YOANES 14:27 - Nanduk Ngget Tul Pidnak Wene

²⁷ Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

YOANES 14:27 ပူးပေါင်းရင်းမြစ်များ

NDAWI ENGGA 112:7

At indi-ge tugup lak Nagawan Indo ebem wat tak puruk woralar-e, meya wene kuluwa-t nde, kwiye lag-et wolma-o.

NDAWI ENGGA 27:1

Nagawan Indo iri-ge an neyaya min an nimiri yoso min-nen yusu-o. An-e ap kwiye kamin pug-o. Nagawan Indo iri-ge an kurak yoso nondoro pak-nen yusu-o. An-e mondok kwiye kamin pug-o.

NDAWI ENGGA 72:2

Iri yugunmu, at-nen kat kilirak enpem wene mbenarosolar-e, kat-nen pidnak ndak ndag-et enpem wene mbenarosolat wolmag-o. Nde, ap anggun panggun arem woragwi nap na mot mor-et kwat onposolat wolmag-o.

NDAWI ENGGA 72:7

At-nen mot mot kwaroso-ge at worala tarem-e nggok yosolat wolmag-o. Waneya worala tarem-e at-nen tenagidnak wi-ge yi mende ndi mende bem-e liring liring mborosolat wolmag-o.

NDAWI ENGGA 91:5

Iri ala-ge, kar-e lak tak kubuwakluk kubu kebem mbud yosolat, lengge mimo kebem mbud yogolat,

NGGOMO WENE 3:25

Lak tak onposo mende-ge wijakni nggal mimo meya yugwi nap enpem mbud yoso ereba na ”Nebem mbuma-o” luk kat-nen kwiye yurag-e lag-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

YESAYA 54:13

Kat kilirak oboksa Nagawan Indo an-nen mul indimin-o. Ir-e ukwe mende bem-e mondok ndak enalen pem irit wolma-o.

YESAYA 55:12

Kir-e kenalin kenalen pem-et Mbabel uwi keya buruk, iri me-nen lesa wok kunpuruk mborogola-ge, kenalen min-et mburugub-o. Ndobo min ndobo amun min-e enalen-nen enne lek kagolat, e yapmu woraso oboksa-nen ininggimok lel kagolat kwaruwa-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YEREMIA 1:8

An-e kat nggetlel kuburuk woramin me, kar-e it enaye yurak pug-o. An-e Nagawan Indo-net kimin wene yusu-o” luk yij-o.

YESKIEL 2:6

Alat nde, nggweyakma nap, lak yoso wa-e. Kar-e it eneyanggo lak iri enaye kasolat, it-nen yak kuruwa wene iri na kwiye yosolat kwarurak pug-o. It-nen-e kat kimin wim mbarogola, enlengenma nggal tak kobogola-ge, kar-e kigaru eyak worak enggendumu woraidnak nggal-et woragun-o. Alat nde, wene eyak wurugwi ereba-ge kar-e enaye yurak pug-o.

NDANIEL 4:1

Yi nap ndi nap oboksa ap enne lombok min enlem lombok min yi wi ndi wi woragwi enmanggim Nebukatnesat-nen oboksa enaru rak pid wene-ge yu-o ”Naptak, wiwa-o!

NDANIEL 6:25

Iri rak puruk, Ndaniel ebem ennesiget wene piga nap ereba na-ge nagawan-nen: ”Tena unpurag-o” yamu, tena unpuruk, it min onkwerak min inlirak inmin-et lambuksa singa ndakngge emndam mbunmu mberak inpil mbiga-o. Mberak onpogola-ge, awo nggweyakma mbigit lak ma teram nak-nen singa ereba na-nen onowak min yigisa lak tak inpij-o.

WONARIDNAK WENE 6:26

Nagawan Indo-nen kenabuwa karuk, yamuksa wolmomtak wok kunduwag-o.

MATIUS 10:26

”Iri bem-e, ki nap enaye kudtak pug-o. Lumurak worasu mende oboksa-ge nam tak puwa-o. Nde, kura woraso oboksa na nam tak puwa-o.

LUKAS 1:79

Lobok yid iri-ge, ndamuk arem woragolat, kwiye kali na lesa ninmiri yurak tulabiyem nenpeyekluk-nen lobok yij-o” luk yij-o.

LUKAS 10:5

Nde, o misik nde ngguwoklug-e, nandug-e yu nggal yugub-o: ’Yamuksa woragwi indi-ge kit kinmin wolmag-o’ luk yurag-o.

LUKAS 12:4

Yuruk, Yesus-nen yosolar-e: ”Nanggamirak wa-e. Wene yu yak kendeyeg-o. Kir-e we kenaboro iri wutluk ombol nggwe siyak kwat kunpurag-e lak iri enaye kudtak pug-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

YOANES 14:1

Yuruk, Yesus-nen yosolar-e: ”Kit kinndi kabak yili-ge meyog-o. Kinndi-ge Mbal Pem Nagawan ebem angin tubu yogolar-e, an nebem na kinndi angin tubu yer-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YOANES 20:19

Hari Minggu iri na bem-et kubu nggwe-ge Yawuri nap enaye-nen Yesus owosirak na-ge tumende pidsa imig worak puruk, ndok worak woraiga-o. Worakmu-ge, Yesus na lobok yarik, mimo it ennggendumu mendak worasolat-nen yak ondosolar-e: ”Nowosirag-o. Kinndi-ge yek tag-et wolmer-o” luk yij-o.

YOANES 20:21

Yogolikma-ge, Yesus-nen tuguruk it yak ondosolar-e: ”Nowosirag-o. Kinndi yek tag-et wolmer-o. Neid-nen an wirik nibil lobok yid nggal-et, an-nen na kit wirik kunpusu-o” luk yij-o.

YOANES 20:26

Yosoloma-ge, tuju nene luk, Yesus owosirag-e tuguruk o iri na me-t ndok worak woragolar-e, Tomas na-ge inmin-et woraiga-o. Tumende na pidsa imig worak piga-t nde, Yesus na lobok yarik, it ennggendumu mendak-nen yosolar-e: ”Nowosirag-o. Kinndi yek tag-et wolmer-o” luk yij-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

YIDNAK YIDNAK WENE 18:9

Misik tarem kubu nggwe-ge Nagawan Indo-nen nabi nggwe nggal Paulus yak tosolar-e: ”Kwiye lag-et Mbal Pem Nagawan-nen yidnak wene-ge yak ondosolat nak wolmin-o. Larok yurak pug-o.

OROMA 1:7

Iri bem-nen an-e Mbal Pem Nagawan-nen kenabuwa worak nap at ilirak len kinpidnak nap tobok-nen yonggo kinpidnak nap kit Oroma woragwi pidsa kenmanggim engga yu mbarusu-o. Nineid Mbal Pem Nagawan min Nagawan Indo Yesus Kerisut min-nen we wok ondoso elem min yamuksa woragwi elem min kinmin wolmag-o.

OROMA 15:13

Ap inndi ebem mbung mbung tak wolmomtak elem-e Mbal Pem Nagawan-nen yusu-o. Kit kinndi-ge at ebem angin tubu yidnak me, at-nen-e enalin enalen kagwi elem min lambuksa woragwi elem min kobong tak kunpuwag-o. Iri ala, Konak Indi amawi bem-e kit kwara Mbal Pem Nagawan ebem kinndi mbung mbung tak worabokluk kobong tak kunpuwag-o.

OROMA 5:1

Iri bem-e, nit ninndi angin tubu yidnak pem lud tak nak ninpidnak me, Nenagawan Indo Yesus Kerisut ebem nir-e Mbal Pem Nagawan imin lambuk tak ninpidnak worali-o.

OROMA 5:10

Nir-e Mbal Pem Nagawan imin wim mbarak woraige-t nde, at Ambara wat yid na bem-nen nir-e Mbal Pem Nagawan imin lambuk yige iri-ge ija-t nde, Mbal Pem Nagawan imin kundik nunpuruk, Yesus uruk woraso bem nit ninmiri yuwa iri perak nde ija lombog-o.

OROMA 8:6

Ki nap-nen kwarugwi mende-t yebet kali iri-ge wat yugwi-nen yusu-o. Nde, Konak Indi-nen kwaroso mende-t yebet kali iri-ge unlug-et woragwi elem min yamuksa woragwi elem min-nen yusu-o.

1 KORINTUS 1:3

Nineid Mbal Pem Nagawan min Nagawan Indo Yesus Kerisut min-nen we wok ondoso elem min yamuksa woragwi elem min kenpem wolmag-o.

NGGALATIA 1:3

Nineid Mbal Pem Nagawan min Nagawan Indo Yesus Kerisut min-nen we wok ondoso elem min lambuksa woragwi elem min kinmin wolmag-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

NGGALATIA 6:16

Nde, ”Iri nggal kwaru-o” yidnak wene yu-nen yidnak yidnak kwatli nap iri na enpem-e lambuksa woragwi elem min unpud kaso elem min-e it enpem mbuwag-o. It enpem na, Mbal Pem Nagawan arengge Isarael nap pidsa enpem na mbuwag-o!

PILIPI 4:7

Iri kwarugup ala-ge, ki nap inndi nggat nggat iri-ge teberag-o. Nde, Mbal Pem Nagawan-nen idnak lambuksa woragwi elem terak minik iri-nen Kerisut Yesus ebem-nen kit kinndi min yebet kagwi min-e parugu wolma-o.

KOLOSE 1:2

Kolose woragwi nap, Kerisut ebem kinndi angin tubu yidnak marak woragwi nap kenmanggim engga yu mbatli-o. Nineid Mbal Pem Nagawan-nen we wok ondoso elem min lambuksa woragwi elem min kinmin wolmag-o.

KOLOSE 1:20

Iri ala-ge, Mbal Pem Nagawan indi-nen yi mende ndi mende oboksa-ge at ondomok imin lambuk tak posolar-e, at Ambara na ebem-nen lambuk tak pij-o. At Ambara-ge e lang pang tak pem wat yid iri bem-et Mbal Pem Nagawan-nen lambuk tak posolar-e, nggweyak ma woraso mende oboksa nde mbal pem woraso mende oboksa nde at ondomok imin lambuk tak pij-o.

KOLOSE 3:15

Kerisut-nen idnak yamuksa woragwi elem-e kit kinndi arem ombo luk wolmag-o. Iri yurak pem-nen ebe misiget kwat yobokluk Mbal Pem Nagawan-nen wene mbo kinpij-o. Nde at ”Wiwa-o” yak togolat wolmer-o.

2 TESALONIKA 1:2

Nineid Mbal Pem Nagawan min Nagawan Indo Yesus Kerisut min-nen-e we wok ondoso elem min yamuksa woragwi elem min wok kunduwag-o.

2 TESALONIKA 3:16

Nit lambuk tak nonposo elem Nagawan Indo at-nen-e pempa yi mende ndi mende bem-e lambuksa woragwi elem wok kondosolat wolmag-o. Nagawan Indo-ge kit pidsa kinmin wolmag-o.

2 TIMOTIUS 1:7

Nde, Mbal Pem Nagawan-nen-e kwiye yurak indi wok nundusu-ge lag-o. Are, Konak Indi-nen-e nenmawi rak posolat, ap enabuwa kagwi rak nonposolat, nondomok mamak puruk wolmomtak elem wok nondosolat, yusu-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

IBERANI 7:2

Nde, Abaram-nen Melkisendek wok tosolar-e, at arengge pidsa enggep lombok wonasa sepulu sepulu rak puruk, karetkwe-nen yidnak ndok wosa Melkisendek wok tij-o. Melkisendeg-o nanduk nandug-er-e: ”Lud tak nak yoso Nagawan-o” luk yogolar-o. Nde, iri-nen ar-e o Salem iri me nagawan ala karuk, at unu misig-e: ”Ap Lambuk tak Onposo Nagawan-o” luk yogolar-o.

NAM PARA WENE 1:4

Nanggamirak lambuk tak kinpidnak nap o tuju Asia wi worali nap kenpem-e: Nanduk na woraso, yawo na worasu, abok na wolma Mbal Pem Nagawan min at koreyak woraso urugwe nggwe woragwi indi tuju min mot mot nak konggoroso nap, Ambara manggu nderak iri-ge wat yidnak nap ennggendumu-nen uruk tak pid nap nggweyak ma yu me nagawan nagawan teberak unpuruk, nagawan amawi worak kek yidnak Yesus Kerisut min-nen idnak we wok ondoso elem min lambuksa woragwi elem min-e nanggamirak wok kunduwag-o luk an Yoanes-nen perasu-o. Yesus-nen nit nenabuwa karuk, at wat yosolar-e, nit meya yidnak inggem-nen wisirik nunpuruk,

NAM PARA WENE 2:10

Kit andi bandi rak kunpurak yanem-et kenpem mbuma mende iri-ge kir-e kwiye kudtak pug-o. Kenaru wolmer-o. Kinndi ngaruwakluk, kit kennggendumu ap ereb-e Sere-nen o kubu me kinpil ngguwa-o. Kinpil ngguwama, andi bandi kagolat sepulu tarem woragub-o. Nde, kinndi angin tubu yigep na-ge keya bigit lak, tena iri-net wat yurag-o. Iri yugup pem-e kit-nen ombol nggwe yugup onggo-ge kunlug-et wolmomtak wirik wok kindimin-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.