YOANES 15:27 - Nanduk Ngget Tul Pidnak Wene

²⁷ Nde, kir-e nandug-et an nimin woragwi me, kit-nen na an nowene kenggel ondogolat woragub-o.

YOANES 15:27 ပူးပေါင်းရင်းမြစ်များ

MARAKUS 1:1

Mbal Pem Nagawan Ambara Yesus Kerisut owene konak wene-ge yu-o.

LUKAS 24:48

Nde, wene yu kwat yosola, kenlengen-nen kaigep nab-e kit-nen yili-o.

YOANES 19:35

Iri kwarogola kagi nap Yoanes an-nen-e iri kwaridnak kunggurusu yu-ge kit kinndi angin tubu yobok-nen ndemeret wene yu-ge an-nen yusu-o. Nde, an-nen kunggurusu wene yu-ge ndemeret wene-o luk naru-o.

YOANES 21:24

Engga yu arem kwaridnak yeba wene-ge Yesus imin noso an-net konggorosolat, engga yu mbarigi-o. Nde, an-nen kinggiridnak wene yu-ge ndemeret wene-o luk nenaru-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 13:31

at langgal luk Nggalilea-nen Yerusalem laiga nap inmbiri bem nam yosola-ge, enlengen-nen kagolar-e kwarat woraiga-o. Nde, iri kaiga nap-nen-e ’Ar-et kaige-o’ luk Isarael nap yu yak indili-o.

YIDNAK YIDNAK WENE 18:5

Nde, Silas min Timotius min-e Makeronia-nen wok yogola-ge, Paulus na-ge pempa aid wene yik tenak woralat-nen Yawuri nap yak ondosolar-e: ”Yesus iri-ge Mesias-nen yusu-o” luk kenggera yak ondosolat woragaij-o.

YIDNAK YIDNAK WENE 23:11

Iri rak puruk, kubu nggwe iri-ge Nagawan Indo-ge at eralu mendak-nen yosolar-e: ”Kindi tugup lak wolmin-o. An-nen yidnak wene Yerusalem yu-nen kinggirigen nggal-et iri nggal-et Oroma-nen na kunggurugun-o” luk yij-o.

YIDNAK YIDNAK WENE 3:15

Iri yogolar-e, Unluk Momtak Elem wirigep na-t nde, Mbal Pem Nagawan-nen wat yidnak nap ennggendumu-nen uruk tak pij-o. Uruk tak pidnak iri-ge nit nenlengen-nen kaige-o.

YIDNAK YIDNAK WENE 4:20

Alat nde, nit-nen kaidnak wene min nit-nen kulidnak wene min iri-ge yik tenak wulmul-o” luk yak indiga-o.

YIDNAK YIDNAK WENE 4:33

Nde, wirik inpidnak nap na-nen-e Nagawan Indo Yesus uruk yidnak wene-ge ”Nenlengen-net kaigerig-o” luk mondok amawi min konggorogolat woraiga-o. Worakmu-ge, Mbal Pem Nagawan-nen we wok ondoso indi kwarat it pidsa enpem woragaij-o.

1 PETERUS 5:1

An-nen na ogore yidnak nap-net yusu me, kit kennggendumu enne kulugwi ogore yidnak nab-e wene yu kwara kuluwag-o. Kerisut andi bandi kagaid iri-ge an nimbiri bem-et kagaij-o. Nde, Kerisut na kek tak woraso iri nam tak puwa tarem-e an totno kek tak nubuwa me, an-e kiri keresa yak kundusu-o:

1 PETERUS 5:12

An engga poro-t kenmanggim mbarigi yu-ge an-nen eberasolat mot mor-et yoso nonowot Silas-nen yongga norosola, mbarigi-o. ”Wene yu-ge ndemeret Mbal Pem Nagawan-e we wok ondoso elem-nen yusu-o” luk kinndi embem tak posolat-nen engga yu mbarusu-o. Mbal Pem Nagawan we wok ondoso pem-et tugup lak mendak wolmer-o.

1 YOANES 4:14

Mbal Pem Nagawan Ambara na nit nenlengen karuk, nit-nen ap erep yak ondogolar-e: ”At Ambara na-ge nggweyak ma nap inmiri yuwak-luk Eid-nen Ambara na pil mbuwagaij-o” luk yak indili-o.

NAM PARA WENE 1:2

Yoanes na at erengen-nen kaidnak mende oboksa konggorosolar-e, Mbal Pem Nagawan-nen yidnak wene min Yesus Kerisut-nen nam tak pidnak wene min engga yu bem kenggel indij-o.

NAM PARA WENE 1:9

Kennggam Yoanes an-e Yesus imin nugwi nap enpem mboso mende anggun panggun na nenpem mbosola-t nde, nit at ilirak-nen-e mamak puruk worali-o. Mbal Pem Nagawan-nen yidnak wene Yesus-nen yak niridnak iri na ap kenggel ondoso bem yi terapmu o unu-ge Patmos iri me mbo nibiga-o.