YOANES 15:16 - Nanduk Ngget Tul Pidnak Wene

¹⁶ Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 15:16 ပူးပေါင်းရင်းမြစ်များ

NDAK WIRIDNAK WENE 18:18

Nde, at-nen wigarag-e ap enlem nggok kwat yosolat, enmawi worak irit kwat ma-o. Nde, an-e at ebem-net ap enlem oboksa inmbiringgat tak pimin-o.

NDAWI ENGGA 145:4

Ap pem lud pem irit woragolat kat-nen kwat onposo bem kerembel wanogolat, kat-nen kamawi kwiye worak pem-nen kwaroso wene-ge wigal tenak wolma-o.

MIKA 5:7

Nde, Isarael nap enlem nin nap ennggendumu wolma ereba na-ge singa ndakngge wolma woraso mena enggendumu woraso nggal woragolat, lomba oro tusuangge taroso sa woraso nggal woragolat kwaruwa-o. Nde, singa lomba oro ereba na enggendumu nggosolar-e, lomba ereba na wutluk, lebena nasolat worala, ap-nen mbi emndam mengga keya burag-e meya-o.

MATIUS 21:22

Kit kinndi angin tubu luk, tepan yogolat-nen nggi yugup mende-ge wanugub-er-o” luk yij-o.

MATIUS 7:7

”Nggi yer-o. Nggi yogola-ge, wok kunduwa-o. Kore yer-o. Kore yogola-ge, kagub-o. Tu lel lel ker-o. Lel lel kagola-ge, tu kuwarak kunpuwa-o.

LUKAS 6:13

Iri luk, o nda yosoloma-ge, at imin nugwi nap yonggo unpuruk, it ennggendumu-nen ap duabelas na len inpij-o. Len unpuruk, it unnu yarosolar-e: ”Wirik unpurak nab-o” luk yij-o.

YOANES 13:18

Wene yu-ge kit pidsa yak kundusu-ge lag-o. An-nen len inpidnak nab-e an naru worasu-o. Alat nde, Mbal Pem Nagawan engga bem-nen yosolar-e: ’An totno mburu naso nap-nen-e an isili rak nibij-o’ luk mbaridnak iri na ndak ndag-et kwat ma-o.

YOANES 15:19

Nde, kit nde nggweyak ma nap min-et kundik woraigep nggal-e, nggweyak ma nap-nen-e yu-ge nit mende-o luk kit kenabuwa kaleb-o. Alat nde, nggweyak ma nap ennggenggerak-nen an-nen len kinpidnak me, kir-e nggweyak ma nap inmin kundig-e lag-o. Iri bem-e nggweyak ma nap-nen-e insili rak kinpili-o.

YOANES 15:5

E elem-e an-net yusu-o. Nde, inggi-ge kit-net yili-o. Ap-nen an narem puksa woralat, an na at arem puksa woralat yidnak nap-nen-e engen kwarat lombok puwa-o. Nde, kir-e an narem puksa woragit lak ala-ge, yi kwatlik ndi kwatlik kwarugup pug-o.

YOANES 6:70

Yak tosoloma-ge, Yesus-nen it yak ondosolar-e: ”Kit ap duabelas yu an-net len kinpigi-t nde, kit kennggendumu ap misig-e sere nde worasu-o!” luk yak indij-o.

YIDNAK YIDNAK WENE 1:24

Yurug-e, it-nen tepan yogolar-e: ”Nagawan Indo wa-e. Kar-e ap pidsa inndi karu me, ap mberen yu-ge kat kindi-nen linidnak nap irit mirik ninpi-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 10:41

ap pidsa inmbiri bem-e nam tak pigit lag-o. Are, wat yidnak ennggendumu-nen uruk luk woralar-e, imin mburu nonggolat, yi nonggolat yige nap, wene yu min waring kujwakluk Mbal Pem Nagawan-nen len ninpidnak nap, nit ninmbiri bem nak nam tak pij-o.

YIDNAK YIDNAK WENE 22:14

Yik kasoma-ge, at-nen yosolar-e: ’Nit nenlawingga Enmbal Pem Nagawan-nen-e at indi-n pidnak mende karu yonokluk, Mot Mot Yoso Nap kanokluk, at emendam-nen mbiridnak wene kolonokluk, len kibij-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

OROMA 1:13

Nanggamirak wa-e. An-e pempa kit kendam lobok yurak perasu-t nde, yawo yu kuri-nen an-e pempa nari wari rak nubusu iri-ge kit kenaru yurag-e nindingen-o. Enlem nin nap ennggendumu-nen an neyabu ebe kwat yid iri nggal-et kit kennggendumu-nen na ebe kwat yidnak kayekluk-nen yigi-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 15:4

Mbal Pem Nagawan engga bem-nen-e ninndi luruk purak min ninndi tugup lak tak purak min mul nondosola, Mbal Pem Nagawan ebem ninndi mbung mbung tak wolmakluk mul nundusu me, Mbal Pem Nagawan engga bem mbaridnak wene pidsa nit mul nundurak pem mbariga-o.

OROMA 9:21

Nggweyak yimbe konoso nap-nen-e ndangen nggweyak iri-ge at indi-n puruk nak-nen konoso-o. Nggweyak lubarak misik-nen-e yimbe mberen konosolar-e, misig-e yimbe konak irit konosolat, nde, misig-e we meya nggal konoso nar-o.

1 KORINTUS 10:11

It enpem mbidnak mende pidsa iri-ge nit na ”Iri nggal kwat nunpuwa-o” luk nit ninndi wanuwakluk-nen wene engga bem mbarak pid irir-o. Worok tak purak tarem nit worali nenmanggim.

NGGALATIA 1:15

Alat nde, at indi-n pidnak pem an niya arem-net Mbal Pem Nagawan-nen len nuburuk, at-nen we wok ondoso elem pem-net wene mbo nibij-o.

EPESUS 2:10

Nir-e Mbal Pem Nagawan-nen ndak wat ninpidnak-nen yili-o. Nir-e konak nak kwarogolat wolmakluk Kerisut Yesus ebem ndak worak ninpij-o. Nde, nit-nen konak nak kwarogolat wolmomtak iri-ge abuwok ma-net Mbal Pem Nagawan-nen lid lud tak pij-o.

KOLOSE 1:23

Nde, mbigija-ge kit-nen kinndi angin tubu yidnak pem mondok tugup lak woragolar-e, aid wene kuligep na bem kinndi mbung mbung tak woraidnak na amawisa-t wanogolat woragup na-e. Aid wene iri-ge nggweyak ma woragwi nap oboksa yak indidnak wene-nen yusu-o. Nde, Paulus an-e aid wene iri ndegel oboso nap-nen yusu-o.

KOLOSE 1:6

Nde, kit kendam wok yid aid wene iri-ge iri nggal-et nggweyak ma yu me yi wi ndi wi wigak yosolar-e, ebe kwat yusu-o. Mbal Pem Nagawan-nen we wok ondoso elem obok na kulurug-e, ndemeret kenaru yigep kuri-nen yawo tarem-e kit kennggendumu-nen na irit aid wene wigak yusu-o.

1 TIMOTIUS 2:7

Wene yu bem-nen an-nen-e enlem nin nab-e inndi angin tubu yurak wene min ndemeret wene min yak unduwakluk, wirik nibidnak nap min mul ondoso nap min irit len nebamu-o. Nde, an-e nenesiget yusu-ge lag-o. Ndemeret lombok yak kundusu-o.

2 TIMOTIUS 1:11

Aid wene yu tumburuwakluk, an-e yil noso nap, wirik nibidnak nap, mul ondoso nap iri rak nibij-o.

2 TIMOTIUS 2:2

Ap kwarat inmbiri bem an-nen nggomo kirigi na-ge kat-nen na iri nggal-et mot mor-et kwarugwi nap enpem posola-ge, it-nen na iri nggal-et nin nap mul unduwaklug-e, yak ondosolat wolmin-o.

TITUS 1:5

Kereta keya kibigi na-ge yu nggal kwaronokluk-nen keya kibigi-o: Yabu erep worasu na worok tak posolat, o siri ndomok ogore yidnak nap mendak inpil mborosolar-e, an-nen yak kirigi yu yeberak wolmin-o:

IBERANI 11:4

Nde, Abel na indi angin tubu yidnak pem-net Mbal Pem Nagawan amanggim wosa posolar-e, Kain-nen pidnak nggal-e lag-o, are, terak minik konak mende Mbal Pem Nagawan amanggim pamu-o. At indi angin tubu yidnak na bem-e ”Kar-e lud tak nak kibidnak nab-o” luk Mbal Pem Nagawan-e Abel-nen pidnak mende na bem alen kagaij-o. Nde, Abel na wat yij-et nde, at indi angin tubu yidnak iri na-ge yawo-nen na nit mul nondosolat worasu-o.

YAKOBUS 3:18

Lud tak nak kwarugwi iri-ge yamuksa wolmomtak nak inndi peragwi nap iri-nen yamuksa woragwi uwi pil kaidnak iri engen pidnak-nen yusu-o.

1 PETERUS 3:15

Are, kit kinndi arem-nen-e Kerisut na kek tak pogolat, kit-nen idnak Nagawan Indo rak pogolat wolmer-o. Ap-nen-e: ”Kir-e no bem kinndi mbung mbung tak worali-o?” luk kin wok konpogola, wene na onggo yak undurak pem kir-e lid lud tak puruk wolmer-o.

1 YOANES 4:10

Enabuwa kagwi elem-e yur-o. Nit nanduk-nen Mbal Pem Nagawan abuwa kaige-ge lag-o. Are, at-nen nit nenabuwa karuk, nit meya yidnak amberam tak puwakluk at Ambara pil mbuwagaij-o.

1 YOANES 4:19

Mbal Pem Nagawan nanduk-nen nit nenabuwa kaidnak pem, nit-nen na enabuwa kagwi-o.