YOANES 18:35 - Nanduk Ngget Tul Pidnak Wene

³⁵ Yosoloma-ge, Pilatus-nen yosolar-e: ”An-e Yawuri nab-a? Kat kondomok kelem nap min tepan omborak nagawan min-nen kat wesera na ninggem kibiga-o. Nde, iri yiga iri-ge kar-e no kwarigenma-nen-o?” luk yij-o.

YOANES 18:35 ပူးပေါင်းရင်းမြစ်များ

NEMIA 4:2

Iri yosolar-e, at imin yabu misiget erep wanugwi nap min Samaria nap san ombo ereba na min inmbiri bem yosolar-e: ”It Yawuri nap enmawi lak yeba nggal-nen-e no kwatli-o? ’O siri yu-ge tuguruk wurul-o’ luk perali-a? It inndi nen yebet kagolar-e: ’Mbal Pem Nagawan amanggim wam wosa kan pul iri bem nak-nen yabu iri-ge misik tarem nak-nen lak tak pul-o’ luk yebet kali-a? Nde, eneyakngen mbo bidnak kan ninggidnak isik logo logo ereba-ge kerep pak leget wururak kerep tak puwa-a?” luk pesel ninpij-o.

YOANES 18:28

O kuplilasa-t Kaipas na ama-nen Yesus waruk gubernor woraso sa, ap enpem wene mbarugwi sa iri na me mbiriga-o. Nde, it Yawuri nab-e O Anggul Pandok Mbiridnak tarem yebet kagolat saidnak nunggwi mende na norak me, meya mende enpem puwa naru, ap enpem wene mbarugwi sa iri na me nggwigir-e lak, mbepme larok yiga-o.

YOANES 18:34

Yosoloma-ge, Yesus-nen at yak tosolar-e: ”Wene kin wok nubusu yu-ge kat kondomok kindi-nen yusu, lak? Are, nin nap-nen an nowene yak kirikma-nen yusu-a?” luk yij-o.

YOANES 18:36

Yosoloma-ge, Yesus-nen yosolar-e: ”An-nen tenagaidnak wi-ge nggweyak ma yu me-ge lag-o. An-nen tenagaidnak wi-ge nggweyak ma yu me nggal-nen-e Yawuri nap ininggem keya nubuwa naru, an nowosirak-nen-e wim mbatleb-o. Lag-o. An-nen tenagaidnak wi-ge o yu me-ge lag-o!” luk yij-o.

YOANES 19:11

Yak tosoloma-ge, Yesus-nen yosolar-e: ”Mbal Pem Nagawan-nen amawi iri kinggem pigit lak nggal-nen-e kat-nen an nebem wene mbarurag-e meya-o. Iri bem, kat meya yidnag-e marig-et nde, it an wesera kinggem nibiga nap-nen meya yidnag-e ijar-o” luk yij-o.

YOANES 19:6

Yak ondosoloma-ge, tepan ombo nagawan min Mbal Pem Nagawan ama towarak woragwi min-nen at karug-e, enne nggoksa yogolar-e: ”E lang pang tak pem panggarak per-o! E lang pang tak pem panggarak per-o!” luk yiga-o. Yogolikma-ge, Pilatus-nen it yak ondosolar-e: ”An-e at-nen meya mbi kwarigit lak kagirik me, kit kondomok-net waga e lang pang tak pem panggarak per-o” luk yij-o.

YIDNAK YIDNAK WENE 21:38

Iri ala-ge, woraige nggal ereya pemerinta inmin wim ngaruwokluk ensan worak ap undugwi nap empat ribu (4,000) iri-ge karu me ereba lit unpuruk mbirid Mesira nap na-ge kar-a?” luk yij-o.

YIDNAK YIDNAK WENE 23:29

Imin mbigirik, an-nen lombot piginggal-e, at ebem pidnak wene iri-ge it-nen yugwi imiri mbarak pidnak wene na bem-nen at ebem piga-o. Alat nde, at-nen kwaridnak pem-nen at worogolat, o kubu me ibil nggogolat momtag-e lag-et kagi-o.

YIDNAK YIDNAK WENE 3:13

Abaram min Isak min Yakub min Enmbal Pem Nagawan iri-ge nit nenlawingga Enmbal Pem Nagawan-nen-e at Ndegel Oboso Nap Yesus na unu kek tak pij-o. Yesus na-ge kit-nen wesera wok ondogolat, Pilatus-nen-e ’Mondok keyap tak purak’ peragaij-et nde, kit-nen Pilatus imbiri bem-et wesera keya bigeb-o.