YOANES 20:28 - Nanduk Ngget Tul Pidnak Wene

²⁸ Yak tosoloma-ge, Tomas-nen at yak tosolar-e: ”Kar-e an-nen idnak Nagawan Indo min an Nembal Pem Nagawan min-nen yusu-o!” luk yak tij-o.

YOANES 20:28 ပူးပေါင်းရင်းမြစ်များ

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

MALEAKI 3:1

Nagawan Indo Mondok Amawi worak iri na-nen onggo yosolar-e: ”An-nen-e an nurula lid lud tak puwakluk, an-nen ap mbi pil lobok yimin-o. Iri yosolar-e, Nagawan Indo kit-nen nogore yili an-e mimo nama-t lobok yimin-o. An-nen pil lobok yimin nap kit-nen kinndi ebem worali iri na lobok yosolar-e, an-nen urul pidnak wene-ge oboksa-nen kuluwakluk yuwa-o” luk yij-o.

MATIUS 14:33

Kondok yosoloma-ge, it e koma arem woraiga nap-nen Yesus erembel wanogolar-e: ”Kar-e ndemeret Mbal Pem Nagawan Ambara-nen yusu-o” luk yiga-o.

LUKAS 24:52

Lasola-ge, it na endaru yunggu luk, at erembel wanuruk, enalin enalen min-et Yerusalem tuguruk mbiriga-o.

YOANES 1:1

Nanduk o yu ndak wirigit lak ma-net Wene irit woragaij-o. Wene iri na Mbal Pem Nagawan imin-et woragaij-o. Nde, Wene iri na Mbal Pem Nagawan-net yusu-o.

YOANES 20:16

Yak tosoloma-ge, Yesus-nen kwe na yak tosolar-e: ”Maria-o” luk yak tosoloma-ge, kwe na-ge at ambigit nggwe nden karuk, Iberani wene bem-nen at yak tosolar-e: ”Arabuni” yij-o. (Iri-ge Mul Nondoso Nab-o yosolat-nen yij-o.)

YOANES 20:27

Yurug-e, Yesus-nen Tomas na yak tosolar-e: ”Kat kinggi an ninggi mok aroro yu bem posolat, naraptap arem kinggi mon kasolat yi-o. Kindi mberen yusu keya buruk, ndemeret kagi luk yebet ki-o!” luk yak tij-o.

YOANES 20:29

Yak tosoloma-ge, Yesus-nen at yak tosolar-e: ”Kat kerengen-nen an neyaruk, kat kindi angin tubu yigen-o. Nde, enlengen-nen an neyagit lag-et nde, an nebem inndi angin tubu yili nab-e enalen kujwa-o” luk yak tij-o.

YOANES 20:31

Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”