YOANES 16:27 - Nanduk Ngget Tul Pidnak Wene

²⁷ Nde, iri yigi iri-ge, Neid at-net kit kenabuwa kaso-o. Nde, kit kenabuwa kaso iri-ge, kit-nen an nabuwa kagolat, an-e Mbal Pem Nagawan eram-nen lobok yidnak nab-o luk yebet neyagwi iri bem-net kenabuwa kaso-o.

YOANES 16:27 ပူးပေါင်းရင်းမြစ်များ

MATIUS 10:37

Ta-nen nde eid ija enabuwa nggulok tak posolat, an nabuwa marik tak pusu nab-e an nap kwat momtag-e meya-o. Nde, ta-nen nde at ambara nde ara nde nak enabuwa nggulok tak posolat, an nabuwa marik tak pusu nab-e an nap kwat momtag-e meya-o.

YOANES 14:21

An-nen yidnak yidnak nak wanuruk, irit kwaruwa nab-e, an nabuwa kaso nab-e irir-o. Nde, an Neid-nen-e an nabuwa kasu nap na abuwa kujwa-o. An-nen na at abuwa kasolat, an-net an mirik obosolat yimin-o” luk yij-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

YOANES 16:30

Kar-e yi wene ndi wene pidsa karu-o luk yawo nenaru yili-o. Ap misik-nen kin wok kuburag-e meya-o. Iri bem-e, kar-e Mbal Pem Nagawan eram-nen lobok yidnak nap-nen yusu-o luk ninndi angin tubu yige-o” luk yiga-o.

YOANES 17:23

Nde, it na-ge mondok misiget maklug-e, an-e it enarem woralat, nde, kar-e an narem worasola-ge, nggweyak ma nap-nen-e kat-nen an wirik nibil lobok yij-o luk enaru yogolat, kat-nen an nabuwa kaso nggal, it na enabuwa kasu-o luk enaru yogolat ma-o.

YOANES 2:11

Yesus na-ge at-nen kwiye worak mende tel korosolar-e, Nggalilea wi o siri Kana iri me-nen tel kwirij-o. Nde, kwiye worak mende iri kwarid iri bem-nen at-nen kek tak woraso nam tak posola, at owosirag-e at ebem inndi angin tubu yiga-o.

YOANES 3:13

Nde, ap misiger-o luk tet aid arem lagwi bug-et nde, at aid arem-nen mbuwagaidnak nap Ap Ambara an narig-et nag-o” luk yij-o.

YOANES 7:29

an-e at imin woraso, at-nen wirik nibil lobok yidnak me, at iri-ge an-e naru-o” luk yij-o.

YOANES 8:42

Yogolikma-ge, Yesus-nen it yak ondosolar-e: ”Kir-e ndemeret Mbal Pem Nagawan ilirak-nen yili nggal-e, kir-e an nabuwa kaleb-o. Nde, an-e Mbal Pem Nagawan eram-nen lobok yigirik, yawo yu me worasu-o. An-e an nindi-n pidnak pem lobok yigit lag-o. Are, Mbal Pem Nagawan-net wirik nibil lobok yij-o.

OROMA 8:3

Nde, ki nap enpage ndeyak me, imiri mbarak pidnak wene-nen kwarurag-e meya agaid iri-ge Mbal Pem Nagawan-net kwarij-o. Kwarosolar-e, meya kwarugwi elem lak tak puwakluk, at ambik Ambara ibil lobok yosolar-e, meya kwarugwi nap enaboro worak irit ibil lobok yid iri-nen-e meya kwarugwi elem ki nap enarem worasu iri na urugwe nggwe rak pij-o.

1 KORINTUS 15:47

Nanduk woraso Aram iri-ge nggweyak pem-nen ndak worak me, nggweyak ma nab-er-o. Alat nde, imbirik lobok yid Aram iri-ge aid arem-nen mbuwagaij-o.

1 KORINTUS 16:22

Nagawan Indo abuwa kaso buk nap perak nde, imbiri lamut mag-o! Maranata! yogolar-e: ”Nenagawan Indo wa-e. Lobok yi-o!”

2 KORINTUS 5:14

Nde, Kerisut-nen nit nenabuwa kaso elem-nen-e nit tena nunpuruk worasola me, nit-nen yebet kagolar-e, ap misiget nak-nen ap oboksa enmanggim wat yid iri bem-nen ap oboksa wat yikma-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,

EPESUS 6:24

Nenagawan Indo Yesus Kerisut abuwa kagolar-e, mondok lak yoso buk abuwa iri na bem abuwa kali nap oboksa enpem-e Mbal Pem Nagawan-nen we wok ondoso elem-e it inmin wolmag-o.

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

IBERANI 12:6

Nde, Nagawan Indo-nen-e at abuwa kaso nap ala-ge, indi wanuwakluk worosolat, nde, at ambara rak pidnak nap ala-ge, linggamburok worosolat yoso-o” luk yij-o.

1 PETERUS 1:8

Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.

1 YOANES 4:19

Mbal Pem Nagawan nanduk-nen nit nenabuwa kaidnak pem, nit-nen na enabuwa kagwi-o.

NAM PARA WENE 3:19

An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.

NAM PARA WENE 3:9

Kenaru wolmer-o! Sere ilirak iri-ge ir-e Yawuri nab-e lag-et nde ennesiget: ’Nir-e Yawuri nab-o’ luk yili-o. An-nen it iri kwat onposolar-e, kit kendam lobok luk, kentalu tud luk, kentembel wanugwi nap tak inpimin-o. Iri kwarogolar-e, an-nen kit kenabuwa kaso iri-ge enaru yuwa-o.