YOANES 16:19 - Nanduk Ngget Tul Pidnak Wene

¹⁹ Yogolikma-ge, it-nen at kin wok uburak peraidnak na yenggerak karuk, Yesus-nen it yak ondosolar-e: ” ’Siyag-et nak worarug-e an neyagup pug-o. Iri luk, siyag-et nak woraruk, an neyagup-o’ luk yak kindigi na bem kir-e kin wok kerak mbili-a?

YOANES 16:19 ပူးပေါင်းရင်းမြစ်များ

MATIUS 6:8

It iri-nen kwatli nggal, kit-nen kwarurak pug-o. Kit Kineid iri-nen-e at emengen awo mbarigit lak ma-net kit kinndi kabak yugwi mende iri-ge ar-e aru-o.

MATIUS 9:4

Nde, Yesus-e it inndi-n peraidnak iri na aru luk-nen it yak ondosolar-e: ”Kir-e noluk-nen meya iri nggal iri yebet kali-o?

MARAKUS 9:32

Yak ondosoloma-ge, at owosirak-nen-e yak indid wene iri-ge kwara yenggerak pigit lag-et nde, at kin wok uburag-e kwiye-nen larok yiga-o.

YOANES 13:33

Nilirak wa-e. Kit kinmin-e we siyag-et nak woramin-o. Ap nogore yugub-et nde, an-nen Yawuri nap yak indigi nggal, kit na irit yak kundusu-o. An mbirimin sa-ge kit-nen wok momtag-e meya-o.

YOANES 14:19

Siyag-et nak worarug-e, nggweyak ma nap-nen-e an niyujwa bug-et nde, kit-nen perak nde an neyagub-o. Nde, an-e nurug-et worasu me, kit na irit kunlug-et woragub-o.

YOANES 16:16

Yuruk, at-nen yosolar-e: ”Nde, siyag-et nak worarug-e, an neyagup pug-o. Iri luk, siyag-et nak woraruk, an neyagub-o” luk yij-o.

YOANES 16:18

Nde, ’Siyag-et nak worarug-o’ yid yu-ge nir-e yenggerak pili bug-o. Ngge yosolat-nen yid kali?” luk yiga-o.

YOANES 16:23

Nde, iri tarem wok yosola-ge, kir-e yi mende ndi mende mbi nggi yak nurugup pug-o. An-e ndemeret yak kundusu-o. An nunu bem an Neid nggi yak tugup mende-ge wog-et kunduwa-o.

YOANES 16:26

Wok yosola-ge, an nunu bem-et nggi yak tugub-o. Nde, an yak kendeyeg-o. Kit kenmanggim an Neid na nggi yak timin pug-o.

YOANES 16:30

Kar-e yi wene ndi wene pidsa karu-o luk yawo nenaru yili-o. Ap misik-nen kin wok kuburag-e meya-o. Iri bem-e, kar-e Mbal Pem Nagawan eram-nen lobok yidnak nap-nen yusu-o luk ninndi angin tubu yige-o” luk yiga-o.

YOANES 21:17

Yak turuk, kenan pem tak posolat Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tij-o. Nde, Yesus-nen kenan pem-et: ”Kar-e an nabuwa kasu, lak?” luk yak tosola karuk, at Peterus na indi puru luk-nen Yesus yak tosolar-e: ”Nagawan Indo wa-e. Kar-e pidsa karu me, an-nen kat kabuwa kaso iri-ge kat karu irir-o!” luk yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o.

YOANES 6:61

Nde, ir-e iri yogolar-e unlum ne yol ngol mbogola, Yesus-nen aru luk, it yak ondosolar-e: ”Wene yu angin worak ala karuk, yumbuk kudtak yol ngol mbili-a?

YOANES 7:33

Iri ala-ge, Yesus-nen yosolar-e: ”Kit totno woragolar-e, marig-et nak worarug-e, an nibil lobok yidnak nap eram mbirimin-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.