YOANES 19:30 - Nanduk Ngget Tul Pidnak Wene

³⁰ Pil lagola-ge, Yesus-nen-e anggut engen amburu ngari worak na nuruk-nen yosolar-e: ”Ndak agaij-o” luk anggul wandu yidnggal-e, indisep worok yij-o.

YOANES 19:30 ပူးပေါင်းရင်းမြစ်များ

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDAWI ENGGA 22:15

noronggolem-e abu le yosolat, nama-ge namanggaruk pem panggara labuk yusu-o. Nagawan Indo kat-nen-e ap lugwinik nggal mbo nak nubusu-o.

YESAYA 53:10

Nde, Nagawan Indo indi-n pidnak pem ar-e andi bandi kasolat, ondomok indi wisirik pid iri-ge meya yidnak lak tak purak pem Mbal Pem Nagawan amanggim wosa pugwi nggal irit wat yij-o. Ar-e uruk mot pem-et woralat, at-nen wigarag-e erengen-nen kujwa-o. At ebem nggwe-net Nagawan Indo indi-n pidnag-e kwat ma-o.

YESAYA 53:12

At na ondomok indi-net iminep wisirik puruk, meya yoso nap nggal kwat yamu-o. At-nen-e ap kwarat-nen meya yidnak wanosolat, it meya yidnak amberam tak puwakluk tepan enmanggim yamu-o. Iri bem-nen an-nen ap kwarat we at wok tukmu-o. Nde, ap lud tak mot mot nak kwarugwi nap-nen wanugwi ereba na-ge at min-et it inmin lambuksa winde ma-o” luk yij-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

NDANIEL 9:26

Angin worak tarem ereya woraruk, worok yosola-ge, Mbal Pem Nagawan-nen lena pil lobok yidnak ap lit unpuruk noso nap iri na-ge ar-e meya kwarigit lag-et nde, wuruwa-o. Worogola-ge, nagawan misik-nen idnak esan ombo lobok yogolar-e, Yerusalem iri na min Nagawan Indo wi iri na min-e mondok ondoro min abu lak tak puwa-o. Iri kwatluk ombol nggwe-ge Mbal Pem Nagawan-nen ’Iri nggal-et kwaruwa-o’ luk lud tak pid iri na ndak ndag-et wim nab-e yi ebe nggal irit lobok yogolat inmin wim mborogolat, yigisa lak tak unpuwa-o.

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

MATIUS 27:50

Yogolikma-ge, Yesus na kwa nggulok yuruk, indisep worok yij-o.

MATIUS 3:15

Yosoloma-ge, Yesus-nen yak tosolar-e: ”Irit nde, yawo-ge ereba mag-o. Iri nggal kwarogolar-e, Mbal Pem Nagawan indi-n pidnak obok ndak ndak pogolat-nen kwarul-o” luk yak tosoloma-ge, Yoanes na-ge at-nen yidnag-et kwarij-o.

MARAKUS 15:37

Yosoloma-ge, Yesus-nen nggwa lug-e, wat yij-o.

LUKAS 22:37

An yak kendeyeg-o. Mbal Pem Nagawan engga bem-nen an nimin yosolar-e: ’At iri-ge meya yugwi nap nggal tak ibidnak nab-o’ yidnak wene iri-ge mondok ndak ndak irit kwat ma-o. Nde, an kwat nuburak wene mbarak iri na ndak ndag-et yawo kwat nibili-o” luk yij-o.

LUKAS 23:46

Yesus na ene nggoksa yosolar-e: ”Neid wa-e. An nindi-ge kat kinggem pusu-o” yuruk, wat yij-o.

YOANES 10:11

Lomba wam ombo konag-e an-net yusu-o. Nde, lomba wam ombo konak-nen-e at olomba enmanggim at na at-net iminep wisirik pusu-o.

YOANES 10:18

Nin nap-nen an nindi mengga wanuwa bug-o. An nindi-net nindi wisirik pimin-o. Nindi wisirik purak na, nindi tuguruk winde yurak na, an nebem-et worasu-o. Iri kwarurak iri-ge an Neid-net nebem pij-o” luk yij-o.

YOANES 17:4

Nggweyak ma yu me-nen kat kek tak kobosolar-e, kat-nen nebem pigen yabu na woroksa wanigi-o.

YOANES 19:28

Iri lug-e, Yesus-nen-e pidsa ndak yidnak na aru lug-e, Mbal Pem Nagawan engga mbarak pem-nen yidnak wene ndak ndak makluk, at-nen yosolar-e: ”Yi nere-o” luk yij-o.

YOANES 4:34

Yogolikma-ge, Yesus-nen it yak ondosolar-e: ”An numburu-ge an wirik nibil lobok yidnak nap iri na indi-n pidnak nak kwarosolat, at-nen yabu nebem pidnak na woroksa wanosolat yurak irir-o.

OROMA 10:4

Musa-nen imiri mbarak pidnak wene na-ge Kerisut-nen ndak tak pidnak me, inndi-ge at ebem angin tubu yuwa nap pidsa-ge lud tak nak unpuwa-o.

OROMA 3:25

Mbal Pem Nagawan-nen-e Yesus iri-ge wam wosa eyabi at amanggim pidnak nggal pid iri-ge, at eyabi mbiridnak pem at ebem inndi angin tubu yidnak nap-nen meya yidnak lak tak peyekluk pij-o. Mbal Pem Nagawan-nen Yesus pid iri-ge at lud tak nak kwaroso na mirik nenpeyekluk-nen pij-o. Nandug-e ap-nen meya kwarogola, eneyasolar-et nde, Mbal Pem Nagawan-nen at indi luruk puruk, indisem woragaij-o.

1 KORINTUS 5:7

Kir-e nanduk woraidnak meya lomboroso mende iri-ge mbo ber-o. Iri ala-ge, kir-e nggeret konidnak oroti lomboroso mende pigit lak yidnak oroti iri nggal-et kwat yobokluk. O Anggul Pandok Mbiridnak tarem lomba wam wurugwi nggal, nit Nonlomba Kerisut iri-ge nenmanggim wiriga-o.

PILIPI 2:8

Nde, ki nap enpage nggal luk, ar-e tebe luk, Mbal Pem Nagawan-nen yidnak yidnak kwarogolar-e, wat yekluk ondomok indi wisirik pij-o. Nde, iri-ge e lang pang tak pem wat yid irir-o.

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

IBERANI 9:22

Ndemerer-o. Imiri mbarak pidnak wene-nen yidnak yidnak kwarogolar-e, yi mende ndi mende oboksa-ge eyabi bem nak-nen mbek tak poso-o. Nde, eyabi wirik pidnak pem nak-net ap-nen meya yogolat woraidnag-e amberam tak poso-o.