YOANES 16:33 - Nanduk Ngget Tul Pidnak Wene

³³ An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YOANES 16:33 ပူးပေါင်းရင်းမြစ်များ

MATIUS 9:2

Wok yosoloma-ge, ap erep-nen-e kambung puk tak woraso nap mbi nene yoso ondoro mbinggirik worasola, ondoro min kud turuk Yesus eram ibil lobok yiga-o. Ibil lobok yogolikma-ge, Yesus-nen it ap iri na inndi angin tubu yidnak na kasoluk-nen kambung puk tak woraso nap iri yak tosolar-e: ”Nambara wa-e. Kwiye kasu meyog-o. Kat meya yidnak iri-ge namberam tak pigi-o” luk yak tij-o.

LUKAS 19:38

”Nagawan Indo unu bem lobok yusu nagawan yu-ge imbiringgat tak puwag-o! Aid arem-nen yamuksa woragolat, Mbal Pem Nagawan unu kek tak wolmag-o!” luk yil mbiriga-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

YOANES 12:31

Nggweyak ma yu ebem wene mbatlik, nggweyak yu tena woraso na mbo bilik momtak tarem-e yawo ndak yij-o.

YOANES 14:1

Yuruk, Yesus-nen yosolar-e: ”Kit kinndi kabak yili-ge meyog-o. Kinndi-ge Mbal Pem Nagawan ebem angin tubu yogolar-e, an nebem na kinndi angin tubu yer-o.

YOANES 14:27

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

YOANES 16:11

Nde, nggweyak tena woraso na-ge abu ebem wene mbarak pidnak worasu me, Mbal Pem Nagawan-nen-e ap enpem wene mbarurag-e abu tel korarik worasu-o luk mirik unpuwa-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

YIDNAK YIDNAK WENE 23:11

Iri rak puruk, kubu nggwe iri-ge Nagawan Indo-ge at eralu mendak-nen yosolar-e: ”Kindi tugup lak wolmin-o. An-nen yidnak wene Yerusalem yu-nen kinggirigen nggal-et iri nggal-et Oroma-nen na kunggurugun-o” luk yij-o.

YIDNAK YIDNAK WENE 27:22

Alat nde, yawo-ge kit kinndi tugup lak worabokluk an-nen nggomo kundusu-o. Kit kennggendumu ap misiger-o luk tet yi-nen yemen kunpuwa bug-o. Are, e koma nak yumnduwa-o.

YIDNAK YIDNAK WENE 27:25

Iri bem-e, naptak wa-e. Kinndi tugup lak wolmer-o. At-nen yak niridnak wene-ge irit kwat nunpuwa-o luk an nindi-ge Mbal Pem Nagawan ebem angin tubu yusu-o.

YIDNAK YIDNAK WENE 9:31

Yurea-nen na irit, Nggalilea-nen na irit, Samaria-nen na irit, lambuk tak inpidnak nap inndi yamuksa woragolat, inndi ogore yogolat woraiga-o. Nagawan Indo aye worak woragolar-e, Konak Indi-nen it inndi yangonosolar-e, misik nambek, misik nambek tak puruk, ap kwarat yiga-o.

2 KORINTUS 1:3

Nenagawan Indo Yesus Kerisut eid Mbal Pem Nagawan iri-ge, ap unpud kaso Nineid pem ap inndi yangonoso elem-e Mbal Pem Nagawan at nak erembel wanuwog-o.

2 KORINTUS 13:11

Worok tak posolar-e, nanggamirak wa-e. Wiwa-o. Iminep mbal yobok-nen kwara kenmawi kondogolat wolmer-o. An-nen nggomo kindidnak wene oboksa wanogolat wolmer-o. Kinndi misiget nak woragolar-e, lambuksa wolmer-o. Nde, Mbal Pem Nagawan-e ap enabuwa kaso elem na, lambuksa woragwi elem na kit kinmin wolma-o.

2 KORINTUS 2:14

Alat nde, nir-e Kerisut ebem ombol nggwe yurak tulabiyem at-nen pempa wok nunpuruk mburusu bem-e Mbal Pem Nagawan wa yak tuwog-o. Emben konak mende wigaril mboroso nggal, Kerisut enaru yurak emben konak iri-ge nit nenpem nggwe-nen nin me nan me wigaril mburusu-o.

2 KORINTUS 4:7

Alat nde, onggo nggok mende iri na-ge ndangen nggweyak-nen konidnak yimbe nit nenarem worasu-o. Iri worasu iri-ge amawi kwarat lombok iri na-ge nit-nen idnak amawi-ge lag-o. Are, Mbal Pem Nagawan-nen idnak amawi-o luk nam makluk-nen yusu-o.

2 KORINTUS 6:4

Are, yi mende ndi mende bem nir-e ndemeret Mbal Pem Nagawan ndegel ubugwi nap nenpage-t neneyujwaklug-e, andi bandi kagolat na, angin worak mende nenpem mbosola na, ninndi kabak ala na, nir-e ninndi kwara luruk puruk woragwi-o.

2 KORINTUS 7:4

An-e kit kinmin-e wene nam-et nak yoso-o. An-e kit kenpem-nen na nindi kek tak poso me, anggun worak mende kwarat nenpem mbidnak worasu-t nde, an nindi mondok yanggonak woralar-e, nalin nalen kwarat worasu-o.

NGGALATIA 1:4

Kerisut-nen-e nit meya yidnak pem yawo worasu nggweyak ma meya yu me-nen wisirik nenpeyeklug-e ar-e ondomok iminep wisirik pamu-o. Iri kwarosolar-e, Nineid Mbal Pem Nagawan indi-n pidnak ndak ndag-et kwarij-o.

NGGALATIA 6:14

An perak nde Nenagawan Indo Yesus Kerisut-nen idnak e lang pang tak iri bem nak nindi kek tak pimin-o. E lang pang tak iri-nen nggweyak ma nap-nen kwarugwi inndi-ge namanggim wat yamu-o. Nde, e lang pang tak iri bem-et an na nggweyak ma nap-nen kwarugwi inndi amanggim wat yukmu-o.

PILIPI 4:7

Iri kwarugup ala-ge, ki nap inndi nggat nggat iri-ge teberag-o. Nde, Mbal Pem Nagawan-nen idnak lambuksa woragwi elem terak minik iri-nen Kerisut Yesus ebem-nen kit kinndi min yebet kagwi min-e parugu wolma-o.

KOLOSE 1:20

Iri ala-ge, Mbal Pem Nagawan indi-nen yi mende ndi mende oboksa-ge at ondomok imin lambuk tak posolar-e, at Ambara na ebem-nen lambuk tak pij-o. At Ambara-ge e lang pang tak pem wat yid iri bem-et Mbal Pem Nagawan-nen lambuk tak posolar-e, nggweyak ma woraso mende oboksa nde mbal pem woraso mende oboksa nde at ondomok imin lambuk tak pij-o.

1 TESALONIKA 3:4

Nde, nit nanduk kit kinmin woragolar-e, abuwok ma-net ”Lel mberel nunpuwa o” luk mondok yak kindige-o. Nde, yak kindige iri na nggal-et ndemeret kwat ninpili-ge kir-e kenaru yili-o.

1 TESALONIKA 3:7

Nir-e andi bandi min anggun panggun min kagolar-et nde, kit konpok kulige iri-nen na kit kinndi angin tubu yidnak iri-nen na nit ninndi yamuk tak pij-o.

2 TESALONIKA 3:16

Nit lambuk tak nonposo elem Nagawan Indo at-nen-e pempa yi mende ndi mende bem-e lambuksa woragwi elem wok kondosolat wolmag-o. Nagawan Indo-ge kit pidsa kinmin wolmag-o.

2 TIMOTIUS 3:12

Kerisut Yesus imin kundik woragolat-nen Mbal Pem Nagawan-nen kwaroso nggal kwaruwokluk yuwa nap pidsa-ge lel mberel unpuwar-o.

IBERANI 11:25

At iri-ge Mbal Pem Nagawan ilirak inmin lambuksa andi bandi kudtak iri indingen tak puruk, meya kwarosolat woralat-nen we luru alen kudtak iri isili rak pij-o.

IBERANI 7:2

Nde, Abaram-nen Melkisendek wok tosolar-e, at arengge pidsa enggep lombok wonasa sepulu sepulu rak puruk, karetkwe-nen yidnak ndok wosa Melkisendek wok tij-o. Melkisendeg-o nanduk nandug-er-e: ”Lud tak nak yoso Nagawan-o” luk yogolar-o. Nde, iri-nen ar-e o Salem iri me nagawan ala karuk, at unu misig-e: ”Ap Lambuk tak Onposo Nagawan-o” luk yogolar-o.

1 PETERUS 5:9

Kennggamirak Kerisut ebem inndi angin tubu yidnak nap yi wi ndi wi worali na kit andi bandi kali nggal-et kali iri-ge kenaru me, Kerisut ebem kinndi angin tubu yigep pem tugup lak woragolar-e, Sere imin kunsuru ndere yer-o.

1 YOANES 2:13

Neidtak wa-e. Tel kuridnak kuri-net woraso Wene na kenaru yigep pem engga yu mbal kundusu-o. Kit ap sugwe wa-e. Kir-e Meya Kwaroso Nap na urugwe nggwe rak pigep pem engga yu mbal kundusu-o.

1 YOANES 4:4

Alat nde, nilirak wa-e. Kir-e Mbal Pem Nagawan ilirak me, enesiget Mbal Pem Nagawan ene lomboksa yugwi nap iri-ge kit-nen urugwe nggwe rak inpigeb-o. Nggweyak ma nap enarem worasu indi iri-ge ndeyak-nen yusu-t nde, kit kenarem worasu Konak Indi-ge amawi worak terak minik-nen yusu-o.

1 YOANES 5:4

Nde, Mbal Pem Nagawan ilirak-nen-e nggweyak ma yu pinik tak purag-e ndak-nen yusu-o. Nde, nit ninndi angin tubu yidnak pem-net nggweyak ma yu pinik tak pul-o.

NAM PARA WENE 12:11

Nde, nit nennggamirak-nen-e Lomba Wam Marik eyabi bem-nen na, Mbal Pem Nagawan-nen yidnak aid wene it-nen yugwi na bem-nen na ar-e urugwe nggwe rak ibiga-o. Nde, ir-e wat momtag-et nde, it inndi abuwa lak tak puruk wat yiga-o.

NAM PARA WENE 3:21

An na namawi luk ombol nggwe yigirig-e, an Neid nagawan koreyak woraso ondoro iri me at eralu koreyak worasu iri nggal-et amawi luk ombol nggwe yuwa nab-e an-nen-e nagawan an koreyak woraso ondoro iri me an neralu koreyak ibimin-o.

NAM PARA WENE 7:14

Yosoloma-ge, an-nen wene iri erep nggarosolar-e: ”Nap wa-e. An naru bug-o. Kat perak nde karu-o” luk yosolakmu, at-nen yak norosolar-e: ”Ap yeba-ge andi bandi mende nggulok it enpem mbidnag-et nde, ob-et woraidnak nab-o. It unsum marogolar-e, Lomba Wam Marik eyabi bem-net unsum-e masa loro rak pidnag-o.