YOANES 20:19 - Nanduk Ngget Tul Pidnak Wene

¹⁹ Hari Minggu iri na bem-et kubu nggwe-ge Yawuri nap enaye-nen Yesus owosirak na-ge tumende pidsa imig worak puruk, ndok worak woraiga-o. Worakmu-ge, Yesus na lobok yarik, mimo it ennggendumu mendak worasolat-nen yak ondosolar-e: ”Nowosirag-o. Kinndi-ge yek tag-et wolmer-o” luk yij-o.

YOANES 20:19 ပူးပေါင်းရင်းမြစ်များ

NDAWI ENGGA 122:8

An neyabi minggirik nowe nowot min nenggamirak min enmanggim ala karuk, an-nen Yerusalem yak tosolar-e: ”Kar-e kona yamuksa irit wolmin-o!” yak tusu-o.

MATIUS 10:13

Nde, o iri nap-nen wok konpogola, kit-nen wa yak undugup iri-ge it enpem wolmag-o. Alat nde, it-nen nde wok kinpigit lak yogola-ge, kit-nen wa yak undugup na-ge tuguruk lit ker-o.

MATIUS 18:20

Nde, ap mberen ala na, ap kenan ala na, an nunu bem ndok worogola-ge, an-e it ennggendumu-t woramin-o” luk yij-o.

MARAKUS 16:14

Abok nggwe-ge at owosirak sebelas na mburu nonggolat worakmu-ge, it inmbiri bem nam agaij-o. Nam lug-e, at uruk yidnak iri na kaiga nap-nen yidnak wene-ge te rak pigarik me, ir-e ndemerer-o luk, inndi angin tubu yigit lak yiga bem-e, met inpij-o.

YOANES 14:27

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

YOANES 16:22

Iri nggal, kit yawo-ge kinndi puru pera yili-t nde, abok kendam wok yimin nggal-e, kenalin kenalen kwarat kamin-o. Nde, kenalen kagwi iri-ge ap misiger-o luk tet-nen kit kinndi arem-nen mengga wanurag-e meya-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YOANES 20:21

Yogolikma-ge, Yesus-nen tuguruk it yak ondosolar-e: ”Nowosirag-o. Kinndi yek tag-et wolmer-o. Neid-nen an wirik nibil lobok yid nggal-et, an-nen na kit wirik kunpusu-o” luk yij-o.

YOANES 20:26

Yosoloma-ge, tuju nene luk, Yesus owosirag-e tuguruk o iri na me-t ndok worak woragolar-e, Tomas na-ge inmin-et woraiga-o. Tumende na pidsa imig worak piga-t nde, Yesus na lobok yarik, it ennggendumu mendak-nen yosolar-e: ”Nowosirag-o. Kinndi yek tag-et wolmer-o” luk yij-o.

YOANES 21:1

Iri rak purug-e, Tiberias Koma bem—nen Yesus-e at owosirak inmbiri bem tuguruk nam yij-o. Nde, nam yosolar-e, yu nggal kwarij-o.

YOANES 21:14

Iri kwarid iri-ge Yesus na wat yidnak ennggendumu-nen uruk luk, kenan pem tak posolat at owosirak inmbiri bem nam luk-nen kwarij-o.

YOANES 7:13

Alat nde, Yawuri nap na enaye-nen ap misiger-o luk tet-nen at obog-e nam-et para yigit lag-o.

YIDNAK YIDNAK WENE 1:3

At yane wutlug-e, ar-e ndemeret uruk worasu-o luk yenggerak puwaklug-e, it inmbiri bem at na at ondomok nuk eneyasolar-e, empat pulu tarem woralar-e, Mbal Pem Nagawan-nen tenagaidnak wi wene mirik onposolat woragaij-o.

OROMA 15:33

Ap lambuk tak onposo elem Mbal Pem Nagawan iri-nen-e kit oboksa kinmin wolmag-o. Amen.

1 KORINTUS 15:5

Uruk tak pamu-ge, Kepas na imbiri bem nam luk, imbirig-e mul ondoso nap duabelas inmbiri bem nam yij-o.

EPESUS 2:14

Nde, Kerisut-e nit lambuksa woragwi elem-nen yusu-o. Yawuri nap min enlem nin nap min-e at-nen enlem misiget tak inpij-o. It sirid mbarak ennggendumu kuri worak pak wiridnak iri na-ge at ondomok ebe wisirik pid pem-nen mijarak pij-o.

EPESUS 6:23

Nineid Mbal Pem Nagawan min Nagawan Indo Yesus Kerisut min-nen wok ondoso lambuksa woragwi elem min ap enabuwa kagwi elem min inndi angin tubu yugwi elem min-e nennggamirak oboksa inmin wolmag-o.

PILIPI 1:2

Nineid Mbal Pem Nagawan min Nagawan Indo Yesus Kerisut min-nen we wok ondoso elem min lambuksa woragwi elem min kinmin wolmag-o.

2 TESALONIKA 3:16

Nit lambuk tak nonposo elem Nagawan Indo at-nen-e pempa yi mende ndi mende bem-e lambuksa woragwi elem wok kondosolat wolmag-o. Nagawan Indo-ge kit pidsa kinmin wolmag-o.

IBERANI 7:2

Nde, Abaram-nen Melkisendek wok tosolar-e, at arengge pidsa enggep lombok wonasa sepulu sepulu rak puruk, karetkwe-nen yidnak ndok wosa Melkisendek wok tij-o. Melkisendeg-o nanduk nandug-er-e: ”Lud tak nak yoso Nagawan-o” luk yogolar-o. Nde, iri-nen ar-e o Salem iri me nagawan ala karuk, at unu misig-e: ”Ap Lambuk tak Onposo Nagawan-o” luk yogolar-o.

3 YOANES 1:14

Yanem nggal-et totno lambuk luk, wene mbarul-o luk perasu-o.

NAM PARA WENE 1:4

Nanggamirak lambuk tak kinpidnak nap o tuju Asia wi worali nap kenpem-e: Nanduk na woraso, yawo na worasu, abok na wolma Mbal Pem Nagawan min at koreyak woraso urugwe nggwe woragwi indi tuju min mot mot nak konggoroso nap, Ambara manggu nderak iri-ge wat yidnak nap ennggendumu-nen uruk tak pid nap nggweyak ma yu me nagawan nagawan teberak unpuruk, nagawan amawi worak kek yidnak Yesus Kerisut min-nen idnak we wok ondoso elem min lambuksa woragwi elem min-e nanggamirak wok kunduwag-o luk an Yoanes-nen perasu-o. Yesus-nen nit nenabuwa karuk, at wat yosolar-e, nit meya yidnak inggem-nen wisirik nunpuruk,