YOANES 15:2 - Nanduk Ngget Tul Pidnak Wene

² Nde, e elem an nebem-nen mbiridnak inggi mbi-nen engen pigit lak ala-ge, at-nen-e yendera mbo boso-o. Nde, an nebem-nen mbiridnak inggi-nen engen pidnak ala-ge, engen erep kwarat puwakluk, at-nen-e angga erep lera keya buruk kona keya boso-o.

YOANES 15:2 ပူးပေါင်းရင်းမြစ်များ

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

MALEAKI 3:3

Nde, at lobok yuwa iri-ge perak kopkap masa perak nak lena keya bugwi nggal, ap enpem wene mbenarurak pem lobok yuwa-o. Posid tol konoso nap-nen emas min perak min ebe nak lena keya boso nggal-et, Nagawan Indo-nen pil lobok yuwa nap iri na-nen-e tepan ombo ereba na-nen Nagawan Indo amanggim wam wosa pogolar-e, Nagawan Indo indi-nen pidnak ndak ndag-et at amanggim puwakluk, Nagawan Indo-nen ibil lobok yuwa nap iri na-nen-e tepan ombo mat unpuwa-o.

MATIUS 13:12

Nde, at tena worasu nap iri-ge, erep na min-et tena wolmakluk, nambena wok tuwama-ge, ar-e terak mena kwarat lombok tena wolma-o. Alat nde, at marig-et nak tena worasu nap iri-ge at eram mariget tena woraidnak na mengga wanuwa-o.

MATIUS 13:33

Yesus-nen nden karuk wene misik yak ondosolar-e: ”Mbal Pem Nagawan-nen tenagaidnak wi iri-ge oroti lomboroso mende nggal-nen yusu-o. Kwe misik-nen oroti lomboroso mende waga mbato togolwak kenan kobong tag-et nde, imin puruk, omok worosola-ge, pidsa lomboroso-o” luk yij-o.

MATIUS 15:13

Yogolikma, Yesus-nen wene erep nggarosolar-e: ”An Neid aid arem woraso-nen uwi yakit lak mende iri-ge emengen min-et kunuwa-o.

MATIUS 21:19

Nde, e ara misik tu mbanggo ma karuk, e na elem pem mbiridnggal-e, engen pigit lak, engga nak ala-ge, at-nen e na yak tosolar-e: ”Kar-e mondok kengen yugun pug-o!” luk yak tosola ereya na-net e ara na umbuk yij-o.

MATIUS 25:29

Nde, arengge worak nab-e arengge erep min nambena wok tosola-ge, at arengge-ge kwarat lombok ma-o. Alat nde, arengge lak nab-e at eram marig-et nak woraidnak na oboksa mengga wanuwa-o.

MATIUS 3:10

E mengen min tebera mbo beyekluk ije-ge ebem lud tak puruk worasu-o. Engen konak yoso buk e oboksa-ge ndara kanduk arem pil ngguwa-o.

MATIUS 3:12

Nggandum mbato ebe min ababul min lena arik tak pugwi mende-ge at inggem worasu-o. Lena arik tak purug-e, nggandum mbato ebe-ge ndok wosa pil nggugwi sa posolat, abapno-ge nigi yoso buk kanduk iri na me kan puwa-o” luk yij-o.

MATIUS 7:19

Nde, e-nen engen konak yigit lak ala-ge, e na-ge ndara kan pugwi-o.

MARAKUS 4:20

Nde, nggweyak konak pem mbid iri na nggal-e, ir-e wene kuluruk wene na ndemeret wanili-o. Wanurug-e, engen kwarat yosolar-e, ereb-e tiga pulu nggal yosolat, ereb-e enam pulu nggal yosolat, ereb-e seratus nggal yili iri nggal-nen yusu-o” luk yij-o.

LUKAS 8:13

Nde, kerep mborok ma mbid uwi iri na nggal-e aid wene kulurug-e, enalen min-et wanurug-et nde, wene-ge it enarem kwara uwi yak yigit lak me, marig-et nggal inndi angin tubu yidnak me, abok nggwe it inndi ngaroso mende enpem mbosola-ge, keya bili nap iri nggal-nen yusu-o.

YOANES 15:1

Yuruk, Yesus-nen yosolar-e: ”Ndemeret e elem-e an-net yusu-o. Nde, yabu ombo-ge an Neid-net yusu-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 15:3

An-nen yak kondoso wene iri na bem kir-e mbek tak kinpidnak worali-o.

YOANES 15:6

Nde, an narem puksa wolma buk nab-e e inggi yendera mbo bidnak nggal irit mbo bosola, le ma-o. Nde, inggi yendera mbo bidnak iri nggal-e ap-nen ndok wosa kan ma mbo bosoma, kan naso-o.

YOANES 15:8

Kit-nen engen kwarat pogolar-e, an Neid unu kek tak pili-o. Iri yogolar-e, an nimin nugwi nab-et kwat yili-o.

YOANES 17:12

An-e it inmin woralar-e, an wok nirigen kunu iri bem-et ndegel onposolat woragi-o. Nde, an-nen-e it yik eneyarok worala-ge, misiger-o luk tet pul yigit lag-o. Are, Mbal Pem Nagawan engga bem mbaridnak na ndak ndak makluk, ap misiget nak pul yij-o.

OROMA 11:17

Nde, yakwi e saitun inggi erep mbarak puruk, yakwi buk mbepme woraso e saitun inggi mbarak iri-ge eraret iri na bem kundik pij-o. Kit enlem nin nab-e mbepme woraso e saitun nggal-nen yili-o. Nde, kir-e yakwi e saitun min kundik kinpidnak me, elem amburu-ge Yawuri nap inmin totno wanili-o.

OROMA 11:22

Iri bem-e, Mbal Pem Nagawan-nen ap unpud kaso min isilepma enpem poso min kwara yebet ker-o. Meya yidnak nap enpem-e isilepma unpusu-t nde, kit-nen nde kunpud kaidnak pem woragola-ge, kit kunpud kasolat wolma-o. Nde, iri kwarigit lak yugup pem-e, kit na irit mbara mbo kunpuwa-o.

OROMA 8:28

Mbal Pem Nagawan abuwa kagwi nap, at indi-n pidnak kwaruwakluk yonggo ninpidnak nap nenmanggim-e Mbal Pem Nagawan-nen yi mende ndi mende oboksa kwat nonposolar-e, nit konak nak kwat nenpeyekluk yusu-o luk nenaru yili-o.

1 KORINTUS 13:1

An-nen-e ki nap enne bem ala na irit, aid nap enne bem ala na irit, te irit yimin-et nde, ap enabuwa kagwi elem nde an narem lak-nen-e an-e posid owak lel kagola, ene nggwe yidnak nggal-nen yusu-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 12:15

Kit kennggendumu-nen ap misik-nen-e Mbal Pem Nagawan-nen we wok ondoso elem keya buwa naru kwil kwalsa wolmer-o. Kit kennggendumu-nen ap misik-nen ngari worak emengen nggal lasolar-e, ninggis mende-nen ap kwarat meya rak unpuwa naru, kwil kwalsa wolmer-o.

1 YOANES 2:19

Kerisut imin sirid nap iri-ge nit ninmin woragwi na-t nde, ndemeret ninmin kundigit lak me, keya nunpuruk mbiridnak nap-net yili-o. It nde nit ninmin kundik nap nggal-nen-e ndemeret nit ninmin woraleb-o. It iri-ge ap misiger-o luk tet nit nab-e lag-o luk yenggerak puwakluk, nit keya nunpuruk mbiriga-o.

NAM PARA WENE 3:19

An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.