YOANES 20:17 - Nanduk Ngget Tul Pidnak Wene

¹⁷ Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

YOANES 20:17 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 4:29

Yosoloma, Elisa-nen nden kaga Nggekasi iri na yik karuk yak tosolar-e: ”Kar-e an nowangun iri wanuruk, nok mburugundik, kwe yu ama wok yosolar-e, la iri bem purag-o. Nde, tu ndumu ap-nen nde wa yak korogola-ge, onggo wa yak ondosolat ndag-et mburugun puk me, mondok wa yak undurak pug-o” luk yak tij-o.

2 NAGAWAN NAGAWAN-NEN KWARIDNAK WENE 7:9

Iri kwarogolat-nen it nak wene mbarogolar-e: ”Nanggarag-o. Nit-nen kwatli yu-ge meya-t kwatli-o. Wene yu-ge konak wene-t me, mondok it yak unduwog-o. Nde, nit-nen nde yak indigit lag-et nene-t yulndig-e, mondok angin worak nenpem puwa-o. Iri ala-ge, wene yu-ge nagawan woraso sa yak indil mburuwog-o!” luk wene mbarak purug-e,

NDAWI ENGGA 22:22

Kat-nen kwaroso-ge an nenggamirak ndindera yak indimin-o. Kat kilirak ndok wiridnak ennggendumu-nen kat kerembel wanosolat woramin-o.

NDAWI ENGGA 43:4

Wok yimindig-e an-e an nalen tak poso elem Nembal Pem Nagawan kat kamanggim kan pugwi sa mbirimin-o. Mbirimindig-e, Mbal Pem Nagawan, Nembal Pem Nagawan wa-e. Kat kerembel wanosolat an-e ndawi yosolar-e, kecapi pobo ene rak pimin-o.

NDAWI ENGGA 89:26

At-nen yak norosolar-e: ’Kar-e an neid min Nembal Pem Nagawan min-net yusu-o. Kar-e nggetlel nobosolat, nimiri yosolat yoso-net yusu-o’ luk yuwa-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

YESKIEL 36:28

Worasola-ge, kir-e an-nen konmborak wok indigi o nggweyak iri na me-t woragub-o. Woragolar-e, kir-e an nilirak kwat yugub-o. Nde, an-e kit Kenmbal Pem Nagawan kwat yimin-o.

YESKIEL 37:27

An-e pem irit it inmin woralat, it Enmbal Pem Nagawan kwat yimin-o. Nde, ir-e an nilirak irit kwat ma-o.

MATIUS 12:50

An Neid aid arem woraso na indi-n pidnak nak kwatli nab-e iri-ge nowottak li ap min nowottak li kwami min an niya min-nen yusu-o” luk yij-o.

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

MATIUS 28:7

Karug-e, ndaget nak at owosirak yak indil mborogolar-e: ’At iri-ge wat yidnak nap ennggendumu-nen uruk lug-e, kit kentaremok nggwe Nggalilea mburusu-o. Iri me-nen kagub-o’ luk yak ender-o. Wene iri-ge ndemeret yak kindigi-o” luk yak indij-o.

MARAKUS 12:26

Nde, wat yidnak nap unluk tak purak wene-ge Musa-nen mbaridnak engga bem-e e sugwe kan amare lagaid wene na-ge kir-e kagwi bug-a? Nde, engga iri arem-nen Mbal Pem Nagawan-nen Musa yak tosolar-e: ’An-e Abaram min Isak min Yakup min Enmbal Pem Nagawan-nen yusu-o’ luk yak tij-o.

MARAKUS 16:19

Nde, Nagawan Indo Yesus-nen it na wene iri na yak ondosolug-e, aid arem konok turuk lasolar-e, Mbal Pem Nagawan inggi kigit ambigit nggwe kore yij-o.

LUKAS 10:4

Nde, mborogolar-e, kot manik min tu laro min kunuwok sum min waruk mbururak pug-o. Ap wa yak unduwokluk tundumu ndong yurak pug-o.

YOANES 13:1

O Anggul Pandok Mbiridnak tarem yebet kagolat nggulok saguwokluk nene yogolar-e, Yesus na nggweyak ma yu me keya buruk, Eid eram mondok mbururag-e yawo-n panggo yij-o luk, aru yij-o. Aru yosola-ge, at winde nap nggweyak ma yu me woragwi iri enabuwa kaso na worok tak purak tarem-nen na it enabuwa-t kagaij-o.

YOANES 13:3

Yesus na Eid-nen yi mende ndi mende at inggem pidnak na aru, nde, Mbal Pem Nagawan eram-nen lobok yidnak me, tuguruk ijok lem Mbal Pem Nagawan eram-et mbururak na aru woraidnak me,

YOANES 14:2

An Neid ama-ge wolmomtak sa-ge kwarat worasu me, an-e kit kondoro konil mburusu-o. Wene yu-ge ebe lak yurak nggal-e, an-e yak kendelep pug-o.

YOANES 14:28

An-nen yak kondosolar-e: ’An-e mbirimin-et nde, tuguruk kendam lobok yimin-o’ yak kondosola, kuligep nar-o. Nde, kir-e an nabuwa kagolat nggal-e, an Neij-e nggulok terak minig-et me, at Eid eram mburusu-o luk kenalen kaleb-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 16:28

An Neid eram-nen lobok yigirig-e, nggweyak ma yu me ngguwagi-o. Yawo nggweyak ma yu keya buruk, tuguruk Neid eram mbirimin-o” luk yij-o.

YOANES 17:11

Yawo an-e kat keram lobok yekluk yusu-o. An-e nggweyak ma yu me woramin pug-et nde, ir-e nggweyak ma worali-o. Konak nak Woraso Neid wa-e. Nit nenmberek misiget nak worali nggal, it na misiget nak makluk, an nebem pigen kunu, kat kunu iri bem-nen it na kwara ndegel onposolat wolmin-o.

YOANES 17:25

Lud tak nak Kwaroso Neid wa-e. Nggweyak ma nap-nen-e kat enaru buk worali-t nde, an perak nde kat naru-o. Nde, kat-nen an wirik nibil lobok yij-o luk it yu-nen perak nde enaru-o.

YOANES 17:5

Neid wa-e! Nggweyak yu ndak wirigit lak ma-nen kat kimin woralat an nunu kek tak woraso iri na bem yawo-nen kat kinmbiri bem an nunu kek tak pi-o.

YOANES 20:27

Yurug-e, Yesus-nen Tomas na yak tosolar-e: ”Kat kinggi an ninggi mok aroro yu bem posolat, naraptap arem kinggi mon kasolat yi-o. Kindi mberen yusu keya buruk, ndemeret kagi luk yebet ki-o!” luk yak tij-o.

YOANES 7:33

Iri ala-ge, Yesus-nen yosolar-e: ”Kit totno woragolar-e, marig-et nak worarug-e, an nibil lobok yidnak nap eram mbirimin-o.

OROMA 8:29

Nanduk-net Mbal Pem Nagawan-nen it len inpid iri-ge at Ambara Yesus Kerisut abage nggal kwat mag-o luk obi-net lud tak pid iri bem-nen at anggamirak kwarat ennggendumu at Ambara na manggu nderak makluk len inpij-o.

2 KORINTUS 6:18

An-e kit Kineid yosolat, nde, kir-e an nilirak li ap nde, li kwami nde tugub-o luk Amawi Kwarat worak Nagawan Indo-nen yij-o.”

NGGALATIA 3:26

Nde, kit pidsa Kerisut Yesus ebem kinndi angin tubu yigep pem-e Mbal Pem Nagawan ilirak-nen yili-o.

IBERANI 11:16

Alat nde, it iri-nen-e konak uwi misik iri nak kore yogolat woraiga-o. O iri-ge aid arem irir-o. Nde, Mbal Pem Nagawan-nen-e iri yidnak nap enmanggim-e o siri misik kona keya bamu me, it-nen-e Mbal Pem Nagawan imin-e ”Nit Nenmbal Pem Nagawan-o” luk yogola-ge, Mbal Pem Nagawan-e inggiri kasu bug-o.

IBERANI 8:10

Nde, Nagawan Indo-nen yosolar-e: ’Alat nde yawo-ge Isarael nap inmin urul paga yak indimin wene na-ge yur-o: Abok woragolar-e, an-nen-e imiri mbarak pidnak wene iri na waga it inndi arem posolat, wene na-ge it inndi bem mbarosolat yimin-o. An-e it Enmbal Pem Nagawan kwat yosolat, nde, ir-e an nelem nap kwat yogolat mul-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.

NAM PARA WENE 21:3

Iri luk, an kuliginggal-e, nagawan-nen koreyak woraso ondoro-nen ene ngguloksa yosolar-e: ”Yawo-ge Mbal Pem Nagawan woraso sa-ge ap ennggendumu worasu-o! Ar-e it inmin worala, ir-e at ilirak kwat ma-o. Nde, Mbal Pem Nagawan ar-et it inmin woralat, it Enmbal Pem Nagawan kwat ma-o.

NAM PARA WENE 21:7

Amawi luk, ombol nggwe yuwa nab-e yeba oboksa winde ma-o. Nde, an-e it Enmbal Pem Nagawan kwat yosolat, ir-e an nilirak kwat ma-o.