YOANES 20:21 - Nanduk Ngget Tul Pidnak Wene

²¹ Yogolikma-ge, Yesus-nen tuguruk it yak ondosolar-e: ”Nowosirag-o. Kinndi yek tag-et wolmer-o. Neid-nen an wirik nibil lobok yid nggal-et, an-nen na kit wirik kunpusu-o” luk yij-o.

YOANES 20:21 ပူးပေါင်းရင်းမြစ်များ

MATIUS 10:16

”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

MATIUS 10:40

”Ta-nen nde kit wok kunpusu nab-e an-et wok nubusu-o. Nde, an wok nubusu nab-e an wirik nibil lobok yid nap na-t wok ubusu-o.

LUKAS 24:36

Yesus men yidnak wene yogolat worakmu ereya na-net mimo Yesus na it ennggendumu mendak-nen it yak ondosolar-e: ”Kinndi yek tag-et wolmer-o” luk yak indij-o.

YOANES 13:20

An-e ndemeret yak kundusu-o. Ap-nen-e an-nen wirik ibidnak nap wok ubusu iri-ge an-net wok nubusu-o. Nde, an wok nubusu iri-ge an wirik nibil lobok yidnak nap iri na-t wok ubusu-o” luk yak indij-o.

YOANES 14:27

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

YOANES 20:19

Hari Minggu iri na bem-et kubu nggwe-ge Yawuri nap enaye-nen Yesus owosirak na-ge tumende pidsa imig worak puruk, ndok worak woraiga-o. Worakmu-ge, Yesus na lobok yarik, mimo it ennggendumu mendak worasolat-nen yak ondosolar-e: ”Nowosirag-o. Kinndi-ge yek tag-et wolmer-o” luk yij-o.

YOANES 20:22

Iri yurug-e, emende pu it enpem posolat-nen yosolar-e: ”Konak Indi waner-o.

YOANES 20:26

Yosoloma-ge, tuju nene luk, Yesus owosirag-e tuguruk o iri na me-t ndok worak woragolar-e, Tomas na-ge inmin-et woraiga-o. Tumende na pidsa imig worak piga-t nde, Yesus na lobok yarik, it ennggendumu mendak-nen yosolar-e: ”Nowosirag-o. Kinndi yek tag-et wolmer-o” luk yij-o.

YOANES 3:17

Nde, Mbal Pem Nagawan-nen-e at Ambara an nggweyak ma nibil mbuwagaij-e ki nap pidsa lak tak unpurak pem enpem wene mbaruwakluk nibil mbuwagit lag-o. Are, ki nap pidsa inmiri yaga wok unduwakluk nibil mbuwagaij-o.

YIDNAK YIDNAK WENE 1:2

at lagit lak ma-nen at-nen yidnak yidnak oboksa mbatluk, Konak Indi bem-nen at-nen lenak unpuruk wirik inpidnak nap na wene yak indij-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

2 TIMOTIUS 2:2

Ap kwarat inmbiri bem an-nen nggomo kirigi na-ge kat-nen na iri nggal-et mot mor-et kwarugwi nap enpem posola-ge, it-nen na iri nggal-et nin nap mul unduwaklug-e, yak ondosolat wolmin-o.

IBERANI 3:1

Kerisut ebem mbek tak kinpidnak nanggamirak kit na aid arem woraso Mbal Pem Nagawan-nen wene mbo kinpidnak nap wa-e. Yesus na kwara kinndi-n yebet ker-o. Nit wanuruk ebem ninndi angin tubu luk wanige wene na bem Yesus-e Tepan Ombo Kek tak wolmakluk Mbal Pem Nagawan-nen wirik ibil mbuwagaid nap-nen yusu-o.

3 YOANES 1:14

Yanem nggal-et totno lambuk luk, wene mbarul-o luk perasu-o.