YOANES 17:10 - Nanduk Ngget Tul Pidnak Wene

¹⁰ An narengge pidsa-ge kat karengge-nen yusu-o. Nde, kat karengge pidsa-ge an narengge-nen yusu-o. Nde, it enpem-nen an kek tak nibili-o.

YOANES 17:10 ပူးပေါင်းရင်းမြစ်များ

YOANES 10:30

An min Neid min-e misiget nak-nen yusu-o” luk yak indij-o.

YOANES 11:4

Alama-ge, wene na kuluruk, Yesus-nen yosolar-e: ”At kugi wirid iri-nen ndowaga wat ma-ge lag-o. Are, Mbal Pem Nagawan min Mbal Pem Nagawan Ambara an min nunnu kek tak puwakluk-nen at ebem mbij-o” luk yij-o.

YOANES 12:23

Yak togolikma-ge, Yesus-nen it yak ondosolar-e: ”Ap Ambara an nunu kek tak purak tarem-e ndak agaij-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

YIDNAK YIDNAK WENE 19:17

Iri karug-e, Epesus woragwi nap pidsa, Yawuri nap-nen na irit, Yunani nap-nen na irit wene na enaru lug-e, it pidsa kwiye kwarat kagolar-e, Nagawan Indo Yesus na unu nak mondok kwara kek tak pogolat woraiga-o.

NGGALATIA 1:24

Kulurug-e, an nebem ala, Mbal Pem Nagawan erembel wanogolat woraiga-o.

PILIPI 1:20

Nde, an-e neyabu wanidnak pem ninggiri lag-et teyeg-o luk, nindi kundugu nindi bem mbung mbung tak worasu-o. Alat nde, nanduk woragi kuri, yawo-nen na an nebe yu bem-nen Kerisut unu kek makluk, nuruk wolmomtak na, wat momtak na, an-e mondok kwiye lag-o.

KOLOSE 2:9

Nde, Mbal Pem Nagawan-et woraso oboksa-ge Kerisut nggweyak ma nap enpage worak iri na bem-et worasu-o.

2 TESALONIKA 1:10

Iri kwaruwa tarem-e Nagawan Indo-ge at winde nap oboksa ennggenggerak-nen at erembel wanogolat, inndi angin tubu yidnak nap oboksa-nen at wi langgu mbal obogolat yuwa Tarem-e nit-nen yak kindidnak wene wanigep pem-e, kit na it ennggendum iri me-t woragub-o.

2 TESALONIKA 1:12

Iri ala-ge, nit Nenmbal Pem Nagawan min Nagawan Indo Yesus Kerisut min-nen we wok ondoso elem pem-net kit kenpem-nen nit Nenagawan Indo Yesus unu kek tak pogolat, kit na at ebem-nen kek tak konposolat ma-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.