YOANES 15:24 - Nanduk Ngget Tul Pidnak Wene

²⁴ Ap-nen kwarugwi buk mende-ge it inmbiri bem kwarigit lak yiginggal-e, it meya yidnag-e enpem pigit lak yeleb-o. Alat nde, yawo-nen perak nde an-nen kwarigi mende karug-e, an Neid nenmberek insili rak ninpili-o.

YOANES 15:24 ပူးပေါင်းရင်းမြစ်များ

MBIRIGA WENE 20:5

An-e Nagawan Indo Kenmbal Pem Nagawan-nen yusu me, kininggi-nen ndak wiridnak mende iri kek tak purak pug-o. Nin mende nan mende min an ndak ndak tak nuburag-e mondok nimbir-o. An mondok insili rak mbili nab-e enpem angin worak posolar-e, lila bem lud, tabuh pem lud, ap tap kenan pem unpumu, iri na-t ap tap empat enpem lud yil mburuwa-o.

NGGOMO WENE 8:36

Ta-nen nde an wok nubusu buk nab-e, at ambikpebe erengenwak lak tak pusu-o. An isili rak nobosola-ge, wat yugwi elem iri na abuwa kasolat-nen kwarusu-o” luk inndi nggat nggat elem-nen yij-o.

MATIUS 11:5

Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

MATIUS 21:32

Yoanes na kendam lobok yarig-e, lud tak nak kwarugwi tula mirik kinpij-et nde, kit-nen-e at-nen yidnak wene na bem kinndi angin tubu yigit lak yigeb-o. Alat nde, it pemerinta enmanggim tol ndok wurugwi nap min terak ye inpil nugwi kwami min it perak nde at-nen yidnak wene na bem inndi angin tubu yogola, kit-nen kaigeb-et nde, kinndi nden karuk at ebem kinndi angin tubu yurag-e larok yigeb-o” luk yak indij-o.

MATIUS 9:33

Nde, kugi iri na wirik posoloma ereya na-net ap iri na-nen ene yosola-ge, ap kwarat iri-nen yogolar-e: ”Yu nggal yu-ge Isarael nap enma yu menen-e mondok kagwi bug-o” luk wi langgu mbariga-o.

MARAKUS 2:12

Iri yak tosola ereya na-net ap kwarat ereba na inmbiri bem at yu na men luk, at nene yoso ondoro kud turuk, mbirij-o. Mborosola-ge, it oboksa-nen wi langgu mbarogolar-e: ”Nir-e yu nggal-e kagwi bug-o” luk Mbal Pem Nagawan erembel waniga-o.

LUKAS 24:19

Yak tosoloma-ge, Yesus-nen it kin wok onposolar-e: ”No kwaridnak min yili-o?” luk yosoloma-ge, it-nen yogolar-e: ”Nasaret nap Yesus na kwat ibidnak wene nde yige-o. At iri-ge Mbal Pem Nagawan ene lomboksa yoso nap me, at-nen yoso min at-nen kwaroso min iri-ge Mbal Pem Nagawan min ap oboksa min-nen yik kagolar-e, ar-e amawi worak irit kagwi-o.

YOANES 10:32

Alama-ge, Yesus-nen it yak ondosolar-e: ”An Neid-nen konak kwarurak mende kwarat nebem posola, kit kinmbiri bem kwarigirik me, ngge kwaridnak pem-nen kir-e kerep pem an nuruwokluk yili-o?” luk yak indij-o.

YOANES 10:37

An Neid-nen nebem pidnak mende kwarigit lak ala-ge, kinndi-ge an nebem angin tubu yurak pug-o.

YOANES 12:10

Iri ala karuk, tepan omborak nagawan-nen-e: ”Lasarus min-et wuruwog-o” luk wene mbarogolat woraiga-o.

YOANES 12:45

Nde, an neyasu nab-e, an wirik nibil lobok yidnak nab-et kasu-o.

YOANES 14:9

Yosoloma-ge, Yesus-nen at yak tosolar-e: ”Pilipus wa-e. An-e pempa kit kinmin worasu-t nde, kar-e yenggerak neyasu bug-a? An neyali nap-nen-e an Neid iri kali-t nde, noluk-nen kat-nen-e: ’Kat Keid iri mirik ninpi-o’ luk yigen-o?

YOANES 15:21

Alat nde, it-nen-e an wirik nibil lobok yidnak nap na enaru buk me, kir-e an nunu bem waring kagwi ala, yi kwat kinpilik ndi kwat kinpilik ma-o.

YOANES 15:22

Nde, an-e lobok yigirik, wene yak indigit lak yiginggal-e, it meya yidnag-e enpem pigit lak yeleb-o. Alat nde, yawo-ge it meya yidnak lumuruwokluk tu kore yurak na meya-o.

YOANES 15:23

An isili rak nubusu nab-e, an Neid na isili rak ubusu-o.

YOANES 16:9

Ir-e an nebem inndi angin tubu yugwi buk iri-ge meya yugwi elem-e irir-o luk mirik unpuwa-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YOANES 5:36

Alat nde, Yoanes na an nebem kinggirid wene-ge marik nggal-nen yusu-o. Nde, an nebem kunggurusu wene nggulog-e yur-o: An Neid-nen an-nen kwaruwakluk nebem pidnak iri-ge an-nen kwaril waring kasu yu-nen-e an nebem konggorosolar-e: ’At Eid-nen wirik ibil lobok yij-o’ luk an nebem kunggurusu iri bem-nen yenggerak neyali-o.

YOANES 6:36

Nde, ’kit-nen an neyaigeb-et nde, kinndi-ge an nebem angin tubu yili bug-o’ luk yak kindigi nar-o.

YOANES 7:31

Alat nde, ap ereba na ennggendumu ap kwarat-nen at ebem inndi angin tubu yogolat-nen yogolar-e: ”At yu-nen kwiye worak mende kwarat kwarusu yu-ge, Mesias abok lobok yuwarig-e, kwiye worak mende terag-e no mende nde kwaruwa-o?” luk yiga-o.

YOANES 9:32

Nggweyak yu ndak wiridnak kuri-net ija arem-net erengen ngguru ndesa mbidnak nap misik erengen kuwarak pidnak wene mbi kulugwi bug-o.

YOANES 9:41

Yesus-nen it yak ondosolar-e: ”Kir-e kenlengen ngguru woragwi nggal-nen-e kit meya yidnak lak woraleb-o. Alat nde, kit-nen-e: ’Nit nenlengen-e ob-o’ luk yugwi me, kir-e meya min-et worali-o” luk yak indij-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 2:22

Kit Isarael nap wa-e. Wene yu koler-o. Nasaret nap na-ge Mbal Pem Nagawan-nen at mirik konposolar-e, kwiye worak mende min wi yurak mende min yenggerak purak mende min-e Mbal Pem Nagawan-e Yesus arem woralat-nen kit kennggendumu-nen irit kwarosolat woragaid na-ge kir-e kenaru irir-o.

OROMA 1:30

enesiget wene bem ap unnu meya rak pugwi min Mbal Pem Nagawan imin sirid woragwi min paleksa yugwi min enambik entembel wanugwi min enambik kek yugwi min meya kwarurak pem enpam yugwi min ineid iniya-nen yidnak yidnak kwarugwi buk min

2 TIMOTIUS 3:4

mirim kwarogolat, inndi mburugwi buk yogolat, enaru bug-et nde, ija bija yogolat, Mbal Pem Nagawan indi pidnak keya buruk, it inndi pidnak nggok tak pogolat ma-o.

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.