YOANES 17:6 - Nanduk Ngget Tul Pidnak Wene

⁶ Nggweyak ma nap ennggenggerak-nen lena wok nirigen nap pidsa inmbiri bem-e kat mirik inpigi-o. It iri-ge kat karengge woraigen-et nde, wok nirigen-o. It-nen-e kat-nen yidnak yidnak nak yugwi-o.

YOANES 17:6 ပူးပေါင်းရင်းမြစ်များ

NDAWI ENGGA 22:22

Kat-nen kwaroso-ge an nenggamirak ndindera yak indimin-o. Kat kilirak ndok wiridnak ennggendumu-nen kat kerembel wanosolat woramin-o.

MBIRIGA WENE 9:16

Alat nde, an-e namawi mirik konposola, yi wi ndi wi oboksa na nanggu nobok mburuwakluk-nen kunluk keya kunpusu-o.

NGGOMO WENE 23:23

Ndemeret mul undugwi wene min indi worak elem min nggomo undugwi min yebet kagwi min iri mende oboksa-ge mondok onggo purag-o. Alat nde, nggok lombok me, onggo wanurag-e lag-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 12:28

Neid wa-e! Kat kunu nak kek tak pi-o!” luk yij-o. Yosoloma-ge, mbal pem-nen wene pil mbuwasolar-e: ”An nunu kek tak pigi irir-o. Nde, tuguruk-nen na kek tag-et pimin-o” luk yij-o.

YOANES 15:19

Nde, kit nde nggweyak ma nap min-et kundik woraigep nggal-e, nggweyak ma nap-nen-e yu-ge nit mende-o luk kit kenabuwa kaleb-o. Alat nde, nggweyak ma nap ennggenggerak-nen an-nen len kinpidnak me, kir-e nggweyak ma nap inmin kundig-e lag-o. Iri bem-e nggweyak ma nap-nen-e insili rak kinpili-o.

YOANES 15:3

An-nen yak kondoso wene iri na bem kir-e mbek tak kinpidnak worali-o.

YOANES 15:7

Kit-nen nde an narem puksa woragolat, an-nen yidnak wene na kit kenarem woralat-nen kit kindingen mende mbi Neid eram nggi yogola-ge, wog-et kunduwa-o.

YOANES 17:12

An-e it inmin woralar-e, an wok nirigen kunu iri bem-et ndegel onposolat woragi-o. Nde, an-nen-e it yik eneyarok worala-ge, misiger-o luk tet pul yigit lag-o. Are, Mbal Pem Nagawan engga bem mbaridnak na ndak ndak makluk, ap misiget nak pul yij-o.

YOANES 17:14

An-e kat-nen yidnak wene yak indigi-o. Iri bem-e, an-e nggweyak ma nab-e lag-o. Iri nggal-et it na nggweyak ma nab-e lak ala karuk, nggweyak ma nap-nen-e it insili rak inpiga-o.

YOANES 17:16

An-e nggweyak ma nab-e lag-o. Iri nggal, it na nggweyak ma nab-e lag-o.

YOANES 17:2

Kat-nen lena wok niridnak nap iri-ge unlug-et woralik nalik elem an-nen wok unduwakluk, ki nap oboksa tena unpuruk wolmomtak amawi-ge an ninggem pigen-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YOANES 17:26

Kat-nen an nabuwa kaso elem na it enarem worasolat, an na it enarem worasolat makluk, an-nen kat kunu mirik onposo-o. Nde, iri nggal-et kat kunu-ge mirik onposolat woramin-o” luk yij-o.

YOANES 17:7

Nde, yawo-ge kat-nen wok niridnak mende pidsa-ge kat keram-nen lobok yidnak-nen yusu-o luk ir-e enaru yili-o.

YOANES 18:9

Iri yid iri-ge, awo kwat yigit lak ma-nen: ”Neid wa-e. Kat-nen wok nirigen nab-e misiget mbi pul yigit lag-o” luk yid iri na ndak ndak makluk-nen yij-o.

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

YOANES 6:39

Nde, an nibil lobok yidnak nap-nen-e an-e yu kwaruwakluk wirik nibij-o. At-nen wok niridnak nap iri-ge an-nen-e misik mbi pul tak pigit lak, are, i woronosolat tarem-nen-e it pidsa an-nen unluk tak unpuwakluk-nen nibil lobok yij-o.

YOANES 8:51

An-e ndemeret yak kundusu-o. An-nen yidnak yidnag-et kwaruwa nab-e wat yigit lak, pem-et woralik nalik ma-o” luk yij-o.

YOANES 8:52

Yosoloma-ge, Yawuri nap na-nen at yak togolar-e: ”Kar-e kugi karem nggwidnak-nen yusu-o luk yawo-nen perak nde mondok nenaru yili-o! Abaram min Mbal Pem Nagawan ene lomboksa yugwi nap min na wat yiga-t nde, kat-nen yosolar-e: ’An-nen yidnak yidnag-et kwaroso nab-e wat yigit lak, pem-et woralik nalik ma-o’ luk yigen-o.

YIDNAK YIDNAK WENE 13:48

Yogolikma-ge, enlem nin nap na-nen iri wene kuluruk yigarig-e, enalen luk, Nagawan Indo-nen yidnak wene na erembel wanogolat woraiga-o. Nde, it unluk pem-et wolmag-o luk lenak inpidnak nap-nen-e wene iri bem inndi angin tubu yiga-o.

OROMA 11:2

Mbal Pem Nagawan-nen-e at winde nap nanduk-net len inpidnak na-ge amberam tak inpigit lag-o. Mbal Pem Nagawan engga mbarak arem-nen Elia-nen kwaridnak wene iri-ge kir-e kenaru buk yili-a? Isarael nap enpem wene mbaruwakluk Elia-nen Mbal Pem Nagawan emengen mbarosolar-e, yu nggal yij-o:

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

2 TIMOTIUS 1:13

An-nen ndemeret wene mul kirigi iri na-nen yidnak yidnak kwara kwarosolat wolmin-o. Nde, Kerisut Yesus imin kundik worasu me, kindi angin tubu yidnak worasolat, ap enabuwa kasolat wolmin-o.

IBERANI 2:12

Nde, Yesus-nen yosolar-e: ”Mbal Pem Nagawan wa-e. An-e kat kobog-e nowosirak yak ondosolat, lambuk tak inpidnak nap ennggendumu-nen na ndawi bem kat kerembel wanosolat yimin-o” luk yij-o.

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

1 PETERUS 1:1

Yesus Kerisut-nen wirik nibidnak nap Peterus an-nen-e Mbal Pem Nagawan-nen len kinpidnak nap, ap ennggenggerak sit mbit tak, o Pontus min Nggalatia min Kaparokia min Asia min Mbitinia min worali nap kit kenmanggim engga yu mbarusu-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

NAM PARA WENE 2:13

Kit worali sa iri-ge an-e naru-o. Sere-nen tena woraso sa iri me-t worali-t nde, kir-e an puksa tena nuburuk worali-o. An-nen yidnak wene mot mot nak konggoroso nap Antipas na-ge kit kennggendumu-nen Sere woraso sa iri me-nen wiriga-t nde, kir-e kinndi an nebem angin tubu yidnag-e keya bigit lag-o.

NAM PARA WENE 3:10

Kir-e an-nen: ’Mamak puruk wolmer-o’ yak kindigi wene na ndak ndag-et mamak puruk woraigepndik me, nggweyak ma nap oboksa inndi ngareyekluk, nggweyak ma nap oboksa enpem anggun panggun mende mbuma tarem-e an-nen-e kinmiri yimin-o.

NAM PARA WENE 3:8

Kit-nen kwatli iri-ge an-e naru-o. Kit kenmawi marig-et alat nde, an-nen mul kindidnak wene wanogolar-e, an-nen yidnak yidnak kundugu kwarogolat woraigeb-o. Nde, an-nen kit kenmanggim tu misik kuwarak pigi iri-ge ap misiger-o luk-nen lerak purag-e meya-o.