YOANES 17:13 - Nanduk Ngget Tul Pidnak Wene

¹³ Nde, yawo an-e kat keram lobok yekluk yusu-o. An-e nggweyak ma yu me we luru woralat-nen wene yusu yu-ge, an nalen-e it inndi arem kobong makluk-nen yusu-o.

YOANES 17:13 ပူးပေါင်းရင်းမြစ်များ

NEMIA 8:10

Yawo-ge kenma lombok mberer-o. Mburugupndik kenalen pem-et yi nonggolat, nunggwi mende nonggolat kwarer-o. Nde, kit-nen-e nunggwi mende min anggut engen amburu min-e it ininggem lak nggal worali ereba mak ender-o. Yawo-ge Nagawan Indo nak erembel wanurak tarem me, kir-e kinndi puru yurak pug-o. Nagawan Indo-nen wok kundusu enalen kagwi elem iri-nen kenmawi rak kunpuwa-o” luk yiga-o.

NDAWI ENGGA 126:5

Yip min uwi pil kali nab-e, ebe mbarogolar-e, enalen-nen kijik kijak worogolat-net mbaruwag-o.

NDAWI ENGGA 43:4

Wok yimindig-e an-e an nalen tak poso elem Nembal Pem Nagawan kat kamanggim kan pugwi sa mbirimin-o. Mbirimindig-e, Mbal Pem Nagawan, Nembal Pem Nagawan wa-e. Kat kerembel wanosolat an-e ndawi yosolar-e, kecapi pobo ene rak pimin-o.

YOANES 13:3

Yesus na Eid-nen yi mende ndi mende at inggem pidnak na aru, nde, Mbal Pem Nagawan eram-nen lobok yidnak me, tuguruk ijok lem Mbal Pem Nagawan eram-et mbururak na aru woraidnak me,

YOANES 15:11

Wene yu yak kindigi yu-ge, an nalen-e kit kenarem worasolat, kenalen kenarem woraso iri na iminep mbal makluk-nen yak kindigi-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YOANES 17:11

Yawo an-e kat keram lobok yekluk yusu-o. An-e nggweyak ma yu me woramin pug-et nde, ir-e nggweyak ma worali-o. Konak nak Woraso Neid wa-e. Nit nenmberek misiget nak worali nggal, it na misiget nak makluk, an nebem pigen kunu, kat kunu iri bem-nen it na kwara ndegel onposolat wolmin-o.

YOANES 3:29

Kwe ap wanurak kwe iri-ge at wok uburak nap iri na ogwer-o. Nde, kwe iri wok uburak nap anggam mbi-ge an ene kolosolat at eram mendak worasolar-e, kwe wanurak nap iri na ene-ge alen min-et koloso-o. Nde, iri nggal-et an yawo na nalen kwarat kasu-o.

YOANES 7:33

Iri ala-ge, Yesus-nen yosolar-e: ”Kit totno woragolar-e, marig-et nak worarug-e, an nibil lobok yidnak nap eram mbirimin-o.

YIDNAK YIDNAK WENE 13:52

Nde, Antiokia woragwi Yesus ene wanugwi nab-e enalin enalen enarem worasolar-e, Konak Indi enarem kobong tak woragaij-o.

OROMA 14:17

Nde, Mbal Pem Nagawan-nen tenagaidnak wi-ge nunggwi mende min yi min erep kundig-e lag-o. Are, Konak Indi-nen wok ondoso luk tak nak kwarugwi elem min yamuksa woragwi elem min enalin enalen kagwi min erep kundik-nen yusu-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

1 YOANES 1:4

Nit nenalen-e iminep mbal maklug-e, engga yu kenmanggim mbatli-o.

2 YOANES 1:12

An-nen yak kundurak wene kwarat worasu-t nde, an-nen perasolar-e, engga bem nak mbarurag-e meya-o. Are, nebe-t lobok yimindik, nenalen pem-et yuwok-nen lambuksa wene yul-o luk perasu-o.