YOANES 15:8 - Nanduk Ngget Tul Pidnak Wene

⁸ Kit-nen engen kwarat pogolar-e, an Neid unu kek tak pili-o. Iri yogolar-e, an nimin nugwi nab-et kwat yili-o.

YOANES 15:8 ပူးပေါင်းရင်းမြစ်များ

YESAYA 60:21

Yerusalem kat kebem woragwi nap-nen mot mor-et kwarogolar-e, it-nen-e o nggweyak iri na winde luk, pem irit woralik nalik irit wolma-o. It iri-ge an nunu kek tak woraso iri nam tak puwakluk, an-net ya unpukmu-o.

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

MATIUS 5:16

Nde, iri nggal-et kit-nen konak nak kwaridnak na karuk yuwarig-e, it-nen-e Kineid aid arem woraso iri erembel wanuwakluk, kit keneyaya-ge ap ennggendumu yaya yuwag-o.”

MATIUS 5:44

Alat nde, an-nen yak kendeyeg-o: Kit kinmin sirid nap iri-ge enabuwa ker-o. Nde, kit lel mberel kunpugwi nap iri enmanggim na tepan yer-o.

MATIUS 9:8

Iri kwarosola karuk, ap kwarat na-nen kwiye luk, Mbal Pem Nagawan-nen amawi nggulok iri at wok tidnak ala karuk, Mbal Pem Nagawan erembel waniga-o.

LUKAS 6:35

Lag-o! Kir-e kunuwim nap enabuwa kagolat, it inmin konag-et kwarogolat yugup na-e. Kunuang luru wok unduruk, uwi yagurak yebet kudtak pug-o. Iri kwarugup ala-ge, onggo nggulok wanogolat, Kek tak Woraso Mbal Pem Nagawan ilirak kwat yugub-o. Mbal Pem Nagawan-nen-e wa yugwi buk nap min meya yugwi nap min-e enabuwa nak kaso-o.

YOANES 13:35

Kit-nen-e nabuwa kabuwa nak kagola-ge, ap pidsa-nen-e kir-e an nowosirak-nen yili-o luk yenggerak kiniyujwa-o” luk yij-o.

YOANES 15:5

E elem-e an-net yusu-o. Nde, inggi-ge kit-net yili-o. Ap-nen an narem puksa woralat, an na at arem puksa woralat yidnak nap-nen-e engen kwarat lombok puwa-o. Nde, kir-e an narem puksa woragit lak ala-ge, yi kwatlik ndi kwatlik kwarugup pug-o.

YOANES 8:31

Iri ala-ge, Yesus-nen at ebem inndi angin tubu yidnak Yawuri nap na yak ondosolar-e: ”Kit-nen-e an-nen yidnak yidnag-et kwarogola-ge, ndemeret an nimin nugwi nap kwat yugub-o.

1 KORINTUS 10:31

Iri bem-e, mburu nonggolat, yi nonggolat, yi kwatlik ndi kwatlik kwarogolar-e, Mbal Pem Nagawan kek tak purak nak kwarogolat wolmer-o.

1 KORINTUS 6:20

Are, kir-e abu konnggo mbarak-nen yili-o. Iri bem-e kit kenpe iri-net Mbal Pem Nagawan unu kek tak pogolat wolmer-o.

PILIPI 1:11

Nde, Yesus Kerisut ebem-nen lud tak nak kwarugwi engen kwarat pidnak kit kenarem kobongsa wolma iri-ge Mbal Pem Nagawan unu kek tak pogolat, at erembel wanogolat makluk-nen wolma-o.

TITUS 2:10

enarengge yariya wanogolat yurak pug-o. Are, Ninmiri Yoso Mbal Pem Nagawan-nen yidnak wene iri-ge kek tak nak pogolat wolmakluk, ir-e pempa yi mende ndi mende kwarogolar-e, konak nak kwarogolat, mot mor-et kwarogolat mag-o.

TITUS 2:5

it kweyap ndugum-nen it ununtak min inlirak min enabuwa kagolat wolmakluk, kit-nen na kwara mul ender-o. Nde, mul undugup iri-ge ap-nen Mbal Pem Nagawan-nen idnak aid wene meya rak puwa naru, kweyap ndugum-e inndi pindong tak woragolat, marak irit woragolat, it enma woragwi kweyap kwara ndegel unpugwi kwami konak irit woragolat, ununtak enne nak kologolat makluk mul ender-o” luk yak indi-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.