YOANES 16:20 - Nanduk Ngget Tul Pidnak Wene

²⁰ An-e ndemeret yak kundusu-o. Kit-nen-e yip togolat, yip kondok lud mbogolat yugub-o. Nde, nggweyak ma nap-nen-o enalen kujwa-o. Nde, kit kinndi puru pera yugup na-t nde, kinndi puru pera yugup na nden yaga kenalen yugub-o.

YOANES 16:20 ပူးပေါင်းရင်းမြစ်များ

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

YEREMIA 31:25

Nde, it enpabok lak nab-e an-nen enmawi rak posolat, nde, nere-nen ndowaga enpabok lak yidnak nab-e an-nen inmbitsa mak ondosolat kwarimin-o.

MATIUS 21:38

Alat nde, parugu worali nap-nen at ambara na karuk, it nak yak kerak mbogolar-e: ’Eid eyabu winde yuwa nab-e yur-o. At yu nde wuruwog-o. Wutlug-e, at onggweyak yu-ge nit-nen winde yul-o’ luk yiga-o.

MATIUS 5:4

Nde, inndi puru pera worali nab-e Mbal Pem Nagawan-nen it inndi yangunuwa me, enalen kali-o.

MARAKUS 14:72

ereya na-net mberen pem tak posolar-e, towe wam kusi ene yij-o. Yosoloma-ge, Yesus-nen Peterus yak tosolar-e: ”Towe wam kusi ene-ge mberen pem yigit lak worala-ge, kar-e kenan pem an nimin-e ’Ap iri-ge an naru bug-o’ yugun-o” luk yidnak na-ge Peterus na-nen yebet karug-e, yip kondok lud mbij-o.

MARAKUS 16:10

Nam yosola karug-e, kwe na mberarig-e, iri wene-ge Yesus imin nugwi nap at ubud-nen tabun puruk worali nap na yak indil mbirij-o.

LUKAS 22:45

Tepan yuruk tuguruk at owosirak na endam wagaidnggal-e, it na inndi puru kwarat yidnak me, nene yukmu eneyagaij-o.

LUKAS 22:62

Wene na yebet karuk, Peterus na mbepme mberarig-e, yip kondok lud mbij-o.

LUKAS 23:27

Alama-ge, ap mondok kwarat at langgal luk mbiriga-o. Nde, it ennggenggerag-e kwami erep na mborogolar-e, Yesus ubud yip togolat, yip lilan wanogolat yiga-o.

LUKAS 24:17

Alama-ge, Yesus-nen it yak ondosolar-e: ”Kit no wene yil yil mbitli-o?” luk yak ondosoloma-ge, it enmberek na-ge entare nggum ludsa ndong yiga-o.

LUKAS 24:21

Nde, nit-nen-e nit Isarael nap wesera nenarik tak puwa nab-e yur-o luk, nindi-ge at ebem mbung mbung tak worakmu, wirikma nir-e mberen nene luk worali-o

LUKAS 6:21

Nere yawo kali nap wa-e. Kinmbit tak puwa me, kenalen ker-o! Yawo yip tili nap wa-e. Kit abok-nen nda tugup me, kenalen ker-o!

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YOANES 16:6

Nde, wene yu yak kindigi bem-e, kit kinndi puru pera yili-o.

YOANES 20:20

Yurug-e, at inggi min araptap min na nuk eneyasola-ge, Nagawan Indo na karuk, Yesus owosirag-e enalin enalen yiga-o.

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

OROMA 5:11

Nde, ninmiri yurak iri nag-e lag-o. Are, Nenagawan Indo Yesus Kerisut ebem-nen Mbal Pem Nagawan ebem-e nenalin nenalen kali-o. Yesus ebem-net Mbal Pem Nagawan imin kundik ninpij-o.

2 KORINTUS 6:10

Ninndi puru pera yili-t nde, nir-e pempa nenalin nenalen yili-o. Ninsilobulo na lak nab-et nde, nir-e ap kwarat insilobulo worak tak inpili-o. Nit nenarengge lag-et nde, nir-e yi mende ndi mende oboksa winde-nen yili-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

1 TESALONIKA 1:6

Kir-e nit min Nagawan Indo min-nen kwarugwi nggal kwat yigeb-o. Nde, kit kenpem angin worak mende kwarat mbij-et nde, aid wene iri wanogolar-e, Konak Indi-nen wok ondoso enalen iri na bem-net wanigeb-o.

YAKOBUS 1:2

Nowe nowosi wa-e. Kit kinndi ngarurak mende nin tak nan tak iri kenpem mbosola-ge, nir-e imbiringgat tak nunpusu-o luk yebet kudtag-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,

NAM PARA WENE 11:10

Nggweyak ma woragwi nap-nen-e Mbal Pem Nagawan-nen yidnak wene yugwi nap mberen iri wat yidnak pem enalin enalen kujwa-o. Mbal Pem Nagawan ene lomboksa yugwi nap mberen iri-nen-e nggweyak ma woragwi nap oboksa enpem andi bandi mende pidnak me, ir-e kijik kijak worogolar-e, it insilobulo-ge we wok kerak mbuwa-o.

NAM PARA WENE 18:7

Pempa at-nen at ambik imin yosolar-e: ’An-e o tena woraso kwe nagawan-nen yusu-o! An-e kwe togwe-ge lag-o. An nindi puru pera mondok woramin pug-o!’ luk yoso me, ar-e arengge kwarat woralat, at ondomok kek tak woraso iri ndak ndag-et andi bandi mende min indi puru pera woragwi mende min wok turag-o.