YOANES 15:20 - Nanduk Ngget Tul Pidnak Wene

²⁰ ’Ndegel unpugwi nab-e at eid na teberak puruk, nggok yusu bug-o’ luk yak kindigi wene na yeberak wolmer-o. Nde, it-nen nde an lel mberel nibidnak ala-ge, kit na lel mberel-et kunpuwa-o. Nde, it-nen nde an-nen yidnak yidnak nak kwaridnak ala-ge, kit-nen yidnak yidnak na kwaruwar-o.

YOANES 15:20 ပူးပေါင်းရင်းမြစ်များ

YESKIEL 3:7

Alat nde, it enlem Isarael nap iri-nen-e kene kuluwa bug-o. An nene-t nde, kulili buk iri nar-o. It oboksa-ge wene kulugwi buk, an nimin eyak nak wurugwi-net yili-o.

MATIUS 10:24

Mul ondogola kulugwi nap-nen-e it mul undugwi nap nggal kek tag-e lag-o. Nde, ndegel poso nap na irit at ndugurusu nap iri nggal kek tag-e lag-o.

MARAKUS 10:39

Yak ondosoloma-ge, it-nen yogolar-e: ”Kwarul-er-o” luk yiga-o. Yogolikma-ge, Yesus-nen it yak ondosolar-e: ”Andi bandi kagwi mende yimbe arem kenanggo namin iri-ge kir-e ndemeret nonggolat, nde, andi bandi kamin mende iri na kagolat yugub-et nde,

LUKAS 2:34

Iri lug-e, Simeon na-nen it imbiringgat tak onposolat-nen la iri ija Maria yak tosolar-e: ”Isarael nap ap kwarat lak tak onposolat, ap kwarat na inmiri yosolat maklug-e, Mbal Pem Nagawan-nen la yu-ge len ibij-o. At yu-ge Mbal Pem Nagawan eram-nen lobok yidnak-nen yusu-o luk yenggerak purug-e, ap kwarat-nen at insili rak puwa-o.

LUKAS 6:40

Mul ondogola kulugwi nap-nen-e it mul undugwi nap nggal kek tag-e lag-o. Alat nde, mul indidnak wene na pidsa enaru luk-nen perak nde, it mul undugwi nap inmin ndak ndak kwat yugwi-o.

YOANES 10:31

Yak ondosoloma-ge, it Yawuri nap-nen tuguruk at wururak pem kerep waniga-o.

YOANES 11:57

Nde, tepan omborak nagawan min Parisi nap min-nen wene wirik pogolar-e: ”Yesus tenaguwok-nen ap misik nde at worasu enaru ala-ge, nit yak nindil lobok yurag-o” luk wene wirik piga-o.

YOANES 13:16

An-e ndemeret yak kundusu-o. Ndegel unpugwi nab-e at eid na teberak puruk, nggok-nen yusu-ge lag-o. Nde, wirik inpil mburugwi nab-e at ibil mbiridnak nap na teberak puruk nggok-nen yusu-ge lag-o.

YOANES 5:16

Nde, Yesus na we woragwi tarem-et nde, ap yu na ki rak pidnak pem-e Yawuri nap-nen-e at lel mberel ubuwokluk tu kore yiga-o.

YOANES 7:32

Ap kwarat ereba na-nen Yesus obok yagap yagap wene yil mborogola, Parisi nap-nen kuluruk, it min tepan omborak nagawan nagawan min-nen-e Yesus tenagurak pem Mbal Pem Nagawan wi yik karok woragwi san winde wirik inpiga-o.

YOANES 8:51

An-e ndemeret yak kundusu-o. An-nen yidnak yidnag-et kwaruwa nab-e wat yigit lak, pem-et woralik nalik ma-o” luk yij-o.

YOANES 8:52

Yosoloma-ge, Yawuri nap na-nen at yak togolar-e: ”Kar-e kugi karem nggwidnak-nen yusu-o luk yawo-nen perak nde mondok nenaru yili-o! Abaram min Mbal Pem Nagawan ene lomboksa yugwi nap min na wat yiga-t nde, kat-nen yosolar-e: ’An-nen yidnak yidnag-et kwaroso nab-e wat yigit lak, pem-et woralik nalik ma-o’ luk yigen-o.

YOANES 8:59

Yosoloma-ge, Yawuri nap-nen at wuruwokluk kerep wanogola-ge, Yesus na-ge kurik kurak Mbal Pem Nagawan ama-nen mbirij-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

1 KORINTUS 4:12

nit nininggi bem-net yabu kwarat wanogolat yili-o. Ap-nen nde wene meya yak nondogola, nit-nen-e konak wene nak onggo yak indili-o. Ap-nen nde lel mberel nonpogola-ge, nit-nen-e mamak puruk worali-o.

2 KORINTUS 4:9

Lel mberel ninpidnag-et nde, nenarik keya ninpigit lag-o. Nggwin yaga mberak ninpidnag-et nde, wat yigit lag-o.

1 TESALONIKA 2:15

Yawuri nap iri-nen-e Nagawan Indo Yesus worogolat, Mbal Pem Nagawan ene lomboksa yugwi nap na ondogolat, nit na lel mberel nonpogolat yiga-o. It iri-ge Mbal Pem Nagawan indi-n pidnag-e perali bug-o. Ap oboksa inmin na sirid mbarak worali-o.

2 TIMOTIUS 3:12

Kerisut Yesus imin kundik woragolat-nen Mbal Pem Nagawan-nen kwaroso nggal kwaruwokluk yuwa nap pidsa-ge lel mberel unpuwar-o.

1 SEMUEL 8:7

Iri yak tosola, Nagawan Indo-nen yosolar-e: ”It enne irit kuli-o. Iri-ge kat keya kobogolat-nen kwatli-ge lag-o. Are, an-et keya nibili-o. Ir-e an-et it ennggendumu nagawan wolmomtag-e inndi-ge perali bug-o.