YOANES 15:21 - Nanduk Ngget Tul Pidnak Wene

²¹ Alat nde, it-nen-e an wirik nibil lobok yidnak nap na enaru buk me, kir-e an nunu bem waring kagwi ala, yi kwat kinpilik ndi kwat kinpilik ma-o.

YOANES 15:21 ပူးပေါင်းရင်းမြစ်များ

NDAWI ENGGA 69:7

Kat kebem-nen ndowaga an-e pesel nobogolat, ninggiri-nen tud tak nak nusu-o.

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

MATIUS 10:18

An nebem ala, kit kenpem wene mbarogolar-e, pemerinta wari nde, nagawan nagawan nde ininggem kunpuwama, nanongga kir-e an nowene it min enlem nin nap min yak undugub-o.

MATIUS 10:22

An nunu bem ap oboksa-nen insili rak kunpuwa-t nde, momak puruk irit worasoma, woroksiyem wok ma nab-e imiri yuwa-o.

MATIUS 10:39

Ta-nen nde at uruk wolmomtak iri na indi angin yusu nab-e, at uruk wolmomtak iri kabak ma-o. Nde, ta-nen nde an nebem ala at uruk wolmomtak na iminep wisirik puwa nab-e, uruk wolmomtak elem irit lesa wanuwa-o.”

MATIUS 24:9

Iri tarem-e andi bandi rak kunpuwakluk ap ininggem wesera konpogolat, mondok kondogolat ma-o. An nunu bem ala, ap enlem oboksa-nen insili rak kunpuwa-o.

MATIUS 5:11

An nebem ala ap-nen insili rak konpogolat, lel mberel konpogolat, enesiget wene bem konpok pogola-ge, kir-e kenalen ker-o.

MARAKUS 13:13

Kir-e an nimin nugwi nap me, ap pidsa-nen insili rak kunpuwa-o. Alat nde, ta-nen nde momak puruk irit worasoma, worok tak puwa tarem wok ma nab-e imiri yuwa-o.

LUKAS 21:12

Alat nde, iri mende pidsa kwarigit lak ma-ge, ap-nen tenaga lel mberel kunpuruk, kit kenpem wene mbaruwakluk tepan yugwi ma kinpil mbutluk, o kubu me kinpil nggogoluk, kir-e an nowosirak ala karuk, nagawan nagawan min pemerinta min-nen kit kenpem wene mbaruwakluk it ininggem kunpuwa-o.

LUKAS 21:17

Nde, kir-e an wok nibigep pem, ap oboksa-nen insili rak kunpuwa-o.

LUKAS 6:22

Ap Ambara an nebem ala, ap-nen insili rak konpogolat, ap-nen keya konpogolat, pesel konpogolat, ’Kir-e meya kwaroso nab-o’ luk kunnu mbilaro ngin tak pogolat, iri rak konpogola-ge, kenalen ker-o!

YOANES 15:24

Ap-nen kwarugwi buk mende-ge it inmbiri bem kwarigit lak yiginggal-e, it meya yidnag-e enpem pigit lak yeleb-o. Alat nde, yawo-nen perak nde an-nen kwarigi mende karug-e, an Neid nenmberek insili rak ninpili-o.

YOANES 16:3

It-nen iri kwat kunpuwa iri-ge an Neid nenmberek enaru buk-nen kwat kunpuwa-o.

YOANES 17:25

Lud tak nak Kwaroso Neid wa-e. Nggweyak ma nap-nen-e kat enaru buk worali-t nde, an perak nde kat naru-o. Nde, kat-nen an wirik nibil lobok yij-o luk it yu-nen perak nde enaru-o.

YOANES 8:19

Yosoloma-ge, it-nen at kin wok obogolar-e: ”Kat keij-e ngge me-o?” luk yogolikma-ge, Yesus-nen yosolar-e: ”Kit-nen-e an min an Neid min kenaru bug-o. Nde, kit-nen nde an kenaru nggal-nen-e an Neid na kenaru yeleb-o” luk yij-o.

YOANES 8:54

Yak togolikma-ge, Yesus-nen yosolar-e: ”An-e an nambik kek tak posolat nggal-e, kek tak nibidnak iri-ge ebe lak mende yeleb-o. Alat nde, an kek tak nubusu nab-e kit-nen ’Nineij-o’ yili Mbal Pem Nagawan iri-net kek tak nubusu-o.

YOANES 8:55

Kir-e Mbal Pem Nagawan iri-ge kenaru bug-et nde, an-e naru-o. Nde, an-nen nde ’At naru bug-o’ luk yosolar-e, an-e kennesiget wene yugwi kit nggal-et teleb-o. Alat nde, an-e at naru-me, at-nen yidnak yidnag-et kwarusu-o.

YIDNAK YIDNAK WENE 17:23

An-e kit kenma yu me waring kasolat-nen kit-nen erembel wanugwi kunkugiwak na kil kil mborosolar-e, kugi amanggim wam wosa pugwi sa misik pem-e yik kaginggal-e, ’Nenaru buk kugi amanggim-o’ luk yaga mbaridnak irit kagi-o. Nde, kenaru bug-et nde erembel wanugwi iri-ge an-nen nam para yak kundusu-o.

YIDNAK YIDNAK WENE 26:9

Nandug-e an-net an nindi-nen perasolar-e: ’Yesus Nasaret nap unu iri imin-e an-e mondok sirid mbarak woramin-o’ luk perasolat woragi-o.

YIDNAK YIDNAK WENE 3:17

Nowe nowosi wa-e. Kit-nen na, kit konowerak nagawan-nen na kwarigep iri-ge kenaru buk-net kwarigeb-o luk an-e naru-o.

YIDNAK YIDNAK WENE 4:17

Alat nde, wene yu waruk ap pidsa naru karu yugu-o luk, it yak ondogolar-e: ’Kir-e at unu bem wene-ge ap misiger-o luk tet yak undurak pug-o’ luk nenne amawi min watsa yak unduwog-o” luk yiga-o.

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

YIDNAK YIDNAK WENE 9:14

Nde, tepan ombo nagawan nagawan-nen amawi-ge at ebem pidnak me, kat kunu bem wene mbo kubugwi nap pidsa tena enpeyekluk yu me lobok yij-o” luk yij-o.

YIDNAK YIDNAK WENE 9:16

Nde, an nunu bem ala, at ebem andi bandi mbumomtag-e an-net mirik ibimin-o” luk yak tij-o.

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

1 KORINTUS 15:34

Kir-e kwara kondok luk, meya yugwi iri keya ber-o. Kit kinnggiri kabokluk an-e wene yu yak kundusu-o: Kit kennggendumu ap ereb-e Mbal Pem Nagawan enaru bug-et worali-o.

1 KORINTUS 2:8

Nde, iri-ge, indi tenggerak elem iri-ge nggweyak ma nagawan nagawan misiger-o luk tet enaru buk woraikma-o. Enaru woralep nggal-nen-e Unu Kek tak Woraso Nagawan Indo na e lang pang tak pem wirigit lak yeleb-o.

2 TESALONIKA 1:8

Kan mare min lobok yosolar-e, Mbal Pem Nagawan-e ndemerer-o luk yugwi buk nap min Nenagawan Indo Yesus-nen yidnak aid wene kuruk tugwi nap min enpem angin worak mende puwa-o.

1 YOANES 3:1

Nineid-nen nit nenabuwa kwarat kaidnak pem ap-nen nit ninmin-e ”Mbal Pem Nagawan ilirag-o” luk yak nindili bem wir-o! Nde, nir-e ndemeret at ilirak-net yili-o. Iri bem-nen nggweyak ma nap-nen-e nit Nineid enaru buk woragwi me, nit na yenggerak ninpili bug-o.

3 YOANES 1:7

Nde, nennggamirak iri mbitli iri-ge Kerisut eyabu wanurak pem mbitli-o. Nde, it iri-ge inndi angin tubu yigit lak nap ininggem-nen silobulo mbi wanili bug-o.

NAM PARA WENE 2:3

Kir-e an nunu bem ala andi bandi kagolar-et nde, mamak puruk woragolat, kinndi tugup lak, uwi yak worali-o.