YOANES 2:21 - Nanduk Ngget Tul Pidnak Wene

²¹ Alat nde, Yesus-nen-e: ”Mbal Pem Nagawan uwi-o” yid iri-ge at ebe min-et yij-o.

YOANES 2:21 ပူးပေါင်းရင်းမြစ်များ

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 2:22

Nde, at na wat luk, uruk yosoloma karuk, at owosirak-nen-e ”Ondolma worosolar-e, mberen-et nak nene yimin-o” luk yid na-ge yebet kaiga-o. Yebet karuk, Mbal Pem Nagawan engga bem-nen mbaridnak na min Yesus-nen yidnak wene min ebem inndi angin tubu yiga-o.

1 KORINTUS 3:16

Kir-e Mbal Pem Nagawan uwi worak me, Mbal Pem Nagawan Indi-ge kenarem worasu na-ge kir-e kenaru buk, lak?

1 KORINTUS 6:19

Kit kenpe-ge Mbal Pem Nagawan-nen wok kindidnak Konak Indi kenarem worasu iri uwi na-ge kenaru bug-a? Kit kenpe iri-ge kenambik kenarengge-nen yusu-ge lag-o.

2 KORINTUS 6:16

Mbal Pem Nagawan uwi min kugiwak min erep kundik wolma, lak? Nde, nir-e uruk nak woraso Mbal Pem Nagawan uwi-nen yili-o. Mbal Pem Nagawan-nen yosolar: ”An-e it inmin woralat, it ennggenggerak woralar-e, An-e it Enmbal Pem Nagawan kwat yosolat, Nde, ir-e an nelem nab-et kwat yogolat ma-o” luk yij-o.

KOLOSE 1:19

Nde, Mbal Pem Nagawan indi-n pidnak pem-e Mbal Pem Nagawan abage iminep mbarak iri-ge at Ambara arem worasu-o.

KOLOSE 2:9

Nde, Mbal Pem Nagawan-et woraso oboksa-ge Kerisut nggweyak ma nap enpage worak iri na bem-et worasu-o.

IBERANI 8:2

At-nen eyabu tepan ombo nggulok yabu-ge ap-nen nggugwi buk mondok marak sa iri me-nen wanusu iri-ge, ki nap-nen wiridnak sum-nen wiridnak wi iri me wanusu-ge lag-o. Are, ndemeret ebe wi Nagawan Indo-nen wiridnak sum-nen wiridnak wi iri me-t wanusu-o.