YOANES 15:11 - Nanduk Ngget Tul Pidnak Wene

¹¹ Wene yu yak kindigi yu-ge, an nalen-e kit kenarem worasolat, kenalen kenarem woraso iri na iminep mbal makluk-nen yak kindigi-o.

YOANES 15:11 ပူးပေါင်းရင်းမြစ်များ

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

LUKAS 15:23

Iri rak purug-e, at imin totno nenalen pem nok-nen sapi wam usul na wil mbutluk, werer-o.

LUKAS 15:32

Alat nde, kat kowot iri-ge wat yidnag-et nde, uruk luk, pul yidnag-et nde, wok yid pem-e nit-nen ijok kerengge sakolat, kijik kijak worogolat yili yu-ge ob-et yili-o’ luk yak tij-o.”

LUKAS 15:5

Kasoluk, alen kwarat luk, olomba na endak pem kud turuk,

LUKAS 15:9

Tol na kasoluk, kwe na anggamirak min at eralu woraso nap min wene mbo unpuruk-nen yak ondosolar-e: ’Negerep tol pul yidnak na wanigirik me, kijik kijak wuruwog-o!’ luk yak unduwa-o.

YOANES 16:24

Kir-e nanduk-net an nunu bem yi mende ndi mende mbi nggi yigit lak worali-o. Kit kenalen na iminep mbal maklug-e, nggi yer-o. Nde, nggi yogola-ge, wanugub-er-o” luk yij-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YOANES 17:13

Nde, yawo an-e kat keram lobok yekluk yusu-o. An-e nggweyak ma yu me we luru woralat-nen wene yusu yu-ge, an nalen-e it inndi arem kobong makluk-nen yusu-o.

YOANES 3:29

Kwe ap wanurak kwe iri-ge at wok uburak nap iri na ogwer-o. Nde, kwe iri wok uburak nap anggam mbi-ge an ene kolosolat at eram mendak worasolar-e, kwe wanurak nap iri na ene-ge alen min-et koloso-o. Nde, iri nggal-et an yawo na nalen kwarat kasu-o.

OROMA 15:13

Ap inndi ebem mbung mbung tak wolmomtak elem-e Mbal Pem Nagawan-nen yusu-o. Kit kinndi-ge at ebem angin tubu yidnak me, at-nen-e enalin enalen kagwi elem min lambuksa woragwi elem min kobong tak kunpuwag-o. Iri ala, Konak Indi amawi bem-e kit kwara Mbal Pem Nagawan ebem kinndi mbung mbung tak worabokluk kobong tak kunpuwag-o.

2 KORINTUS 1:24

Nit-nen-e: ”Kinndi angin tubu yili iri na, yu nggal, iri nggal” yak kundul pug-o. Kit kinndi angin tubu yidnak pem-net mondok tugup lak worali-o. Are, kit kenalin kenalen worabok-nen yongga kindili-o.

EPESUS 5:18

Anggut engen amburu ndonggosa nuruk, kinndi wawa yurak pug-o. Iri nunggupndig-e, ukwe ukwe rak onposo-nen yusu-o. Alat nde, kir-e Konak Indi nde kenarem kobong tak irit wolmer-o.

PILIPI 1:25

Iri-ge mondok nindi yebet kagirik me, nurug-et woramin-o luk naru yusu-o. Kit kinndi angin tubu yidnak pem kwara woragolat, kenalen kwarat kabokluk, kit pidsa kinmin woramin-o.

1 TESALONIKA 5:16

Pempa pempa kenalen nak kagolat wolmer-o.

1 PETERUS 1:8

Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.

1 YOANES 1:4

Nit nenalen-e iminep mbal maklug-e, engga yu kenmanggim mbatli-o.

2 YOANES 1:12

An-nen yak kundurak wene kwarat worasu-t nde, an-nen perasolar-e, engga bem nak mbarurag-e meya-o. Are, nebe-t lobok yimindik, nenalen pem-et yuwok-nen lambuksa wene yul-o luk perasu-o.