YOANES 18:20 - Nanduk Ngget Tul Pidnak Wene

²⁰ Kin wok obosoloma-ge, Yesus-nen at yak tosolar-e: ”Ap pidsa wene yak ondosolar-e, an-e pempa ap pidsa inmbiri bem nam-et nak yoso-o. An-e ap mirik onposolar-e, Yawuri nap pidsa ndok wurugwi sa tepan yugwi ma-nen na, Mbal Pem Nagawan ama-nen na mirik onposolat woragi-o. Nde, an-e kurasa wene mbi yoso bug-o.

YOANES 18:20 ပူးပေါင်းရင်းမြစ်များ

NDAWI ENGGA 22:22

Kat-nen kwaroso-ge an nenggamirak ndindera yak indimin-o. Kat kilirak ndok wiridnak ennggendumu-nen kat kerembel wanosolat woramin-o.

NDAWI ENGGA 40:9

An-nen-e kilirak ndok worak ennggendumu enalen kudtak wene yak ondosolar-e, kat-nen ninmiri yoso wene yak indigi-o. Iri kwarosolar-e, an-e ndong yigit lak, mondok yak ondosolat woragi-o. Iri kwarigi oboksa-ge kar-e karu-o, Nagawan Indo wa-e.

YESAYA 45:19

An-nen wene yosolar-e, kurak kurak yosolat, mbik mbok kurasa yosolat iri-ge yoso bug-o. An-nen-e nilirak Isarael nab-e we ereba-t nogore yuwakluk, ’Nin nggwe nogore yer-o’ luk yak ondoso bug-o. Nagawan Indo an-nen-e ndemeret nak yak ondosolat, ndemeret wene iri nag-et enaru rak posolat kwaroso-nen yusu-o” luk yij-o.

MATIUS 24:26

Nde, ap-nen yak kodogolar-e: ’Yu ker-o. At iri-ge karu me worasu-o’ luk yogola-ge, iri nggwe mbururak pug-o. Are, ’Yu ker-o. Iri me kura worasu-o’ luk yak kondogola-ge, ndemerer-o luk purak pug-o.

MATIUS 26:55

Iri yuruk, Yesus-nen ap kwarat na yak ondosolar-e: ”An-e yariya wanoso nap ala-nen posid tege min nggwambu min parugu an tena nubuwokluk yili-a? An-e pempa Mbal Pem Nagawan ama koreyak worasolat-nen ap mul ondosolat woraigi-t nde, tena nibigit lak yigeb-o.

MATIUS 26:65

Iri yosoloma-ge, tepan ombo nggulok na-nen at usum ndela keya buruk-nen yosolar-e: ”At yu-nen-e Mbal Pem Nagawan obok pid irir-o! Nir-e no amanggim at ebem wene kunggururak nap erep yonggo unpul-o? At ondomok-net Mbal Pem Nagawan obok posola, abu kuligep irir-o.

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MATIUS 9:35

Iri luk, Yesus na-ge o siri nggulok me wok, o siri marik me wok, oboksa waring kasolar-e, Mbal Pem Nagawan uwi worak ma-nen Mbal Pem Nagawan-nen tenagaidnak wi wene aid wene na yak ondosolat, yi kugi ndi kugi enpem mbidnak nap min andi bandi enpem mbidnak nap min ki rak inpil waring kagaij-o.

MARAKUS 8:32

Yesus-nen-e nam-et para at owosirak na wene iri yak indij-o. Yak ondosoloma-ge, Peterus-nen Yesus imin luk, enarikmu laigarig-e, ”Kat iri nggal yusu meyog-o” luk yak tij-o.

LUKAS 21:37

Nde, Yesus na-ge lengge-ge Mbal Pem Nagawan ama-nen ap mul ondosolat, nde, kubu-ge Saitun ndobo bem mbutluk, nene yosolat woragaij-o.

LUKAS 4:15

Nde, ar-e it tepan yugwi ma ereba me-nen mul indil nosola-ge, ap pidsa-nen at erembel wanogolat woraiga-o.

YOANES 18:21

Iri bem-e, kar-e noluk-nen an kin wok nubusu-o? An-nen yidnak wene kulugwi nap perak nde kin wok inpi-o. It kin wok onposolar-e: ’Ar-e no wene yak kondoso-o?’ luk kin wok inpi-o. An-nen yak indidnak wene ir-e enaru-o” luk yij-o.

YOANES 6:59

Wene yu-ge Yesus na Kaperenaum-nen tepan yugwi ma-nen ap mul ondosolat-nen yak indid wene-o.

YOANES 7:14

Nunggwi mende nggulok na sakwi tarem enggendumu-ge Yesus na Mbal Pem Nagawan ama nggwarik ap mul indij-o.

YOANES 7:26

At yu-ge nam-et yosola kulili-t nde, it-nen wene erep mbi yak tili buk iri ker-o! Nde, nit-nen enne kulugwi nap-nen-e at yu-ge ndemeret Mesias-nen yusu-o luk enaru-nen yili, lak?

YOANES 7:28

Nde, Yesus na Mbal Pem Nagawan ama-nen ap mul ondosolar-e, at ene ngguloksa-t yosolar-e: ”Kit-nen-e ndemeret an yenggerak neyagolat, an lobok yidnak sa na kenaru yogolat yili-a? An nindi-n pidnak pem lobok yigi-ge lag-o. An nibil lobok yidnak nap iri-ge mondok lud tak kwaroso-nen yusu-o. Kit-nen-e at iri kenaru buk worali-t nde,

YOANES 7:4

Ap misik-nen-e ’An nunu nggulok mag-o’ perasolar-e, at-nen kwaroso kurasa kwaroso bug-o. Nde, kar-e yu mende kwarosolat worasu me, ki nap pidsa-nen enaru makluk nam-et mirik inpi-o!” luk yak tiga-o.

YOANES 8:2

Nene luk, kuplila-ge Yesus na-ge tuguruk Mbal Pem Nagawan ama nggosoloma karuk, ap kwarat ereba na at eram ndok worogola, at na kore luk mul ondosolat woragaij-o.

YOANES 8:26

Nde, kit kenpem yurak wene nde kit kenpem wene mbarurak nde an-e kwarat worasu-t nde, an nibil lobok yidnak nap iri-ge ndemeret lud tak nak yoso-nen yusu-o. Nde, at-nen yak niridnak wene iri na-t an-nen nggweyak ma nap pidsa yak undusu-o” luk yij-o.

YIDNAK YIDNAK WENE 26:26

Iri kwaridnak pidsa-ge nagawan Ageripa na aru me, an-nen at nam-et nak yak turag-e te-nen yusu-o. Wene yu-ge kura ma-nen kwaridnag-e lak me, ar-e mondok pidsa arur-o luk perasu-o.