YOANES 2:16 - Nanduk Ngget Tul Pidnak Wene

¹⁶ Iri lug-e, at-nen towe nggwende onggo wanugwi nap na yak ondosolar-e: ”Yeba pidsa waruk mberer-o! An Neid ama yu-ge onggo wanogolat, onggo pogolat yugwi sa nggal tak pili-ge meyog-o!” luk yak indij-o.

YOANES 2:16 ပူးပေါင်းရင်းမြစ်များ

YEREMIA 7:11

Kit-nen yik kagolar-e, an nuwi yu-ge ap nden unpugwi nap woragwi ondoro rak pili, lak? Kit-nen kwatli ereba oboksa-ge an-e kasu-o.

MATIUS 21:12

Iri luk, Yesus na-ge Mbal Pem Nagawan ama nggwarik, o ma iri me-nen onggo pogolat, wene worogolat kwarugwi nap oboksa sera wirik inpij-o. Iri rak puruk, uwang logat pogat yaga wanugwi nap ontol ondoro na nden yaga nggilal kasolat, it towe nggwende onggo wanugwi nap na koreyak woragwi sa na nden yaga nggilarak posolat-nen

MATIUS 21:13

it yak ondosolar-e: ”Mbal Pem Nagawan engga mbarak pem-nen wene yu mbarak worasu-o: ’An nama iri imin-e tepan yugwi ma-o luk yuwa-o’ luk yij-et nde, kit-nen-e o ma yu-ge yariya wanugwi nap ondoro nggal tak pili-o” luk yak indij-o.

MATIUS 22:5

Alat nde, yonggo inpidnak nap ereba-nen-e wene na kuligit lak, eneyak nggal tak pogolar-e, at misik iri-ge eyapmu nggwe mborosolat, at misik iri-ge at-nen kwaroso sa ereba na kwarurak pem mborosolat,

MARAKUS 11:17

Yak unduruk, Yesus-nen ap ereba na mul ondosolar-e: ”Mbal Pem Nagawan engga bem-e yu nggal mbarak worasu-o: Mbal Pem Nagawan-nen yosolar-e: ’An nuwi-ge ap pidsa enmanggim tepan yugwi ma-o luk yidnak worasu-o’ luk yij-et nde, ’kit-nen-e at uwi-ge yariya wanugwi nap ondoro nggal tak pili-o’ luk mul indij-o.

LUKAS 2:49

Yak tosoloma-ge, Yesus-nen it yak ondosolar-e: ”Kir-e noluk-nen an nogore waring kagolat woraigeb-o? An-e an Neid ama worasu-ge kit kenaru buk-nen yili, lak?” luk yak indij-et nde,

YOANES 10:29

Nolomba ninggem pidnak nap an Neid na-ge terak minik nggulok pare-nen yusu me, an Neid inggem worali nab-e ap misiger-o luk tet-nen ming unpurag-e mondok meya-o.

YOANES 2:15

Iri kwarogola eneyasolug-e, kere linggamburok kona keya burug-e, lomba wam min sapi wam min pik paksa Mbal Pem Nagawan ama-nen mbepme wirik pij-o. Iri luk, uwang nden penden yugwi ondoro na nden yaga keya bosola-ge, tol ereba na-ge nggilara nggweyak ma nari wari yij-o.

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

YOANES 5:17

Alama-ge, Yesus-nen it yak ondosolar-e: ”An Neig-e yabu wok tenak kundugu yawo na wanusur-o. Nde, an-nen na yabu wanusur-o” luk yij-o.

YOANES 8:49

Yogolikma-ge, Yesus-nen yosolar-e: ”An-e kugi narem nggwidnag-e lag-o. An-e Neid kek tak pusu-t nde, kit-nen-e an kek tak nibili bug-o.

1 TIMOTIUS 6:5

yebet kagwi mende lak yidnak nap min ndemeret wene kabak tak pidnak nap min-nen pempa kundugu neyak puk keyak puk tenak worali-o. It-nen peragolar-e, aid wene iri bem-e silobulo terak lesa wanugwi-o luk perali-o.

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.