YOANES 15:15 - Nanduk Ngget Tul Pidnak Wene

¹⁵ Ndegel unpugwi nap-nen-e it ineid-nen kwarusu mende-ge enaru buk nak woragwi me, yawo-ge an-nen ’Ndegel nubugwi nab-o’ luk yak kindimin pug-o. Are, an Neid-nen an yak niridnak wene pidsa kit yak kindigirik me, ’Nanggamirag-o’ luk yak kundusu-o.

YOANES 15:15 ပူးပေါင်းရင်းမြစ်များ

AMOS 3:7

Nagawan Indo Mondok Kek tak iri na-nen-e at-nen kwarurak piridnak iri na-ge at ndegel ubugwi ene lomboksa yugwi nap ereba kirimbi yak indigit lak-nen-e mondok kwaroso bug-o.

MATIUS 13:11

Yogolikma-ge, at-nen wene erep nggarosolar-e: ”Kit perak nde Mbal Pem Nagawan-nen tenagaidnak wi kura wene iri kenaru momtak we wok ondoso mende wok kindij-et nde, ir-e wok indigit lag-o.

LUKAS 10:23

Iri yurug-e, Yesus na nden karuk, at owosirak na enarikmu-nen yak ondosolar-e: ”Kir-e yawo kali yu kenlengen kaidnak pem-e konak lombog-o.

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YOANES 13:16

An-e ndemeret yak kundusu-o. Ndegel unpugwi nab-e at eid na teberak puruk, nggok-nen yusu-ge lag-o. Nde, wirik inpil mburugwi nab-e at ibil mbiridnak nap na teberak puruk nggok-nen yusu-ge lag-o.

YOANES 15:20

’Ndegel unpugwi nab-e at eid na teberak puruk, nggok yusu bug-o’ luk yak kindigi wene na yeberak wolmer-o. Nde, it-nen nde an lel mberel nibidnak ala-ge, kit na lel mberel-et kunpuwa-o. Nde, it-nen nde an-nen yidnak yidnak nak kwaridnak ala-ge, kit-nen yidnak yidnak na kwaruwar-o.

YOANES 16:12

An-nen yak kundurak wene-ge kwarat worasu-t nde, yawo kit-nen wanurag-e meya-o.

YOANES 17:26

Kat-nen an nabuwa kaso elem na it enarem worasolat, an na it enarem worasolat makluk, an-nen kat kunu mirik onposo-o. Nde, iri nggal-et kat kunu-ge mirik onposolat woramin-o” luk yij-o.

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

YOANES 4:19

Yosoloma-ge, kwe na-nen yosolar-e: ”Kar-e Mbal Pem Nagawan ene lomboksa yoso nab-et keyagi-o” yurug-e,

YOANES 8:26

Nde, kit kenpem yurak wene nde kit kenpem wene mbarurak nde an-e kwarat worasu-t nde, an nibil lobok yidnak nap iri-ge ndemeret lud tak nak yoso-nen yusu-o. Nde, at-nen yak niridnak wene iri na-t an-nen nggweyak ma nap pidsa yak undusu-o” luk yij-o.

YIDNAK YIDNAK WENE 20:27

Mbal Pem Nagawan indi-n pidnak ereb-e teberak pigit lak. Pidsa yak kindigi nar-o.

OROMA 7:15

Nde, an-nen kwaroso mende-ge an nindi yebet kasu bug-o Nde, an-e irit kwareyeg-o luk yidnak mende keya buruk, an nisili kaso mende na-t kwarusu-o.

1 KORINTUS 2:16

Mbal Pem Nagawan engga mbarak pem-nen yosolar-e: ”Nagawan Indo indi iri-ge ta aru-nen at mul turag-o?” luk yij-et nde, Kerisut indi-ge nit nenarem worasu-o.

NGGALATIA 4:6

Kir-e ndemeret at ilirak-nen yili-o luk mirik kenpeyeklug-e, Mbal Pem Nagawan-nen at Ambara Indi-ge nit ninndi arem ibil lobok yosola, at Indi na-nen wene mbo bosolar-e: ”Neid wa-e. Neid wa-e” yusu-o.

EPESUS 1:9

Mbal Pem Nagawan-nen at indi-n pidnak kura wene nit mirik nonposolar-e, ar-e Kerisut ebem-nen ”Irit timin-o” luk nanduk-net lud tak pidnak kura wene iri-ge nam tak puruk mirik ninpij-o.

EPESUS 3:5

O nggetnem ereba-ge kura wene iri-ge nggweyak ma nap yak indigit lag-et nde, yawo-n Konak Indi bem-nen-e marak inpidnak wirik inpidnak nap min Mbal Pem Nagawan ene lomboksa yugwi nap min-e nam para mirik inpij-o.

KOLOSE 1:26

Nde, at-nen idnak kura wene iri-ge obi-net ineid onmbo ereba-n waruk la nderak pem lud ereba woragolar-e, kura woragaij-et nde, yawo-nen-e nam tak paga at winde nap yak undusu-o.

PILEMON 1:16

Nde, yawo-ge are kat ndegel koboso nap nag-e lag-o. Are, Kerisut ebem kat kowot abuwa worak kwat yidnak-nen yusu-o. La iri-ge an-nen abuwa kwarat kasu-o! Nde, an-e abuwa kasu-t nde, kat ndegel koboso bem na, Nagawan Indo ebem-nen kat kowot yidnak pem na, kar-e abuwa kwarat kagun-o.

YAKOBUS 1:1

Mbal Pem Nagawan min Nagawan Indo Yesus Kerisut min ndegel onposo nap Yakobus an-nen kit Yawuri nap kenlem duabelas ap ennggendumu nat karuk worali na wiwa-o yak kundusu-o.

YAKOBUS 2:23

Iri kwarid iri-ge, engga wene misik-nen yidnak ndak ndak tak pij-o. Engga wene iri-nen yosolar-e: ”Abaram na-ge Mbal Pem Nagawan ebem indi angin tubu yid iri bem-nen Mbal Pem Nagawan-nen at lud tak nak tak ibij-o.” Iri bem-nen Abaram na unu misik yogolar-e: ”Mbal Pem Nagawan anggam-o” yugwi-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

YURAS 1:1

Yesus Kerisut ndegel oboso nap, Yakobus owot Yuras an-nen-e Nineid Mbal Pem Nagawan ebem-nen kenabuwa worak nap, Yesus Kerisut amanggim ndegel konposolar-e, Mbal Pem Nagawan-nen wene mbo kinpid nap kit kenmanggim engga yu mbarusu-o.

NAM PARA WENE 1:1

Engga yu arem-e Yesus Kerisut-nen abok-nen kwat momtak mende nam tak pidnak wene mbarak worasu-o. Nde, yanem-et kwat ma mende iri-ge Mbal Pem Nagawan-nen at ndegel ubugwi nap mirik unpuwakluk, Kerisut wok tij-o. Nde, Kerisut-nen-e kwat ma mende iri na-ge at ndegel oboso nap Yoanes na mirik ubuwaklug-e, at-nen idnak aid nab-e Yoanes eram ibil lobok yij-o.