YOANES 14:6 - Nanduk Ngget Tul Pidnak Wene

⁶ Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 14:6 ပူးပေါင်းရင်းမြစ်များ

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:17

Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

YOANES 1:4

Wene iri-ge unlug-et wolmomtak elem-nen yusu-o. Nde, unlug-et wolmomtak elem iri-nen oboksa yaya rak inpij-o.

YOANES 10:28

An-nen-e unlug-et woralik nalik momtak elem wok undusu me, ir-e pem-et lak ma bug-o. Ap misiger-o luk tet-nen an ninggem-nen ming unpurak na meya-o.

YOANES 10:7

Iri ala, Yesus-nen tuguruk it yak ondosolar-e: ”An-e ndemeret yak kundusu-o. Lomba wam uru mende-ge an-net yusu-o.

YOANES 10:9

Tumende an-net yusu-o. An nebem nggwe ngguwa nab-e imiri yimin-o. Nde, imiri yidnak nap na-ge nggwilik mbitlik kwat tenak worasolar-e, nunggwi mende nasolat wolma-o.

YOANES 14:19

Siyag-et nak worarug-e, nggweyak ma nap-nen-e an niyujwa bug-et nde, kit-nen perak nde an neyagub-o. Nde, an-e nurug-et worasu me, kit na irit kunlug-et woragub-o.

YOANES 15:1

Yuruk, Yesus-nen yosolar-e: ”Ndemeret e elem-e an-net yusu-o. Nde, yabu ombo-ge an Neid-net yusu-o.

YOANES 18:37

Yosoloma-ge, Pilatus-nen at kin wok obosolar-e: ”Iri ala-ge, kar-e nagawan–nen yusu, lak?” yosoloma. Yesus-nen yosolar-e: ”Kat-nen yigen irir-o. Nde, an nggweyak ma yu me lobok yigirik, ndet yigi yu-ge, ndemeret wene-ge irir-o luk kenggereyekluk-net lobok yigi-o. Nde, ndemeret wene imin kundik nap-nen-e an-nen yidnak wene irit kulili-o” luk yij-o.

YOANES 5:21

Nde, an Neid-nen ap wat yidnak mendak unpuruk, unluk tak unpusu nggal, iri nggal-et Ambara an-nen na iri kwat enpeyek peraidnak nab-e unluk tak unpusu-o.

YOANES 6:33

Nde, Mbal Pem Nagawan-nen wok ondoso mburu iri-ge aid arem-nen mbuwarik, ki nap pidsa unluk yaga wok undusu nap iri-ge Mbal Pem Nagawan umburu-nen yusu-o” luk yak indij-o.

YOANES 6:51

An-e aid arem-nen mbuwaidnak unluk yaga wok ondoso mburu-nen yusu-o. Nde, ap-nen mburu yu nujwa nab-e unlug-et pem-et woralik nalik ma-o. Nde, ki nap pidsa unlug-et wolmaklug-e, wok indimin mburu iri-ge an nebe nde yigi-o” luk yij-o.

YOANES 6:57

Urug-et woraso Neid-nen nibil lobok yidnak me, an-e at ebem-et nurug-et worasu-o. Iri nggal, an nebe nasu nab-e an nebem-et urug-et wolma-o.

YOANES 6:68

Simon Peterus-nen at yak tosolar-e: ”Nagawan Indo wa-e. Ta eram nde mburul-o? Kat kene-ge unluk yaga wok ondoso-nen yusu-o.

YOANES 8:32

Kit-nen ndemeret wene kenaru yogola-ge, wene iri-nen-e wisirik kunpuwa-o” luk yak indij-o.

YOANES 8:51

An-e ndemeret yak kundusu-o. An-nen yidnak yidnag-et kwaruwa nab-e wat yigit lak, pem-et woralik nalik ma-o” luk yij-o.

YIDNAK YIDNAK WENE 3:15

Iri yogolar-e, Unluk Momtak Elem wirigep na-t nde, Mbal Pem Nagawan-nen wat yidnak nap ennggendumu-nen uruk tak pij-o. Uruk tak pidnak iri-ge nit nenlengen-nen kaige-o.

YIDNAK YIDNAK WENE 4:12

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

YIDNAK YIDNAK WENE 9:2

Yesus urula mburugwi nap, ap ala na, kwami ala na eneyasoluk, tenaga Yerusalem wok unpuruk mbereyeklug-e, Saulus na-nen nggi yosolar-e: ”Ndamsik wi-ge Yawuri nap-nen tepan yugwi ma woragwi-nen an kwarimin iri yenggerak puwakluk enmanggim engga mbal niri-o” luk tepan ombo nggulok na ebem nggi yij-o.

OROMA 15:16

Enlem nin nap ndegel unpuwakluk, Mbal Pem Nagawan-nen Kerisut Yesus ndegel oboso nap kwarak nibij-o. Nde, an-e tepan ombo nggal yosolar-e, enlem nin nab-e wam eyuruk Mbal Pem Nagawan amanggim pidnak nggal makluk, Mbal Pem Nagawan indingen kaso mende pidnak nggal Konak Indi-nen Mbal Pem Nagawan amanggim len inpidnak makluk, an-e Mbal Pem Nagawan-nen idnak aid wene ap yak indil nusu-o.

OROMA 5:2

Nit ninndi angin tubu yidnak pem nir-e Mbal Pem Nagawan-nen idnak we wok ondoso elem pem worali-o. ”Mbal Pem Nagawan unu kek tak pogola, at ondok yul-o” luk iri kwarurak pem ninndi mbung mbung tak woragolar-e, nenalen kali-o.

OROMA 5:21

Iri ala-ge, meya kwarugwi elem urugwe nggwe woragolar-e, wat yugwi nap woraige nggal, iri nggal-et we wok ondoso elem urugwe nggwe woragolar-e, lud tak nak nunpuruk, Nenagawan Indo Yesus Kerisut ebem-e nunlug-et woralik nalik momtak elem wok nundusu-o.

1 KORINTUS 15:45

Mbal Pem Nagawan engga mbarak pem-nen yosolar-e: ”Nanduk woraso nap Aram iri-ge uruk mende worak irit kwat yij-o.” Alat nde, woroksiyem Aram iri-ge ap unluk yaga wok ondoso Indi irit kwat yij-o.

EPESUS 2:18

Nde, Kerisut ebem-nen Yawuri nap na, enlem nin nap na nit oboksa-ge Konak Indi misiget iri na ebem Nineid Mbal Pem Nagawan eram panggo yil lobok yurag-e ob-o.

KOLOSE 2:17

Iri mende oboksa-ge abok-nen kwat ma mende iri na amorok nggal-nen yusu-o. Nde, ndemeret ebe-ge Kerisut-nen yusu-o.

KOLOSE 2:9

Nde, Mbal Pem Nagawan-et woraso oboksa-ge Kerisut nggweyak ma nap enpage worak iri na bem-et worasu-o.

KOLOSE 3:4

Nit nunluk worali yu-ge Kerisut-nen yusu-o. Nde, at nam yosolar-e, kit na at imin totno nam yogolar-e, at unu kek tak pidnak pem-et nam yugub-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

IBERANI 9:8

Iri kwarogolat woraidnak mende iri bem Konak Indi-nen mirik nonposolar-e, sum-nen wiridnak wi mondog-et nggugwi sa iri na worala-ge, O Mondok Marak iri me nggurak tu-ge awo kuwak yigit lak worasu-o luk nam-et nak mirik nunpusu-o.

1 PETERUS 1:21

At ebem nak-nen Mbal Pem Nagawan ebem kit kinndi angin tubu yili-o. Mbal Pem Nagawan-nen-e at iri na wat yidnak nap ennggendumu-nen uruk tak posolat, kek tak obosolat yij-o. Iri bem-e, Mbal Pem Nagawan ebem nak kinndi angin tubu yogolat, at ebem nak kinndi mbung mbung tak woragolat yili-o.

1 PETERUS 2:4

Iri bem-e, Nagawan Indo eram lobok yer-o. At iri-ge urug-et woraso kereb-et nde, ki nap-nen ebe lak mende nggal tak puruk mbo biga-t nde, Mbal Pem Nagawan-nen-e kerep iri na onggo nggok pugwi kerep tak uburuk, len ibij-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

1 YOANES 1:8

Nit-nen nde: ”Nit meya yugwi bug-o” luk yogolar-e, nenambikpebe nonmbol pem lali-o. Nde, ndemeret wene-ge nit nenarem-e mondok lag-o.

1 YOANES 2:23

Ta-nen nde: ”Ambara na naru bug-o” yusu nab-e Eid na wok ubusu bug-o. Nde, ta-nen nde: ”Ambara iri-ge naru-o” yusu nab-e Eid na wok ubusu-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

1 YOANES 5:6

Yesus Kerisut lobok yid iri-ge at yi ma purak yi min at wat momtak eyabi min imin lobok yij-o. Yi nak waruk lobok yigit lag-o. Are, yi min eyabi min-et waruk lobok yij-o. Konak Indi iri-ge lud tak nak yoso me, at-nen-e ”Wene yu-ge ndemerer-o” luk kunggurusu-o.

2 YOANES 1:9

Kerisut-nen mul indidnak wene iri na puksa tena woragit lak, are, Kerisut-nen mul indidnak keya buruk mburuwa nab-e Mbal Pem Nagawan imin kundik worasu bug-o. Alat nde, Kerisut-nen mul indidnak wene iri na puksa tena worasu nab-e Eid min Ambara min inmin kundik worasu-o.

NAM PARA WENE 19:11

Iri luk, an yik kaginggal-e, aid arem tu kuwak yosolar-e, kuda wam loro misik kagi-o. Nde, kuda wam iri ombolwak pem koreyak iri unu-ge Yidnak Yidnag-et Kwaroso, Lud tak Nak Kwaroso irir-o. At iri-nen ap enpem wene mbarosolat na, wim posolat na, mot mor-et kwaroso irir-o.

NAM PARA WENE 20:15

Nde, unluk nak wolmomtak engga arem unnu mbarigit lak nab-e kan mare arem mbo inpil nggwij-o.

NAM PARA WENE 22:1

Iri luk, aid nap iri na-net mirik nobosolar-e, unlug-et wolmomtak yi erengen miri papalo erare nggal igip kip worak irit mirik nibij-o. Nde, yi iri na urusu-ge Mbal Pem Nagawan min Lomba Wam Marik min-nen koreyak woragwi ondoro na arem-nen kenangga mborosolar-e,

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.

NAM PARA WENE 3:7

”Pilandelpia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge ndemeret marak nap iri-nen yusu wene-o. Nde, at iri-ge Ndaud-nen idnak tu imig worak pugwi tena woraso-o. Nde, at-nen nde tu kuwarak posoma-ge, ap misiger-o luk-nen lerak purag-e meya-o. Nde, at-nen tu lerak posoma-ge, ap misiger-o luk-nen kuwarurag-e meya-o.