabuwa kaidnak pem, nit-nen na enabuwa kagwi-o.

1 YOANES 5:1

Ta-nen nde Yesus-e Kerisut-nen yusu-o luk ebem inndi angin tubu yili nab-e Mbal Pem Nagawan ilirak-nen yili-o. Nde, Eid abuwa kasu nab-e at ambara iri na-t abuwa kasu-o.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.