YOANES 16:3 - Nanduk Ngget Tul Pidnak Wene

³ It-nen iri kwat kunpuwa iri-ge an Neid nenmberek enaru buk-nen kwat kunpuwa-o.

YOANES 16:3 ပူးပေါင်းရင်းမြစ်များ

LUKAS 10:22

An Neid-nen-e yi mende ndi mende pidsa an ninggem pid irir-o. Neid arig-et nak-nen Ambara an aru yusu-o. Nde, Ambara an-nen na irit, Ambara an-nen ’Neid iri enaru mag-o’ eberamin nap-nen na irit, Neid iri enaru yili-o” luk yij-o.

YOANES 15:21

Alat nde, it-nen-e an wirik nibil lobok yidnak nap na enaru buk me, kir-e an nunu bem waring kagwi ala, yi kwat kinpilik ndi kwat kinpilik ma-o.

YOANES 15:23

An isili rak nubusu nab-e, an Neid na isili rak ubusu-o.

YOANES 17:25

Lud tak nak Kwaroso Neid wa-e. Nggweyak ma nap-nen-e kat enaru buk worali-t nde, an perak nde kat naru-o. Nde, kat-nen an wirik nibil lobok yij-o luk it yu-nen perak nde enaru-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 8:19

Yosoloma-ge, it-nen at kin wok obogolar-e: ”Kat keij-e ngge me-o?” luk yogolikma-ge, Yesus-nen yosolar-e: ”Kit-nen-e an min an Neid min kenaru bug-o. Nde, kit-nen nde an kenaru nggal-nen-e an Neid na kenaru yeleb-o” luk yij-o.

YOANES 8:55

Kir-e Mbal Pem Nagawan iri-ge kenaru bug-et nde, an-e naru-o. Nde, an-nen nde ’At naru bug-o’ luk yosolar-e, an-e kennesiget wene yugwi kit nggal-et teleb-o. Alat nde, an-e at naru-me, at-nen yidnak yidnag-et kwarusu-o.

YIDNAK YIDNAK WENE 3:17

Nowe nowosi wa-e. Kit-nen na, kit konowerak nagawan-nen na kwarigep iri-ge kenaru buk-net kwarigeb-o luk an-e naru-o.

1 KORINTUS 2:8

Nde, iri-ge, indi tenggerak elem iri-ge nggweyak ma nagawan nagawan misiger-o luk tet enaru buk woraikma-o. Enaru woralep nggal-nen-e Unu Kek tak Woraso Nagawan Indo na e lang pang tak pem wirigit lak yeleb-o.

2 TESALONIKA 1:8

Kan mare min lobok yosolar-e, Mbal Pem Nagawan-e ndemerer-o luk yugwi buk nap min Nenagawan Indo Yesus-nen yidnak aid wene kuruk tugwi nap min enpem angin worak mende puwa-o.

1 TIMOTIUS 1:13

Nanduk woralar-e, an-e at obok posolat, lel mberel obosolat, nisilepma-nen meya rak obosolat yigi-t nde, iri tarem-e an at ebem nindi angin tubu yigit lak, naru buk worasolat-nen kwarigirik me, Mbal Pem Nagawan-nen an nubud kagaij-o.

1 YOANES 2:23

Ta-nen nde: ”Ambara na naru bug-o” yusu nab-e Eid na wok ubusu bug-o. Nde, ta-nen nde: ”Ambara iri-ge naru-o” yusu nab-e Eid na wok ubusu-o.

1 YOANES 3:1

Nineid-nen nit nenabuwa kwarat kaidnak pem ap-nen nit ninmin-e ”Mbal Pem Nagawan ilirag-o” luk yak nindili bem wir-o! Nde, nir-e ndemeret at ilirak-net yili-o. Iri bem-nen nggweyak ma nap-nen-e nit Nineid enaru buk woragwi me, nit na yenggerak ninpili bug-o.

1 YOANES 4:8

Mbal Pem Nagawan-e enabuwa kagwi elem-nen yusu me, enabuwa kaso buk nab-e Mbal Pem Nagawan aru buk nap-nen yusu-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.