YOANES 17:2 - Nanduk Ngget Tul Pidnak Wene

² Kat-nen lena wok niridnak nap iri-ge unlug-et woralik nalik elem an-nen wok unduwakluk, ki nap oboksa tena unpuruk wolmomtak amawi-ge an ninggem pigen-o.

YOANES 17:2 ပူးပေါင်းရင်းမြစ်များ

NDAWI ENGGA 110:1

Nagawan Indo-nen an-nen idnak nagawan iri na yak tosolar-e: ”Kar-e neralu ninggi kigit ambigit nggwe koreyak irit worasoma, kat kuwim nab-e an-nen kuwokma rak inpimin-o” luk yij-o.

NDANIEL 7:14

At iri wok tosolar-e, kek tak obosolat, nagawan o tena wolmomtak amawi irit inggem pidnak me, yi nap ndi nap enlem oboksa, enne lombok, enlem lombok oboksa-nen at ndak ndegel obogolat woraiga-o. Nde, at-nen nagawan woralat, pem irit o tena wolma-o. Nde, o tena wolma iri na-ge mondok lak tak puwa bug-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 25:46

Iri ala-ge, it iri na-ge pempa andi bandi kagolat woragwi sa inpil ngguwa-o. Nde, lud tak nak kwarugwi nap na-ge pempa unlug-et woragwi sa iri me ngguwa-o” luk yij-o.

MATIUS 28:18

Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YOANES 17:6

Nggweyak ma nap ennggenggerak-nen lena wok nirigen nap pidsa inmbiri bem-e kat mirik inpigi-o. It iri-ge kat karengge woraigen-et nde, wok nirigen-o. It-nen-e kat-nen yidnak yidnak nak yugwi-o.

YOANES 17:9

It enmanggim-et an-e tepan yusu-o. Nggweyak ma nap pidsa enmanggim an-e tepan yusu bug-et nde, kat-nen wok nirigen nap iri-ge kat karengge me, it enmanggim-et tepan yusu-o.

YOANES 3:35

Eid nen-e at Ambara abuwa karug-e, yi kwarurak ndi kwarurak pidsa Ambara inggem nak pamu-o.

YOANES 4:14

an-nen kenangga mak timin yi nujwa nab-e pempa pempa yi nere kujwa bug-o. Nde, an-nen kenangga mak timin yi iri-ge at arem-nen unlug-et wolmomtak yi urusu kundik mborosolar-e, urug-et woralik nalik wolmomtak elem wok tuwa-o” luk yij-o.

YOANES 6:27

Lak yosolat, emben yosolat yoso nunggwi mende iri-ge ndegel tenak momtak pug-o. Are, emben yoso buk, pem-et unlug-et woralik nalik yaga wok ondoso nunggwi mende irit ndegel tenak wolmer-o. Nde, Ap Ambara an-e Neid Mbal Pem Nagawan-nen lenak nibidnak me, iri yidnak nunggwi mende iri-ge Ap Ambara an-nen wok kindimin-o” luk yij-o.

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

YOANES 6:39

Nde, an nibil lobok yidnak nap-nen-e an-e yu kwaruwakluk wirik nibij-o. At-nen wok niridnak nap iri-ge an-nen-e misik mbi pul tak pigit lak, are, i woronosolat tarem-nen-e it pidsa an-nen unluk tak unpuwakluk-nen nibil lobok yij-o.

OROMA 6:23

Nde, meya kwarugwi elem na onggo-ge wat yugwi irir-o. Alat nde, Mbal Pem Nagawan-nen we wok nondoso iri-ge Nenagawan Indo Yesus Kerisut ebem-nen pem-et unlug-et woralik nalik elem-nen yusu-o.

1 KORINTUS 15:25

Nde, Mbal Pem Nagawan-nen Kerisut imin sirid nap pidsa-ge at ujok ma rak enpeyekluk woralar-e, Kerisut na-ge Nagawan worasolar-e, pemerinta-nen tena woragwi mende mondok at-nen tena wolma-o.

EPESUS 1:20

Kerisut na wat yamu, Mbal Pem Nagawan-nen uruk tak ebamu-ge, aid arem-nen at inggi kigit eralu koreyak ibidnak amawi nggulok irir-o.

PILIPI 2:10

Iri bem-e, aid arem woragwi nap-nen na, nggweyak ma yu me woragwi nap-nen na, nggweyak urugwe nggwe woragwi nap-nen na, oboksa-nen it endaru yunggusa koreluk, Yesus unu kek tak pogolar-e,

1 TIMOTIUS 1:16

Alat nde, yu bem-nen Mbal Pem Nagawan-nen an nabuwa kagaij-o. An meya nggulok yoso iri bem-nen Kerisut Yesus-nen mamak puruk woraso na an nebem nam tak pamu-o. Nde, iri yid iri-ge it abok at ebem inndi angin tubu yogola, unlug-et woralik nalik momtak elem wanuwa nap enmanggim mul ondosolat-nen kwat nibij-o.

IBERANI 1:2

Alat nde, worok tak posolat tarem yawo-nen-e at Ambara ebem nggwe-nen wene yak kundusu-o. At Ambara ebem-net Mbal Pem Nagawan-nen yi mende ndi mende oboksa ndak wirij-o. At Ambara iri-net yi mende ndi mende oboksa winde yuwag-o luk Mbal Pem Nagawan-nen len ibij-o.

1 PETERUS 3:22

Yesus Kerisut iri-ge aid arem lagarik, yawo-ge Mbal Pem Nagawan inggi kigit nggwe koreyak woralar-e, aid nap min aid arem pemerinta min amawi worak mende pidsa-ge at nak-nen tena worasu-o.

1 YOANES 1:2

Urug-et woraso iri-ge ap-nen kujwakluk nam tak posola-ge, nit-nen kaige-o. Iri bem-e, at owene iri yak kondogolat, Eid imin woraso pem-et urug-et woralik nalik wolmomtak elem nit ninmbiri bem nam tak pid iri na kenggel kondogolat yili-o.

1 YOANES 2:25

Nde, Kerisut at-net urul yak nondosolar-e: ”Kunlug-et pem-et woralik nalik woragub-o” luk yak nindik nar-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

YURAS 1:21

Mbal Pem Nagawan-nen ap enabuwa kaso elem pem woragolar-e, kit na kit-net kinndi ndegel koragolar-e, nit Nenagawan Indo Yesus Kerisut-e nit nunpud-nen nunlug-et woralik nalik momtak elem wok nunduwakluk, yik karok wolmer-o.