YOANES 17:24 - Nanduk Ngget Tul Pidnak Wene

²⁴ Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YOANES 17:24 ပူးပေါင်းရင်းမြစ်များ

NDAK WIRIDNAK WENE 45:13

Nde, kit-nen-e nineid iri yak togolar-e, Mesira yu me-nen kek tak worasu yu wene yak togolat, kit-nen kali oboksa ndindera yak turuk ndag-et nak imin lobok yer-o” luk yak indij-o.

MATIUS 25:21

Yosoloma-ge, at eid-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

MATIUS 25:23

Yosoloma-ge, at eid na-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

MATIUS 25:34

Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

MATIUS 26:29

An-nen yak kendeyeg-o: Yawo kuri-nen an-e anggut engen amburu-ge mondok ninggit lak woramindik, an Neid-nen tenagaidnak wi iri me-nen anggut engen amburu ngget mende iri kit kinmin totno nonggolat tarem-nen perak namin-o” luk yij-o.

LUKAS 12:37

Ineid lobok yuwa tarem at ndegel ubugwi nab-e unluk woragolat, lid lud tak puruk worakmu iniyujwa nab-e imbiringgat-nen yili-o! An yak kendeyeg-o. Ineid iri-nen-e at esani are puksa yutluk, it iri na koreyak unpuruk, ndegel unpuwa-o.

LUKAS 23:43

Yak tosoloma-ge, Yesus-nen at yak tosolar-e: ”Ndemeret yak kereyeg-o. Ap wat luk ndok wiril mburugwi sa iri me-ge yawo-net totno wulmul-o” luk yak tij-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YOANES 14:3

Nde, an mbirimindik, kit kondoro kona keya buruk, an woramin sa iri me kit na iri me-t worabokluk, tuguruk kit wok kinpil lobok yimin-o.

YOANES 15:9

An Neid-nen an nabuwa kaso nggal, an-nen na kit kenabuwa kasu-o. Nde, kir-e an-nen kenabuwa kaso iri na bem-et puksa-t wolmer-o.

YOANES 17:2

Kat-nen lena wok niridnak nap iri-ge unlug-et woralik nalik elem an-nen wok unduwakluk, ki nap oboksa tena unpuruk wolmomtak amawi-ge an ninggem pigen-o.

YOANES 17:22

Nit nenmbereg-e misiget nak worali nggal, it na iri nggal-et misiget wolmakluk, kat-nen an kek tak nibigen nggal, it na kek tak inpigi-o.

YOANES 17:5

Neid wa-e! Nggweyak yu ndak wirigit lak ma-nen kat kimin woralat an nunu kek tak woraso iri na bem yawo-nen kat kinmbiri bem an nunu kek tak pi-o.

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

YOANES 6:39

Nde, an nibil lobok yidnak nap-nen-e an-e yu kwaruwakluk wirik nibij-o. At-nen wok niridnak nap iri-ge an-nen-e misik mbi pul tak pigit lak, are, i woronosolat tarem-nen-e it pidsa an-nen unluk tak unpuwakluk-nen nibil lobok yij-o.

YOANES 8:58

Yak togolikma-ge, Yesus-nen it yak ondosolar-e: ”An-e ndemeret yak kundusu-o. Abaram na ndet yigit lak ma-net an-e woraso-net yusu-o” luk yij-o.

1 KORINTUS 13:12

Yawo kali yu-ge papalo arem-e isisiyap nak kaidnak nggal-et kali-o. Alat nde, abok-nen-e nenpe lid pid mbul-o. Yawo-ge an-e kwara naru yusu bug-et nde, abok-nen-e Mbal Pem Nagawan-nen an aru yusu nggal, an-nen na mondok kwara naru yimin-o.

2 KORINTUS 3:18

Iri ala-ge, nit oboksa sum nentare bem na wabidnak me, papalo pem kaidnak nggal Nagawan Indo abinal iri-ge nit nentare bem worasu-o. Iri ala-ge, Nagawan Indo Indi na-nen nin tak nonposolar-e, at abage nggal tak nonposola-ge, abinal iri na nggok nggok mburusu-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

2 KORINTUS 5:8

An-e tuguruk yak kundusu-o. Nir-e kwiye lag-et woragolar-e, nenpe yu keya buruk, Nagawan Indo imin wolmokluk at eram mbururak perak nde mondok nindingen-o.

PILIPI 1:23

Wene mberen iri bem-e an kabak yusu-o. An-e mbirimindik, Kerisut imin totno wolmomtak iri-ge nindingen kwarat yusu-o. Iri momtak perak nde mondok konak lombog-o.

1 TESALONIKA 4:17

Iri luk, nit nunluk wulmul nab-e it inmin lambuk luk, nggan nggan arem lagolar-e, teram iri me-nen Nagawan Indo imin lambuk mul-o. Iri lug-e, Nagawan Indo imin pem-et woralik nalik wulmul-o.

1 PETERUS 1:21

At ebem nak-nen Mbal Pem Nagawan ebem kit kinndi angin tubu yili-o. Mbal Pem Nagawan-nen-e at iri na wat yidnak nap ennggendumu-nen uruk tak posolat, kek tak obosolat yij-o. Iri bem-e, Mbal Pem Nagawan ebem nak kinndi angin tubu yogolat, at ebem nak kinndi mbung mbung tak woragolat yili-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.

NAM PARA WENE 21:22

Nde, Mbal Pem Nagawan uwi nggal-e Nagawan Indo Amawi Mondok Kwarat Mbal Pem Nagawan at ondomok min Loba Wam Marik min-net yili me, an-nen-e Mbal Pem Nagawan uwi o siri iri me-ge kagit lag-o.

NAM PARA WENE 3:21

An na namawi luk ombol nggwe yigirig-e, an Neid nagawan koreyak woraso ondoro iri me at eralu koreyak worasu iri nggal-et amawi luk ombol nggwe yuwa nab-e an-nen-e nagawan an koreyak woraso ondoro iri me an neralu koreyak ibimin-o.