YOANES 16:17 - Nanduk Ngget Tul Pidnak Wene

¹⁷ Yosoloma-ge, at owosirak erep-nen it nak yak kerak mbogolar-e: ” ’Siyag-et nak worarug-e, an neyagup pug-o. Iri luk, siyag-et nak woraruk, an neyagub-o. Nde, Neid eram mbirimin-o’ luk yak nindid iri-ge, ngge yosolat-nen yij-o?

YOANES 16:17 ပူးပေါင်းရင်းမြစ်များ

MARAKUS 9:10

Yak ondosoloma-ge, wene yak indid na-ge abu waniga-t nde, ”Ap wat yidnak ennggendumu-nen uruk yurak yid iri-ge no yosolat-nen yij-o?” luk it nak it nak yak kerak mbiga-o.

MARAKUS 9:32

Yak ondosoloma-ge, at owosirak-nen-e yak indid wene iri-ge kwara yenggerak pigit lag-et nde, at kin wok uburag-e kwiye-nen larok yiga-o.

LUKAS 18:34

Wene iri na ebe-ge it enambigir-e kurak yidnak me, at owosirak-nen-e wene na oboksa-ge marig-et ter-o luk yenggerak pigit lak yogolar-e, ir-e ”No wene nde yusu-o?” luk kabak yiga-o.

LUKAS 9:45

Alat nde, Yesus owosirag-e wene na-ge yebet kagit lag-o. Wene na it yebet kagit lak makluk, kura bij-o. Nde, ir-e wene na at kin wok uburag-e kwiye-nen larok yiga-o.

YOANES 12:16

Nde, iri kwat ibidnak tarem-e Yesus owosirak na-nen inndi yebet kagit lak woraiga-t nde, Yesus na uruk luk unu kek tak posoloma-ge, at imin yidnak engga wene na yebet karuk, ap-nen iri nggal kwat ibidnak nde yebet kaiga-o.

YOANES 14:22

Iri yosola-ge, Yuras Ikariot na lag-o. Are, Yuras misik-nen at yak tosolar-e: ”Nagawan Indo wa-e. Kat-net kat nggweyak ma nap mirik inpigit lak, nit nak mirik nunpurak yigen iri-ge noluk-nen yigen-o?” luk yij-o.

YOANES 14:5

Yosoloma-ge, Tomas-nen Yesus yak tosolar-e: ”Nagawan Indo wa-e. Kat mburugun sa nir-e nenaru buk me, nggesa-nen iri me mbururak tula-ge nenaru mul-o?” luk yak tij-o.

YOANES 16:1

An-nen wene yu yak kindigi yu-ge kit kinndi angin tubu yidnak keya bugup naru-nen yak kindigi-o.

YOANES 16:16

Yuruk, at-nen yosolar-e: ”Nde, siyag-et nak worarug-e, an neyagup pug-o. Iri luk, siyag-et nak woraruk, an neyagub-o” luk yij-o.

YOANES 16:18

Nde, ’Siyag-et nak worarug-o’ yid yu-ge nir-e yenggerak pili bug-o. Ngge yosolat-nen yid kali?” luk yiga-o.

YOANES 16:19

Yogolikma-ge, it-nen at kin wok uburak peraidnak na yenggerak karuk, Yesus-nen it yak ondosolar-e: ” ’Siyag-et nak worarug-e an neyagup pug-o. Iri luk, siyag-et nak woraruk, an neyagup-o’ luk yak kindigi na bem kir-e kin wok kerak mbili-a?

YOANES 16:5

Nde, yawo an-e wirik nibil lobok yidnak nap na eram mburusu-t nde, kit misik-nen-e: ’Kar-e ngge mburusu-o?’ luk kin wok nibili bug-o.