YOANES 14:9 - Nanduk Ngget Tul Pidnak Wene

⁹ Yosoloma-ge, Yesus-nen at yak tosolar-e: ”Pilipus wa-e. An-e pempa kit kinmin worasu-t nde, kar-e yenggerak neyasu bug-a? An neyali nap-nen-e an Neid iri kali-t nde, noluk-nen kat-nen-e: ’Kat Keid iri mirik ninpi-o’ luk yigen-o?

YOANES 14:9 ပူးပေါင်းရင်းမြစ်များ

NDAK WIRIDNAK WENE 26:9

Eneyarug-e, Abimelek-nen-e Isak iri na wene mbo buruk-nen yak tosolar-e: ”Kwe iri-ge kogwe-t yu-t nde, kar-e noluk-nen nowor-o yosolat woraigen-o?” luk yak tij-o. Yosoloma, Isak-nen onggo yosolar-e: ”An nindi-nen yebet kasolar-e, an-nen nde ’Nogwe-o’ yosola-ge, wanurak peraruk nuruwa-o luk-nen yigi-o” luk yak tij-o.

YEREMIA 2:23

Kar-e kwiye lag-et yosolar-e: ’An-e meya yoso bug-o.’ Iri-nen: ’Mbaal kugwi na langgal luk mboroso bug-o’ yusu iri-ge kar-e wi-t keyagi-o! Kat-nen mbirikmu ereba-nen kwaroso kebage iri yik ki-o. Kat-nen meya kwaroso ereba na kindi yebet karuk, ’Ndemerer-o’ pari-o! Kar-e unta kowak-nen kugut kundurug-e ndumuluk mbururak meya, waring tenak woraso iri na nggal-nen yusu-o.

MARAKUS 9:19

Yosoloma-ge, Yesus-nen it yak ondosolar-e: ”Kinndi angin tubu yugwi buk nap wa-e. Nunggwirik tarem nggal kinmin woramin-o? Nunggwirik tarem nggal kinmin momak puruk woramin-o? La iri-ge an neram waruk lobok yer-o” luk yak indij-o.

LUKAS 12:56

Kenesiget siget yugwi nap wa-e. O abage mbarugwi kenaru-t nde, noluk-nen kir-e o yawo worali abage yenggerak purag-e kenaru bug-o?” luk yij-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 10:30

An min Neid min-e misiget nak-nen yusu-o” luk yak indij-o.

YOANES 12:45

Nde, an neyasu nab-e, an wirik nibil lobok yidnak nab-et kasu-o.

YOANES 14:20

Iri tarem wok yosola-ge, an-e Neid arem woralat, kit na an narem woragolat, an na kit kenarem woralat yusu-o luk kenaru yugub-o.

YOANES 14:7

Nde, kit-nen nde an kenaru nggal-nen-e ndemeret an Neid na kenaru yeleb-o. Alat nde, yawo-nen perak at kenaru yogolat, kagolat yili-o” luk yij-o.

YOANES 8:19

Yosoloma-ge, it-nen at kin wok obogolar-e: ”Kat keij-e ngge me-o?” luk yogolikma-ge, Yesus-nen yosolar-e: ”Kit-nen-e an min an Neid min kenaru bug-o. Nde, kit-nen nde an kenaru nggal-nen-e an Neid na kenaru yeleb-o” luk yij-o.

1 KORINTUS 15:12

Nde, nit-nen yogolar-e: ”Kerisut iri-ge wat yidnak ennggendumu-nen uruk agaij-o” luk yili na-t nde, kit erep-nen-e ngge luk-nen: ”Wat yidnak nab-e unluk yugwi bug-o” luk yili-o?

PILIPI 2:6

Ar-e Mbal Pem Nagawan-et nde, ”An nebage Mbal Pem Nagawan imin ndak ndak woraso tena worayeg-o” luk peragir-e lag-o.

KOLOSE 1:15

Kerisut na-ge kagwi buk Mbal Pem Nagawan na abage-net yusu-o. Ndak worak pidnak tengge oboksa-ge teberak-nen yusu-o. Nde, at Ambara manggu iri perak nde mondok kek tak-nen yusu-o.

IBERANI 1:3

At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.