YOANES 2:4 - Nanduk Ngget Tul Pidnak Wene

⁴ Yak tosoloma-ge, Yesus-nen at ija yak tosolar-e: ”Kwe yu-ge wa-e. Kat-nen-e: ’Iri nggal kwari-o’ luk yak nururak pug-o. An-nen nam tak purak tarem-e ndak yigit lak awo worasu-o” luk yak tij-o.

YOANES 2:4 ပူးပေါင်းရင်းမြစ်များ

2 SEMUEL 16:10

Alat nde, Nagawan Ndaut-nen Abisai owe Yoap min yak ondosolar-e: ”We yik nak karuk larok yer-o. Nagawan Indo-nen yak tidnak pem-nen nde imbiri lamut tak nobosola-ge, kat ta-nen: ’Kat iri kwarusu-ge meyog-o’ luk yurag-e ndag-a? Mondok meya-o” yak indij-o.

2 SEMUEL 19:22

Alat nde, Ndaut-nen Abisai min owe Yoap min yak ondosolar-e: ”Kir-e we kasa yeba lambinili na-ge meyog-o. Kir-e an anggun panggun tak nibili-o. Yawo-nen an-e Isarael nap enanggul pem min-et nagawan men yusu bem-e yawo tarem-e Isarael nab-e misiger-o luk tet mondok undurak pug-o” luk yak indij-o.

1 NAGAWAN NAGAWAN-NEN KWARIDNAK WENE 17:18

Wat yosoloma, kwe togwe iri na-nen Elia yak tosolar-e: ”Mbal Pem Nagawan ndegel oboso nap wa-e. Nab-o. Kar-e noluk-nen yu nggal kwat nigiben-o? Kat an neram lobok yigen yu-ge an meya yidnak ereba na Mbal Pem Nagawan-nen nimbiri parosolat, an-nen meya kwaroso iri na-nen ndowaga nambara yu wat yuwakluk lobok yigenma, lak?” luk yak tij-o.

AID WENE YOSO NAP 3:1

Yi mende ndi mende nggweyakma yu me-nen kwat yusu-ge Mbal Pem Nagawan-nen ”Kwat mag-o” yidnak tarem-et kwat yusu-o.

MATIUS 15:28

Iri yosoloma-ge, Yesus-nen kwe iri na yak tosolar-e: ”Kwe yu-ge wa-e. Kat kindi angin tubu yigen-e ijar-o! Kat kindi-n pigen irit kwat mag-o” luk yak tosoloma, ereya na-net at ara na-ge ki agaij-o.

MATIUS 8:29

It enmberek enne nggulok pem-nen yogolar-e: ”Mbal Pem Nagawan Ambara wa-e. Kar-e nit ninmin-e no kwareyeklug-o? Nenpem wene mbarurak tarem awo worala kagit, andi bandi rak nenpeyekluk lobok yusu-a?” luk yiga-o.

LUKAS 2:49

Yak tosoloma-ge, Yesus-nen it yak ondosolar-e: ”Kir-e noluk-nen an nogore waring kagolat woraigeb-o? An-e an Neid ama worasu-ge kit kenaru buk-nen yili, lak?” luk yak indij-et nde,

YOANES 12:23

Yak togolikma-ge, Yesus-nen it yak ondosolar-e: ”Ap Ambara an nunu kek tak purak tarem-e ndak agaij-o.

YOANES 13:1

O Anggul Pandok Mbiridnak tarem yebet kagolat nggulok saguwokluk nene yogolar-e, Yesus na nggweyak ma yu me keya buruk, Eid eram mondok mbururag-e yawo-n panggo yij-o luk, aru yij-o. Aru yosola-ge, at winde nap nggweyak ma yu me woragwi iri enabuwa kaso na worok tak purak tarem-nen na it enabuwa-t kagaij-o.

YOANES 2:3

Anggut engen amburu pidsa nuruk, lak ala karug-e, Yesus ija-nen at yak tosolar-e: ”Anggut engen amburu lak agaij-o” luk yak tij-o.

YOANES 20:13

Eneyasoloma-ge, aid nap na-nen kwe na kin wok obogolar-e: ”Kwe yu-ge wa-e. Kar-e noluk-nen yip tusu-o?” luk yogolikma-ge, kwe na-nen it yak ondosolar-e: ”An Nagawan Indo waga ngge me piga-o? Piga sa an-e kabak alat-nen yip tusu-o!” luk yak indij-o.

YOANES 20:15

Alama-ge, Yesus-nen kwe na kin wok obosolar-e: ”Kwe yu-ge wa-e. Kar-e noluk-nen yip tusu-o? Ta ogore yusu-o?” luk yak tij-o. Yak tosoloma-ge, yu-ge engen uwi towarak woraso nap-nen yusu-o eberasoluk, kwe na-nen at yak tosolar-e: ”Nab-o. Kat-nen nde waga nin me pidnak ala-ge, waneyek-nen pigen sa iri yak niri-o” luk yak tij-o.

YOANES 7:30

Iri tarem-net it-nen-e at tenagurak yiga-t nde, at tenagurak tarem-e awo wok yigit lak me, ap misiger-o luk tet at tenagurak meya agaij-o.

YOANES 7:6

Yak togolikma, Yesus-nen it yak ondosolar-e: ”An-nen kwarurak tarem-e awo wok yigit lak worasu-o. Nde, kit-nen kwarurak tarem-e ndak nak worasu-o.

YOANES 7:8

Nunggwi mende nggulok saguwa sa kir-e mberer-o. An-nen kwarurak tarem-e awo wok yigit lak me, an-e nunggwi mende nggulok iri saguwa sa mbirimin pug-o” luk yak indij-o.

YOANES 8:20

Yesus-nen wene iri yosolar-e, Mbal Pem Nagawan ama-nen Mbal Pem Nagawan amanggim tol pugwi ondoro eralu worasolat-nen yij-o. Nde, at tenagurak tarem-e awo wok yigit lak me, ap misiger-o luk tet-nen at tenakit lag-o.

2 KORINTUS 5:16

Iri bem, nir-e ap enpage mbenarogolar-e, ki nap-nen irit wurugwi mende bem-nen mbenatli bug-o. Nanduk nir-e Kerisut abage mbenarogolar-e, ki nap-nen irit wurugwi mende bem mbenarige-t nde, yawo-nen-e iri nggal kwasa at abage mbenatli bug-o.

TUGURUK YIDNAK WENE 33:9

Nde, it ineid iniya min onowe onowot min nen yidnag-e marik tak puruk, kat-nen yidnak yidnag-et tugup lak kwariga-o. Kat-nen enpem pidnag-e ndak ndag-et kwarogolat, kat-nen urul yak indidnag-e iri na-t kwarogolat woraiga-o.