YOANES 17:25 - Nanduk Ngget Tul Pidnak Wene

²⁵ Lud tak nak Kwaroso Neid wa-e. Nggweyak ma nap-nen-e kat enaru buk worali-t nde, an perak nde kat naru-o. Nde, kat-nen an wirik nibil lobok yij-o luk it yu-nen perak nde enaru-o.

YOANES 17:25 ပူးပေါင်းရင်းမြစ်များ

YESAYA 45:21

Kit-nen konowene nam-et nak yak nerer-o. Ndemerer-o luk yurak wene-ge para nam-et nak yer-o. It ereba-ge lambuksa wene mbaruwag-o. Ta-nen nanduk-net wene iri-ge wigarosolat, kenaru rak posolat kwaramu-o? Nagawan Indo an-net kwarukmu-o. Kugwiwak Mbal Pem Nagawan an nggal misik mbi worasu-ge lag-o. An-e mot mot kwarosolat, inmiri yosolat Mbal Pem Nagawan-nen yusu-o. An nggal nin mbi worasu bug-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 16:16

Yosoloma-ge, at Simon Peterus-nen wene erep nggarosolar-e: ”kar-e Kerisut, uruk nak woraso Mbal Pem Nagawan Ambara-nen yusu-o” luk yij-o.

LUKAS 10:22

An Neid-nen-e yi mende ndi mende pidsa an ninggem pid irir-o. Neid arig-et nak-nen Ambara an aru yusu-o. Nde, Ambara an-nen na irit, Ambara an-nen ’Neid iri enaru mag-o’ eberamin nap-nen na irit, Neid iri enaru yili-o” luk yij-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 15:21

Alat nde, it-nen-e an wirik nibil lobok yidnak nap na enaru buk me, kir-e an nunu bem waring kagwi ala, yi kwat kinpilik ndi kwat kinpilik ma-o.

YOANES 16:27

Nde, iri yigi iri-ge, Neid at-net kit kenabuwa kaso-o. Nde, kit kenabuwa kaso iri-ge, kit-nen an nabuwa kagolat, an-e Mbal Pem Nagawan eram-nen lobok yidnak nab-o luk yebet neyagwi iri bem-net kenabuwa kaso-o.

YOANES 16:3

It-nen iri kwat kunpuwa iri-ge an Neid nenmberek enaru buk-nen kwat kunpuwa-o.

YOANES 16:30

Kar-e yi wene ndi wene pidsa karu-o luk yawo nenaru yili-o. Ap misik-nen kin wok kuburag-e meya-o. Iri bem-e, kar-e Mbal Pem Nagawan eram-nen lobok yidnak nap-nen yusu-o luk ninndi angin tubu yige-o” luk yiga-o.

YOANES 17:11

Yawo an-e kat keram lobok yekluk yusu-o. An-e nggweyak ma yu me woramin pug-et nde, ir-e nggweyak ma worali-o. Konak nak Woraso Neid wa-e. Nit nenmberek misiget nak worali nggal, it na misiget nak makluk, an nebem pigen kunu, kat kunu iri bem-nen it na kwara ndegel onposolat wolmin-o.

YOANES 17:18

Kat-nen-e ki nap ennggendumu wirik nibil lobok yigen nggal, an-nen na it ki nap ennggendumu wirik inpigi-o.

YOANES 17:21

It oboksa lambuksa misiget mak-nen an-e it enmanggim tepan yusu-o. Neid wa-e. Kar-e an narem woralat, nde, an-e kat karem woralat yili nggal, iri nggal ir-e nit nenarem wolmakluk-nen yigi-o. Iri yuwama-ge, nggweyak ma nap-nen-e an-e kat-nen wirik nibil lobok yij-o luk inndi angin tubu yuwakluk-nen tepan yusu-o.

YOANES 17:23

Nde, it na-ge mondok misiget maklug-e, an-e it enarem woralat, nde, kar-e an narem worasola-ge, nggweyak ma nap-nen-e kat-nen an wirik nibil lobok yij-o luk enaru yogolat, kat-nen an nabuwa kaso nggal, it na enabuwa kasu-o luk enaru yogolat ma-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 17:8

Nde, kat-nen nebem pigen wene-ge an-nen it yak ondosola, waniga-o. Wanogolar-e, an-e ndemeret kat keram-nen lobok yidnak irit enaru yogolat, an-e kat wirik nibil lobok yigen-o luk neberali-o.

YOANES 3:17

Nde, Mbal Pem Nagawan-nen-e at Ambara an nggweyak ma nibil mbuwagaij-e ki nap pidsa lak tak unpurak pem enpem wene mbaruwakluk nibil mbuwagit lag-o. Are, ki nap pidsa inmiri yaga wok unduwakluk nibil mbuwagaij-o.

YOANES 6:19

It na-ge yi na minggiril mbirigarik, lima kilometer nggal, enam kilometer nggal mborogolat-nen yik kaiganggal-e, Yesus na yi ombolwak pem wasolar-e, e koma na eralu panggo yosola-ge, ir-e kwiye-nen pabok piga-o.

YOANES 7:29

an-e at imin woraso, at-nen wirik nibil lobok yidnak me, at iri-ge an-e naru-o” luk yij-o.

YOANES 8:19

Yosoloma-ge, it-nen at kin wok obogolar-e: ”Kat keij-e ngge me-o?” luk yogolikma-ge, Yesus-nen yosolar-e: ”Kit-nen-e an min an Neid min kenaru bug-o. Nde, kit-nen nde an kenaru nggal-nen-e an Neid na kenaru yeleb-o” luk yij-o.

YOANES 8:55

Kir-e Mbal Pem Nagawan iri-ge kenaru bug-et nde, an-e naru-o. Nde, an-nen nde ’At naru bug-o’ luk yosolar-e, an-e kennesiget wene yugwi kit nggal-et teleb-o. Alat nde, an-e at naru-me, at-nen yidnak yidnag-et kwarusu-o.

YIDNAK YIDNAK WENE 17:23

An-e kit kenma yu me waring kasolat-nen kit-nen erembel wanugwi kunkugiwak na kil kil mborosolar-e, kugi amanggim wam wosa pugwi sa misik pem-e yik kaginggal-e, ’Nenaru buk kugi amanggim-o’ luk yaga mbaridnak irit kagi-o. Nde, kenaru bug-et nde erembel wanugwi iri-ge an-nen nam para yak kundusu-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

OROMA 3:11

Kwara yebet kaso nap na mondok lag-o. Mbal Pem Nagawan ogore yoso nap na lag-er-o.

OROMA 3:26

Alat nde, yawo-nen-e Mbal Pem Nagawan-e at lud tak nak kwaroso nam tak posolar-e, inndi-ge Yesus ebem angin tubu yuwa nab-e Mbal Pem Nagawan-nen lud tak nak onposo-o luk mirik nunpusu-o.

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

1 KORINTUS 15:34

Kir-e kwara kondok luk, meya yugwi iri keya ber-o. Kit kinnggiri kabokluk an-e wene yu yak kundusu-o: Kit kennggendumu ap ereb-e Mbal Pem Nagawan enaru bug-et worali-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

2 TESALONIKA 1:8

Kan mare min lobok yosolar-e, Mbal Pem Nagawan-e ndemerer-o luk yugwi buk nap min Nenagawan Indo Yesus-nen yidnak aid wene kuruk tugwi nap min enpem angin worak mende puwa-o.

IBERANI 8:11

Iri kwarogolar-e, ap yok nggok-nen na irit, marik-nen na irit, oboksa-nen-e an enaru yidnak me, At misik-nen-e nggweyak misiget pem woragwi nap ala na, at owe owot ala na, mirik onposolar-e: ”Nagawan Indo iri-ge kenaru mer-o” luk yak undurag-e meya-o’ luk yij-o.

1 YOANES 1:9

Mbal Pem Nagawan-e mot mot nak, ndung tak na kwaroso me, nit-nen meya yidnak para yak togola-ge, nit meya yidnag-e at amberam tak puruk, nit meya yugwi mende pidsa marak nunpuwa-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

NAM PARA WENE 16:5

Iri yosola, an kuliginggal-e, yi tena wolmomtak amawi wok tidnak aid nap iri-nen yosolar-e: ”Nanduk na woraso, yawo na worasu Mondok Lenak Woraso Mbal Pem Nagawan wa-e. Kat-nen angin worak mende mberak pigen iri-ge mot mor-et kwarigen-o!