YOANES 20:16 - Nanduk Ngget Tul Pidnak Wene

¹⁶ Yak tosoloma-ge, Yesus-nen kwe na yak tosolar-e: ”Maria-o” luk yak tosoloma-ge, kwe na-ge at ambigit nggwe nden karuk, Iberani wene bem-nen at yak tosolar-e: ”Arabuni” yij-o. (Iri-ge Mul Nondoso Nab-o yosolat-nen yij-o.)

YOANES 20:16 ပူးပေါင်းရင်းမြစ်များ

NDAK WIRIDNAK WENE 22:1

Nde, siyak woraruk, mbi tarem-e Mbal Pem Nagawan-nen Abarakam indi tugup lak worasu iri na kayekluk, Mbal Pem Nagawan-nen-e ”Abarakam wa-e” luk wene mbo bij-o. Wene mbo obosoloma, Abarakam-nen erep nggarosolar-e: ”An-e yu-o” luk yij-o.

NDAK WIRIDNAK WENE 22:11

Wanuruk, wereyek perak yosoma-ge, Nagawan Indo-nen yidnak aid nap-nen mbal nggwe-nen wene mbo bosolar-e: ”Abarakam, Abarakam!” luk yosoloma-ge, Abarakam-nen nggarosolar-e: ”An-e yu-o” yij-o.

NDAK WIRIDNAK WENE 45:12

Yak unduruk, Yusup-nen tuguruk yak ondosolar-e: ”Yawo kit kondomok kenlengen-nen na, kat Mbenyamin-nen na, ’Ar-e Yusup nar-o’ luk neyali irir-o.

MBIRIGA WENE 3:4

Peraruk mborosoma-ge, Nagawan Indo-nen-e Musa na korok korok mborosola karuk, kan mare iri na enggendumu-nen Nagawan Indo-nen yosolar-e: ”Musa! Musa!” yosoloma, Musa-nen yosolar-e: ”An-e yu me-o” yij-o.

MBIRIGA WENE 33:17

Yosoloma, Nagawan Indo-nen Musa yak tosolar-e: ”Kar-e an-e naru-o. Nalen kebem poso me, kat-nen nggi yak nirigen iri-ge abu kwat kibimin-o” luk yij-o.

YESAYA 43:1

Isarael wa-e. Nagawan Indo-nen yak kondosolar-e: ”An-net kwarak kobosolat, ndak wat kobosolat kwarukmu-o. Kar-e kwiye yurak pug-o. An-net mondok kimiri yimin-o! An-nen-e kat kunu luk, wene mbo kubukmu-o. Kat yu-ge an narengge-nen yusu-o.

MATIUS 14:27

Mbogolikma-ge, ereya na-net Yesus-nen it yak ondosolar-e: ”Kinndi tugup lak wolmer-o! An-net yusu-o. Kwiye kali-ge meyog-o” luk yak indij-o.

MARAKUS 10:51

Mborosola-ge, Yesus-nen at yak tosolar-e: ”An-nen no kwat kuburak perasu-o?” luk kin wok obosoloma-ge, ap erengen ngguru-nen yosolar-e: ”Nggomo Nondoso Nap wa-e. An nerengen-nen kudtak irit nindingen-o” luk yij-o.

LUKAS 10:41

Yosoloma-ge, Nagawan Indo-nen kwe na yak tosolar-e: ”Marata wa-e. Marata wa-e. Kar-e yabu kwarat iri-nen ndowaga kar-e kindi kabak yosolat, kumud kasu-t nde,

YOANES 1:38

Imbirik mborogola, Yesus na nden kaga yik eneyasolat-nen kin wok onposolar-e: ”Li yu-ge wa-e. Kir-e no kore yil lobok yili-o?” luk yosoloma-ge, it-nen yogolar-e: ”Rabi wa-e. Kar-e ngge me woraso-o?” luk yiga-o. (Nde, Rabi iri-ge Mul Ondoso Nab-o yogolar-o).

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

YOANES 10:3

Nggosola-ge, lomba wam tumende yik karok woraso nap-nen-e lomba wam ombo na nggumakluk tu kuwarak poso-o. Nggosolar-e, lomba wam na enarik tak unnu luk wene mbo onposola kuluruk, lit eneyaruk at imbirik mbepme mburugwi-o.

YOANES 11:28

Nde, wene na yuruk Marata na ama mberarik-nen owot Maria na wene mbo buruk, mbik mbok-nen yak tosolar-e: ”Mul Nondoso Nap na lobok yarig-e, kat kin wok kibij-o” luk yak tij-o.

YOANES 13:13

Kit-nen an yak norogolar-e: ’Mul Nondoso Nap wa-e’ yogolat, ’Nagawan Indo wa-e’ yogolat yili iri-ge ndemeret ndak ndag-et yak nitli-o.

YOANES 20:28

Yak tosoloma-ge, Tomas-nen at yak tosolar-e: ”Kar-e an-nen idnak Nagawan Indo min an Nembal Pem Nagawan min-nen yusu-o!” luk yak tij-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YOANES 5:2

Nde, Yerusalem-nen-e Lomba Wam Tumende eralu-ge yi ugup lerak mbi woragaij-o. Nde, yi ugup iri unu-ge Iberani wene bem-e Mbetera irir-o. Nde, yi ugup lerak iri na inggi nggwe-ge o lima ngguwa nak wosarak iri me woragaij-o.

YOANES 6:25

Ogore yi koma eyak ele bem ndil ligarig-e, ap ereba na-nen Yesus karuk, at yak togolar-e: ”Mul Ondoso Nap wa-e. Kar-e mepme tarem-nen yu me lobok yigendig-o?” luk yak tiga-o.

YIDNAK YIDNAK WENE 10:3

Nde, misik tarem-e keyama jam tiga nggal pem ar-e nabi nggwe nggal nam-et yik kasolar-e, Mbal Pem Nagawan-nen idnak aid nap misik ama nggwarik-nen at yak tosolar-e: ”Korenelius wa-e” luk yak tosola kagaij-o.

YIDNAK YIDNAK WENE 9:4

Posoloma-ge, ar-e nggweyak ma mbud yarik-nen wene misik kolosolar-e: ”Saulus wa-e. Saulus wa-e. Kar-e noluk-nen lel mberel nubusu-o?” luk yosola kulij-o.

1 SEMUEL 3:10

Nene yosoma-ge, Nagawan Indo-ge iri na me men yil lobok yosolat-nen yid ereya na nggal-et yosolar-e: ”Semuel wa-e. Semuel wa-e” yosoloma-ge, Semuel-nen onggo yosolar-e: ”Wene yi-o. Ndegel koboso nap an-e kulusu-o” luk yak tij-o.

1 SEMUEL 3:6

Nene yosoma-ge, tuguruk Nagawan Indo-nen Semuel na wene mbo ibij-o. Wene mbo obosola-ge, Nagawan Indo-nen-e at imin-e wene yoso buk me, Semuel-nen-e: ”Yu-ge Nagawan Indo-nen wene mbo nubusu-o” luk peragit lag-o. Iri bem, ar-e menluk Eli eram mberarik-nen yak tosolar-e: ”Nombo wa-e. Noluk kar-e wene mbo nibigen-o?” yosoloma, Eli-nen yosolar-e: ”Nambara wa-e. An-e wene mbo kibigit lag-o. Tuguruk nene yil mbiri-o” yak tij-o.