YOANES 15:18 - Nanduk Ngget Tul Pidnak Wene

¹⁸ Nggweyak ma nap-nen nde kit insili rak konpogola-ge, nandug-er-e at insili rak ibiga nar-o luk yebet ker-o.

YOANES 15:18 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:8

Yosoloma, Akap-nen onggo yosolar-e: ”Misik worasur-o. Iri-ge Yimla ambara Mika worasu-t nde, at iri-ge an nindi-n pidnak konak iri na-ge ’Iri nggal kwat ma-o’ luk yak noroso buk. Are, an nisili kaso ereba na nde ’Iri nggal kwat ma-o’ luk yak noroso me, an-e nisili rak poso-o” luk yak tij-o. Yosoloma, Yosapat-nen onggo yosolar-e: ”Kar-e iri nggal yusu-ge meyog-o” luk yak tij-o.

YESAYA 49:7

Mbal Pem Nagawan Mondok Marak, Isarael nap inmiri yoso iri na-nen ap nggweyel unpugwi nap-nen nggweyel obogolat, ap enlem oboksa-nen insili rak obogolat, o tena woragwi nap ereba ndegel onposo nap kwarak pogolat kwatli nap iri na yak tosolar-e: ”Nagawan nagawan-nen-e an-nen kwat kibimin iri karuk, it-nen-e an kek tak nubuwa-o. Enmawi worak nap-nen na iri karug-e, entare nggwe tud ma-o” luk yij-o. Iri kwaruwa iri-ge Nagawan Indo-nen at ndegel oboso nap linid iri bem-nen kwaruwa-o. Isarael nap Enmbal Pem Nagawan Mondok Marak iri-ge at-nen urul pidnag-e lugud tak poso buk ala-nen kwaruwa-o.

YESAYA 53:3

Nit-nen-e at nggweyel obogolat, pelek pelek tak ibige-o. Ar-e andi bandi kasolat, yane woroso-o. Ap misiger-o luk mbi-nen na yik kujwa bug-o. Nit-nen na no mende yik kaidnak nggal tak ibige-o.

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

MATIUS 10:22

An nunu bem ap oboksa-nen insili rak kunpuwa-t nde, momak puruk irit worasoma, woroksiyem wok ma nab-e imiri yuwa-o.

MATIUS 24:9

Iri tarem-e andi bandi rak kunpuwakluk ap ininggem wesera konpogolat, mondok kondogolat ma-o. An nunu bem ala, ap enlem oboksa-nen insili rak kunpuwa-o.

MATIUS 5:11

An nebem ala ap-nen insili rak konpogolat, lel mberel konpogolat, enesiget wene bem konpok pogola-ge, kir-e kenalen ker-o.

MARAKUS 13:13

Kir-e an nimin nugwi nap me, ap pidsa-nen insili rak kunpuwa-o. Alat nde, ta-nen nde momak puruk irit worasoma, worok tak puwa tarem wok ma nab-e imiri yuwa-o.

LUKAS 6:22

Ap Ambara an nebem ala, ap-nen insili rak konpogolat, ap-nen keya konpogolat, pesel konpogolat, ’Kir-e meya kwaroso nab-o’ luk kunnu mbilaro ngin tak pogolat, iri rak konpogola-ge, kenalen ker-o!

YOANES 16:1

An-nen wene yu yak kindigi yu-ge kit kinndi angin tubu yidnak keya bugup naru-nen yak kindigi-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YOANES 3:20

Nde, meya nak kwarugwi nap-nen-e yaya iri insili rak puruk, it meya yugwi nam tak puwa naru, yaya na eram lobok yili bug-o.

YOANES 7:7

Ki nap pidsa-nen-e kir-e insili rak kunpuwa bug-et nde, an-nen-e: ’Kit-nen kwatli mende meya nak kwatli-o’ luk yak undusu me, insili rak nibili-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.

1 YOANES 3:1

Nineid-nen nit nenabuwa kwarat kaidnak pem ap-nen nit ninmin-e ”Mbal Pem Nagawan ilirag-o” luk yak nindili bem wir-o! Nde, nir-e ndemeret at ilirak-net yili-o. Iri bem-nen nggweyak ma nap-nen-e nit Nineid enaru buk woragwi me, nit na yenggerak ninpili bug-o.

1 YOANES 3:13

Nanggamirak wa-e. Iri bem-e, nggweyak ma nap-nen insili rak konpogola-ge, kinndibok yurak pug-o.

1 YOANES 3:3

Iri kwat mul-o luk, iri bem indi mbung mbung tak worasu nab-e Kerisut na mbek tag-et woraso nggal, ap iri na at na at-net mbek tag-et wolmomtag-o.