YOANES 20:2 - Nanduk Ngget Tul Pidnak Wene

² Karug-e kwe na puburak mborosolar-e, Simon Peterus min Yesus imin noso nap indi kundik na min endam mberarik, it yak ondosolar-e: ”Nagawan Indo orogwak na-ge yapma pidnak sa-nen waruk mbirigarik, ngge me piga-o? Nir-e nenaru bug-o!” luk yak indij-o.

YOANES 20:2 ပူးပေါင်းရင်းမြစ်များ

YOANES 13:23

Yesus-nen indi kundik abuwa worak nab-e Yesus eralu koreyak woragaij-o.

YOANES 19:26

Worakmu-ge Yesus-nen at ija min at imin noso nap indi kundik na min iri me mendak woragola eneyaruk, at-nen at ija yak tosolar-e: ”Niya-o kat kambara-ge irir-o” luk yak tij-o.

YOANES 20:13

Eneyasoloma-ge, aid nap na-nen kwe na kin wok obogolar-e: ”Kwe yu-ge wa-e. Kar-e noluk-nen yip tusu-o?” luk yogolikma-ge, kwe na-nen it yak ondosolar-e: ”An Nagawan Indo waga ngge me piga-o? Piga sa an-e kabak alat-nen yip tusu-o!” luk yak indij-o.

YOANES 20:15

Alama-ge, Yesus-nen kwe na kin wok obosolar-e: ”Kwe yu-ge wa-e. Kar-e noluk-nen yip tusu-o? Ta ogore yusu-o?” luk yak tij-o. Yak tosoloma-ge, yu-ge engen uwi towarak woraso nap-nen yusu-o eberasoluk, kwe na-nen at yak tosolar-e: ”Nab-o. Kat-nen nde waga nin me pidnak ala-ge, waneyek-nen pigen sa iri yak niri-o” luk yak tij-o.

YOANES 20:9

(Nde, Mbal Pem Nagawan engga bem-nen yosolar-e: ”Wat yidnak nap ennggendumu-nen mondok urug-et ma-o” yidnak na-ge iri tarem-e it-nen awo yenggerak pigit lag-et woraiga-o.)

YOANES 21:20

Yak tosoloma-ge, Peterus na nden kaga yik kagaidnggal-e, Yesus imin noso indi kundik na-ge it inmbirik lobok yosola, kagaij-o. Nde, at iri-ge it kubu nggwe nunggwi mende nonggolat-nen Yesus eralu lomboksa koreyak worasolat-nen at kin wok obosolar-e: ”Nagawan Indo wa-e. Kat kiminep wusururak nab-e ta-o?” luk kin wok ibid nap iri nar-o.

YOANES 21:24

Engga yu arem kwaridnak yeba wene-ge Yesus imin noso an-net konggorosolat, engga yu mbarigi-o. Nde, an-nen kinggiridnak wene yu-ge ndemeret wene-o luk nenaru-o.

YOANES 21:7

Iri alama karuk, Yesus imin noso nap indi kundik na-nen Peterus yak tosolar-e: ”Iri-ge Nagawan Indo-o!” luk yak tij-o. Nde, ”Nagawan Indo-o” yid na kulurug-e, Simon Peterus na sum yunggurik we woragaid na sum na yutluk, kwid mbok yi ma nggwij-o.