YOANES 19:11 - Nanduk Ngget Tul Pidnak Wene

¹¹ Yak tosoloma-ge, Yesus-nen yosolar-e: ”Mbal Pem Nagawan-nen amawi iri kinggem pigit lak nggal-nen-e kat-nen an nebem wene mbarurag-e meya-o. Iri bem, kat meya yidnag-e marig-et nde, it an wesera kinggem nibiga nap-nen meya yidnag-e ijar-o” luk yij-o.

YOANES 19:11 ပူးပေါင်းရင်းမြစ်များ

NDANIEL 4:17

Nde, nit aid nap lid lud tak puruk, nenlengen lumbunugwi iri na-nen mbaridnak wene-ge yur-o. Nde, nit ninndi-nen pige-ge ap oboksa-nen enaru yogolar-e, Mbal Pem Nagawan Mondok Kek tak iri-ge nagawan-nen tenagidnak wi-ge at tena woralat, at-nen tenaga woraso wi iri-ge at-nen nagawan lenak puruk ininggem posolat, ap mondok teberag-et nde, inggem posolat na ndak-net yusu-o” luk aid nap-nen yij-o.

NDANIEL 4:25

Nap kar-e ap ennggendumu-nen langgara wirik kubuwama, wam min lambuksa tusundumu ereba olengen tuju irit woragun-o. Nde, olengen tuju iri woralar-e, sapi nggal tusuangge tarosolat, we mbepme ereba-t nene yosolat woragun-o. Worala-ge, lilangen-nen piri rak kubuwa-o. Woraruk ombol nggwe-nen perak nap kat-nen perasolar-e: ’Mbal Pem Nagawan Mondok Kek tak iri na-ge nggweyakma yu-nen tenagidnak wi iri-ge Mbal Pem Nagawan inggem-et woralat, ta-nen nde at-nen lenak pidnak nab-e nggweyakma yu me-nen tenagidnak wi-ge inggem purak iri na ndak-net yusu-o’ luk peragun-o.

NDANIEL 4:32

Kar-e ap ennggendumu-nen sera wirik kubuwama, wam min lambuksa tusundumu woralar-e, sapi nggal tusuangge tarosolar-e, olengen tuju irit woragun-o. Irit worasoma, kat-nen parosolar-e: ’Mbal Pem Nagawan Mondok Kek tak iri-ge nggweyakma nap-nen tenagidnak wi-ge at inggem-et woralat, nggweyakma nap-nen tenagidnak wi iri na at-nen-e at indi-nen peraruk lenak pidnak nap wok turak iri-ge ndak nag-o’ luk para yugun-o” luk yij-o.

NDANIEL 4:35

Nggweyakma yu me worali nap oboksa-ge ebe lak mende-nen yusu-o. Aid nap aid arem worali min ki nap nggweyakma yu me worali min-e Mbal Pem Nagawan inggem nak worali-o. Ap misiger-o luk mbi-nen Mbal Pem Nagawan indi-nen pidnak lugud tak purak iri-ge meya-nen yusu-o. Ap-nen ’Kar-e no kwarusu-o?’ luk, kwiye lag-et at yak turag-e meya-o.

NDANIEL 5:21

At iri-ge ki nap ennggendumu-nen sera wirik pamu, at indi-ge wam indi nggal kwat yij-o. Iri kwatlug-e, kelerai wam erengen kege ereba na min lambuksa woralat, sapi-nen kwaroso nggal tusuangge tarosolat, mbepme ereba-t nene yosolat, lilangen-nen piri rak posolat woragij-o. Alat nde, abok nggwe-ge at-nen yosolar-e: ’Mbal Pem Nagawan Mondok Kek tak iri-ge ki nap-nen tenagidnak wi iri-ge at inggem-net yusu-o. Nde ki nap-nen tenagidnak wi iri-ge at-nen lenak pidnak nap inggem poso-nen yusu-o’ luk para yij-o.

MATIUS 26:65

Iri yosoloma-ge, tepan ombo nggulok na-nen at usum ndela keya buruk-nen yosolar-e: ”At yu-nen-e Mbal Pem Nagawan obok pid irir-o! Nir-e no amanggim at ebem wene kunggururak nap erep yonggo unpul-o? At ondomok-net Mbal Pem Nagawan obok posola, abu kuligep irir-o.

MATIUS 27:2

Iri luk, at na kere kamarak puruk, waga gubernor Pilatus na eram piga-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

MARAKUS 14:44

Nde, at iminep wisirid nap na-nen it yenggerak puwakluk yak ondosolar-e: ”An-nen paluksa wa yak timin nap irit tenasa mondok kwara waruk mbururag-o” luk yak indij-o.

LUKAS 22:53

An-e pempa kit kennggenggerak Mbal Pem Nagawan ama woraso-t nde, kir-e tena nibigit lak yigeb-o. Alat nde, yawo-ge kit-nen idnak tarem min ndamuk ombo-nen amawi yurak tare min-nen yusu-o” luk yij-o.

YOANES 18:13

mondog-et Anas eram ibil mbiriga-o. Anas na-ge olengen iri bem tepan ombo nggulok makluk, mendak ibidnak nap Kaipas na abak irit woragaij-o.

YOANES 18:3

Aru me, Oroma nap san winde ap kere misik min tepan ombo nagawan min Parisi nap min-nen wirik inpidnak Mbal Pem Nagawan uwi yik karok woragwi erep min-e Yuras na imin luk iri me wok yiga-o. Wok yogolar-e, tege wanugwi, san wanugwi luk, tal pem lobok yiga-o.

YOANES 19:10

Iri ala-ge, Pilatus-nen at yak tosolar-e: ”Kar-e an nimin wene yurag-e kisili-a? Wisirik kuburak na, e lang pang tak pem panggarak kuburak na amawi-ge an ninggem worasu-ge karu bug-a?” luk yak tij-o.

YOANES 3:27

Yogolikma-ge, Yoanes-nen yosolar-e: ”Mbal Pem Nagawan-nen ap mbi kwat ibigit lak-nen at ondomok amawi bem-nen nak kwarurag-e meya-o.

YOANES 7:30

Iri tarem-net it-nen-e at tenagurak yiga-t nde, at tenagurak tarem-e awo wok yigit lak me, ap misiger-o luk tet at tenagurak meya agaij-o.

YOANES 9:41

Yesus-nen it yak ondosolar-e: ”Kir-e kenlengen ngguru woragwi nggal-nen-e kit meya yidnak lak woraleb-o. Alat nde, kit-nen-e: ’Nit nenlengen-e ob-o’ luk yugwi me, kir-e meya min-et worali-o” luk yak indij-o.

YIDNAK YIDNAK WENE 2:23

Mbal Pem Nagawan-nen at indi-n pidnak pem at-nen irit kwarimin-o luk peragaid iri na ndak ndak tak posolar-e, Yesus na-ge wesera kininggem pamu, kit-nen-e it wene tarugwi nap endam pogola, it ininggi-nen-e e lang pang tak pem panggarak ibiga-t nde, kit-net wirigep nar-o.

YIDNAK YIDNAK WENE 3:13

Abaram min Isak min Yakub min Enmbal Pem Nagawan iri-ge nit nenlawingga Enmbal Pem Nagawan-nen-e at Ndegel Oboso Nap Yesus na unu kek tak pij-o. Yesus na-ge kit-nen wesera wok ondogolat, Pilatus-nen-e ’Mondok keyap tak purak’ peragaij-et nde, kit-nen Pilatus imbiri bem-et wesera keya bigeb-o.

YIDNAK YIDNAK WENE 4:28

Ndok wiriga iri-ge, kat kamawi min kat kindi-nen irit kwaruwag-o luk nanduk peraigen mende irit lud makluk kwariga-o.

OROMA 11:36

Nde, yi mende ndi mende pidsa-ge at nak-nen ndak worak posolat, at-nen nak yidnag-o, nde, at amanggim nak worasu-o. At unu-ge kek tak irit woralik nalik mag-o. Amen.

OROMA 13:1

Ap oboksa-nen pemerinta-nen yidnak yidnak nak kwarurag-o. Nde, pemerinta pidsa enmawi-ge Mbal Pem Nagawan nak-nen wok indidnag-o. Nde, yawo worali pemerinta yu-nen Mbal Pem Nagawan-nen yidnak pem-et kwatli-o.

YAKOBUS 1:17

We wok ondoso mende konak iminep mbarak oboksa iri-ge teram nggwe-nen mberak pil mbuwasu iri-ge aid arem worasu yaya elem ndak worak pidnak Mbal Pem Nagawan-nen pil mbuwaso-o. Nin yoso buk Mbal Pem Nagawan-e nden karuk, lumurak nonposo buk-nen yusu-o.

YAKOBUS 4:17

Iri bem-e, konak kwarurak aru-t nde, kwarusu buk nab-e ambik ebem meya pusu-o.