YOANES 19:28 - Nanduk Ngget Tul Pidnak Wene

²⁸ Iri lug-e, Yesus-nen-e pidsa ndak yidnak na aru lug-e, Mbal Pem Nagawan engga mbarak pem-nen yidnak wene ndak ndak makluk, at-nen yosolar-e: ”Yi nere-o” luk yij-o.

YOANES 19:28 ပူးပေါင်းရင်းမြစ်များ

NDAWI ENGGA 22:15

noronggolem-e abu le yosolat, nama-ge namanggaruk pem panggara labuk yusu-o. Nagawan Indo kat-nen-e ap lugwinik nggal mbo nak nubusu-o.

NDAWI ENGGA 69:21

Are, an nere yosoma, an nujwakluk ninggis mende nde mak niriga-o. An yi nere yosoma, yi ngari worak umburugwi undu mak niriga-o.

LUKAS 12:50

An nebem andi bandi mburak mende-ge mondok ija lombok worasu-o. Iri awo kwat nibigit lak worala-ge, nindi kondoksa worasu bug-o.

LUKAS 18:31

Iri lug-e at owosirak duabelas na enarik ndok worak unpuruk, Yesus-nen it yak ondosolar-e: ”Yu nde ker-o. Nir-e Yerusalem mbitli-o. Nde, iri me-nen-e Mbal Pem Nagawan ene lomboksa yugwi nap-nen Ap Ambara an kwat nuburak wene mbaridnak pidsa iri na ndak ndag-et kwat nubuwa-o.

LUKAS 22:37

An yak kendeyeg-o. Mbal Pem Nagawan engga bem-nen an nimin yosolar-e: ’At iri-ge meya yugwi nap nggal tak ibidnak nab-o’ yidnak wene iri-ge mondok ndak ndak irit kwat ma-o. Nde, an kwat nuburak wene mbarak iri na ndak ndag-et yawo kwat nibili-o” luk yij-o.

LUKAS 9:31

aid arem yaya bem-nen nam luk, siyag-et woraruk Yesus na Yerusalem mbutluk, iri me wat momtak wene irit Yesus imin mbarogolat woraiga-o.

YOANES 13:1

O Anggul Pandok Mbiridnak tarem yebet kagolat nggulok saguwokluk nene yogolar-e, Yesus na nggweyak ma yu me keya buruk, Eid eram mondok mbururag-e yawo-n panggo yij-o luk, aru yij-o. Aru yosola-ge, at winde nap nggweyak ma yu me woragwi iri enabuwa kaso na worok tak purak tarem-nen na it enabuwa-t kagaij-o.

YOANES 17:4

Nggweyak ma yu me-nen kat kek tak kobosolar-e, kat-nen nebem pigen yabu na woroksa wanigi-o.

YOANES 18:4

Lobok yogolikma-ge, Yesus na at kwat uburak pidsa aru me, it endam panggo lasolat-nen yak ondosolar-e: ”Kir-e ta ogore yili-o?” luk yosoloma-ge,

YOANES 19:24

it-nen yogolar-e: ”Sum yu-ge ndulurag-e meya-o. Are, engga mbara ligik puwog-o. Ebem mbidnak nap irit wanuwak-nen-o” lug yiga-o. Iri kwariga iri-ge Mbal Pem Nagawan engga mbarak pem-nen yosolar-e: ”An nusum-e it-nen tembesa wanogolat, namberam sum mot wanurak pem engga mbara ligik pogolat yiga-o” luk yid iri na ndak ndak tak pogolat-nen kwariga-o. Ndemeret iri na nggal-et it san winde ereba-nen kwariga-o.

YOANES 19:30

Pil lagola-ge, Yesus-nen-e anggut engen amburu ngari worak na nuruk-nen yosolar-e: ”Ndak agaij-o” luk anggul wandu yidnggal-e, indisep worok yij-o.

YOANES 19:36

Nde, iri kwat ibiga iri-ge, Mbal Pem Nagawan engga bem-nen yosolar-e: ”At owak misiget ter-o luk mbi kalak puwa bug-o” yidnak na ndak ndak tak pogolat-nen yiga-o.

YOANES 4:34

Yogolikma-ge, Yesus-nen it yak ondosolar-e: ”An numburu-ge an wirik nibil lobok yidnak nap iri na indi-n pidnak nak kwarosolat, at-nen yabu nebem pidnak na woroksa wanosolat yurak irir-o.

YIDNAK YIDNAK WENE 13:29

Nde, nanduk mbaridnak engga bem at imin-e ’Iri nggal kwat puwa’ yidnak wene iri na pik paksa ndak ndak tak purug-e, e lang pang tak pem-nen waga pil mbuwarig-e, kerep ndome mbinggirik pil mbiriga-o.