YOANES 14:26 - Nanduk Ngget Tul Pidnak Wene

²⁶ Alat nde, Yongga Kundurak Nap iri-ge an nunu bem an Neid-nen wirik ibil lobok yuwa Konak Indi na-nen-e yi mende ndi mende pidsa mirik konposolat, an-nen yak kindidnak wene pidsa yeberak konposolat ma-o.

YOANES 14:26 ပူးပေါင်းရင်းမြစ်များ

NDAWI ENGGA 51:11

Kat keram-nen an-e mbo nuburak pug-o. Kat kindi marak iri na-ge an narem-nen waburak pug-o.

YESAYA 54:13

Kat kilirak oboksa Nagawan Indo an-nen mul indimin-o. Ir-e ukwe mende bem-e mondok ndak enalen pem irit wolma-o.

YESAYA 63:10

it-nen-e Nagawan Indo imin wim mbarogolat, indi abi kalak pogolat woraiga-o. Iri yogola-ge, ar-e it inmin sirid nap kwat yosolar-e, it inmin wim mbarosolat woragij-o.

MATIUS 1:18

Yesus Kerisut ndet yidnak wene-ge yu nggal-o. Ija Maria na-ge Yusup-nen abi posolat woragaij-et nde, ir-e lambuk yigit lak ma-net Konak Indi amawi bem-nen abila yij-o.

MATIUS 1:20

Wene iri na ngge kwarimin? luk indi konosoma-ge, Nagawan Indo-nen idnak aid nap misig-e nabi nggwe at eram nam luk-nen yosolar-e: ”Ndaud ambara Yusup wa-e. Maria iri-ge kat-nen wanurak kwiye kasu-ge meyog-o. Abila iri-ge Konak Indi-nen arem tak pamu-o.

MATIUS 28:19

Iri bem-e, kit mburugupndig-e, ap enlem oboksa-ge an nowosirak tak unpuruk, yi mat onpogolar-e, Eid unu bem, Ambara unu bem, Konak Indi unu bem yi mat unpuruk,

MATIUS 3:11

Kit meya yidnak keya buruk, kondok yili iri bem-net an-nen yi ma kunpusu-t nde, an nimbirik lobok yuwa nap-nen perak nde Konak Indi bem kanduk pem yi ma kunpuwa-o. At iri-ge an nggal-e lag-o. Amawi worak terak minik me, an nggal-nen at ijok sum na waruk nurak tet meya-o.

MARAKUS 12:36

Ndaud at na Konak Indi-nen yak tosola, Ndaud-nen yosolar-e: ’Nagawan Indo-nen an-nen idnak Nagawan Indo yak tosolar-e: An ninggi kigit nggwe koreyak irit worasoma, kat kuwim nab-e an-nen kat kuwok unggutmu teberak inpimin-o luk yak tij-o.’

MARAKUS 13:11

Nde, it-nen tena kunpuruk, ap enpem wene mbarugwi sa lit kunpuruk mborogola-ge, ’An-e no yimin-o?’ luk kunmud kudtak pug-o. Kat-nen yurak tarem wok yosola-ge, ereya-net kemendam tak pidnak irit yurag-o. Nde, kat-nen yugun iri na-ge kat-nen-e lag-o. Are, Konak Indi-nen kemendam tak pidnak wene-nen yusu-o.

LUKAS 1:15

Nagawan Indo-nen la na yik kasolar-e, ap nggulok irit ma-o. At iri-ge anggut engen amburu min inndi nden kaso yi erep min mondok nujwa bug-o. At iri ndesa mbosola-net Konak Indi-nen arem kobong yidnak irit wolma-o.

LUKAS 1:35

Yosoloma-ge, aid nap-nen wene erep nggarosolar-e: ”Konak Indi-ge kat kebem lobok yosolar-e, Mbal Pem Nagawan amawi-ge kat kebem mbuma-o. Iri bem-e la ndakun iri imin-e: ’Mbal Pem Nagawan Ambara len ibidnak-nen yusu-o’ luk yuwa-o.

LUKAS 1:41

Nde, Elisabet na Maria-nen wa yak tosola kolosola-ge, at arem la iri na-ge yunuk wanuk mbij-o. Alama-ge, Elisabet na arem Konak Indi-ge kobong yosolat-nen

LUKAS 1:67

Iri lug-e, la iri eid Sakaria na-ge Konak Indi ebem mbuwasolar-e, at-nen Mbal Pem Nagawan-nen yidnak wene yosolar-e:

LUKAS 11:13

Nde, kir-e meya yugwi nab-et nde, konak mende-t kinlirak wok undugwi irir-o. Iri ala-ge, Nineid aid arem woraso-nen-e at eram Konak Indi nggi yuwa nab-e mondok wog-et unduwa-o” luk yij-o.

LUKAS 2:25

Nde, iri tarem-e ap misik unu-ge Simeon iri-ge Yerusalem woragaij-o. At iri-ge Mbal Pem Nagawan indi aye worak konak nap woralar-e. Mbal Pem Nagawan-nen Isarael nap inmiri yurak iri na yik karok woralar-e, Konak Indi at imin irit woragaij-o.

LUKAS 24:49

Nde, an Neid-nen urul pidnak na-ge an-nen kendam pil lobok yimin-o. Alat nde, Mbal Pem Nagawan-nen idnak amawi-ge kin kenpem mbumakluk, o siri yu me-t towarak wolmer-o” luk yak indij-o.

LUKAS 3:22

Konak Indi-ge towe nggwende nggal luk, at ebem mbuwagaij-o. Nde, aid arem-nen ene pil mbuwasolar-e: ”Kar-e an nambara nindi kundik-nen yusu-o. Kar-e an nindi alen tak pusu-o” luk yij-o.

YOANES 1:33

Iri tarem-e an-e at kabag-et woragi-t nde, we yi bem yi ma unpuwakluk wirik nibidnak nap Mbal Pem Nagawan-nen yak norosolar-e: ’Konak Indi-ge mbumarik, ebem pak yosola kagun nap iri-nen Konak Indi bem ap yi ma unpuwa nab-e irir-o’ luk yak nirij-o.

YOANES 12:16

Nde, iri kwat ibidnak tarem-e Yesus owosirak na-nen inndi yebet kagit lak woraiga-t nde, Yesus na uruk luk unu kek tak posoloma-ge, at imin yidnak engga wene na yebet karuk, ap-nen iri nggal kwat ibidnak nde yebet kaiga-o.

YOANES 14:16

Nde, an-nen Neid nggi yak tumu-ge, kit kinmin pem-et woralik nalik makluk, Yongga Kundurak Nap mbi wok kunduwa-o.

YOANES 14:25

Wene yu-ge an-e kit kinmin worasolat tarem ya-net yak kundusu-o.

YOANES 15:26

Nde, an Neid eram-nen Yongga Kundurak Nap na ibil mbuwamin-o. At iri-ge Konak Indi ndemeret Mbal Pem Nagawan Mirik Konposo irir-o. Nde, at lobok yuwarig-e, at-nen an nowene kenggel kondosolat wolma-o.

YOANES 16:7

Alat nde, an-e ndemeret yak kundusu-o. An mbirimin iri-ge, kit konak tak kunpurak pem mbirimin-o. An mbirigit lak yimin nggal-e, Yongga Kundurak Nap na-ge kit kendam lobok yuwa bug-o. Alat nde, an mbirimin iri-nen at na-ge kit kendam wirik ibil mbuwamin-o.

YOANES 2:22

Nde, at na wat luk, uruk yosoloma karuk, at owosirak-nen-e ”Ondolma worosolar-e, mberen-et nak nene yimin-o” luk yid na-ge yebet kaiga-o. Yebet karuk, Mbal Pem Nagawan engga bem-nen mbaridnak na min Yesus-nen yidnak wene min ebem inndi angin tubu yiga-o.

YOANES 20:22

Iri yurug-e, emende pu it enpem posolat-nen yosolar-e: ”Konak Indi waner-o.

YOANES 6:45

Mbal Pem Nagawan ene lomboksa yugwi nap-nen engga bem mbarogolar-e: ’Ap pidsa-ge Mbal Pem Nagawan-nen mul unduwa-o’ luk mbaridnak me, an Neid-nen yidnak wene kuluruk, at-nen mirik ibidnak wene wanusu nab-e an neram lobok yusu-o.

YOANES 7:39

(Yesus-nen wene iri yid iri-ge at ebem inndi angin tubu yidnak nap-nen Konak Indi wanurak pem-nen yij-o. Nde, Yesus na awo kek tak ibigit lak worala me, Konak Indi na awo ap enpem mbuwagit lak ma-nen yij-o.)

YIDNAK YIDNAK WENE 1:2

at lagit lak ma-nen at-nen yidnak yidnak oboksa mbatluk, Konak Indi bem-nen at-nen lenak unpuruk wirik inpidnak nap na wene yak indij-o.

YIDNAK YIDNAK WENE 1:4

It inmin woralat-nen it yak ondosolar-e: ”Yerusalem yu me-ge keya buruk mbururak puk na-e. Are, Neid-nen obok yak kindidnak iri-ge towarak wolmer-o. Iri yidnak wene-ge an-nen yak kondosolat woragi nar-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 11:16

Mbuwasoloma-ge, Nagawan Indo-nen yosolar-e: ’Yoanes-nen-e we yi bem ap yi ma inpij-et nde, kir-e Konak Indi bem-nen yi ma kunpuwa-o’ luk yidnak wene iri na nindi yebet kagi-o.

YIDNAK YIDNAK WENE 13:2

Misik tarem ir-e mburu ninggit lak woragolat-nen Nagawan Indo nak erembel wanogolat worakmu-ge, Konak Indi-nen yak ondosolar-e: ”Mbaranabas min Saulus min iri-ge an neyabu wanuwakluk yonggo inpigirik me, an namanggim lenak enper-o” luk yak indij-o.

YIDNAK YIDNAK WENE 13:4

Iri bem-e, Konak Indi-nen wirik inpidnak me, Mbaranabas min Saulus min-e o Selukia mbigarik, iri me-nen e koma arem ngguruk, Siperus mbiriga-o.

YIDNAK YIDNAK WENE 15:28

Konak Indi-nen na irit, nit-nen na irit peragolar-e, mondok kwarurak mende yu worala, nit-nen-e angin worak mende kenpem pul-o luk.

YIDNAK YIDNAK WENE 15:8

Nde, ap enarem yenggerag-et kaso Mbal Pem Nagawan-nen at indi-n puruk it wok onposolar-e, Konak Indi-ge nit wok nindid na nggal-et it na wok indij-o.

YIDNAK YIDNAK WENE 16:6

Nde, Konak Indi-nen-e: ”Asia nggweyak pem aid wene yurak pug-o” luk yak ondosoloma-ge, it na-ge o Perigia min Nggalatia min waring kaiga-o.

YIDNAK YIDNAK WENE 2:33

Iri bem-e, Yesus na Mbal Pem Nagawan inggi kigit nggwe-nen kek tak puruk, Eid-nen obok yak tidnak Konak Indi-ge at wok turuk, tak purug-e, at-nen nit nenpem nggilara pil mbuwasola-ge, kit-nen kagolat, kologolat kwatli yur-o.

YIDNAK YIDNAK WENE 2:4

Pak yosola-ge, Konak Indi-nen it pidsa kobong tak onposola, Konak Indi-nen wene yaga wok ondosola-ge, ir-e nin wene nan wene bem yogolat woraiga-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 20:35

Nde, namawi min-et yabu wanosolat woragi iri-ge nir-e yabu iri nggal wanogolat-nen ap ndeyak mondok yongga undurag-o luk mirik kinpigi-o. Nde, Yesus at ondomok-nen yosolar-e: ’Wanugwi iri-ge marig-et nde, ap wok undugwi iri-ge mondok imbiringgat-nen yusu-o’ luk yidnak iri-ge iri kwarogolat-nen yeberak wulmul-o” luk yak indij-o.

YIDNAK YIDNAK WENE 28:25

Woragolar-e, it inndi arik tak kuri wat luk, ndi yuwokluk yukmu-ge, Paulus-nen wene misik yu yak ondosolar-e: ”Konak Indi-nen-e Mbal Pem Nagawan ene lomboksa yoso nap Yesaya emendam nggwe-nen kit kenlawingga ndemeret wene yak ondosolar-e:

YIDNAK YIDNAK WENE 5:3

Posola-ge, Peterus-nen yosolar-e: ”Ananias wa-e. Noluk-nen kar-e Sere karem yebet yosola, Konak Indi min yubul posolat nggweyak onggo pidnak tol ereb-e kat menggesa yimndigen-o?

YIDNAK YIDNAK WENE 7:51

Kit kinndi tulubuk nap wa-e. Kinndi ambasap wabigit lak, keneyanggo al wabugwi buk nap kir-e noluk-nen Konak Indi ene-ge pempa kuligit lak nak yili-o? Kit kenlawingga-nen kwarogolat woraiga na nggal-et kit na iri nggal-et kwatli-o.

YIDNAK YIDNAK WENE 7:55

Alat nde, Sepanus na-ge Konak Indi-nen arem kobong tak woralat-nen-e erengen aid arem lik kagaidnggal-e, Mbal Pem Nagawan abinal karug-e, Yesus na-ge Mbal Pem Nagawan inggi kigit nggwe mendak worala karuk,

OROMA 14:17

Nde, Mbal Pem Nagawan-nen tenagaidnak wi-ge nunggwi mende min yi min erep kundig-e lag-o. Are, Konak Indi-nen wok ondoso luk tak nak kwarugwi elem min yamuksa woragwi elem min enalin enalen kagwi min erep kundik-nen yusu-o.

OROMA 15:13

Ap inndi ebem mbung mbung tak wolmomtak elem-e Mbal Pem Nagawan-nen yusu-o. Kit kinndi-ge at ebem angin tubu yidnak me, at-nen-e enalin enalen kagwi elem min lambuksa woragwi elem min kobong tak kunpuwag-o. Iri ala, Konak Indi amawi bem-e kit kwara Mbal Pem Nagawan ebem kinndi mbung mbung tak worabokluk kobong tak kunpuwag-o.

OROMA 15:16

Enlem nin nap ndegel unpuwakluk, Mbal Pem Nagawan-nen Kerisut Yesus ndegel oboso nap kwarak nibij-o. Nde, an-e tepan ombo nggal yosolar-e, enlem nin nab-e wam eyuruk Mbal Pem Nagawan amanggim pidnak nggal makluk, Mbal Pem Nagawan indingen kaso mende pidnak nggal Konak Indi-nen Mbal Pem Nagawan amanggim len inpidnak makluk, an-e Mbal Pem Nagawan-nen idnak aid wene ap yak indil nusu-o.

OROMA 5:5

Mbal Pem Nagawan-nen Konak Indi wok nindid iri na bem-nen enabuwa kaso elem nggilara nit nenarem yebet tak pidnak me, ninndi ebem mbung mbung tak woragwi iri na wolma me, ninndi nggwirik yul pug-o.

1 KORINTUS 12:3

Iri bem-e, an-nen wene yu-ge kwara kenaru rak peyeg-o. Konak Indi arem woraso nap-nen-e ap misiger-o luk tet-nen yosolar-e: ”Yesus iri-ge imbiri lamut mag-o!” luk yoso bug-o. Nde, ap misiger-o luk tet-nen yosolar-e: ”Yesus iri-ge Nagawan Indo-nen yusu-o” luk yoso iri-ge Konak Indi arem worasu iri bem nak-nen yoso-o.

1 KORINTUS 6:19

Kit kenpe-ge Mbal Pem Nagawan-nen wok kindidnak Konak Indi kenarem worasu iri uwi na-ge kenaru bug-a? Kit kenpe iri-ge kenambik kenarengge-nen yusu-ge lag-o.

2 KORINTUS 6:6

Nit-nen kwarugwi-ge yu nggal-o: Ninndi mbek tak pem na, nenaru yidnak pem na, ninndi mamak puruk woragwi bem na, ninndi lubug-et kwarugwi bem na, Konak Indi nit nenarem worasu bem na, ndemeret ap enabuwa kagwi bem na,

EPESUS 1:13

Nde, at ebem-nen kit na iri nggal-et kwat kinpij-o. Kir-e ndemeret wene kinmiri yurak aid wene iri na kuluruk yigepndig-e, Kerisut ebem kinndi angin tubu yigeb-o. Iri lug-e, ”It yu-ge an nilirak-nen yili-o” luk yenggerak kunpuwaklug-e, Mbal Pem Nagawan-nen-e urul pidnak Kona Indi na kenpem pij-o.

EPESUS 1:17

”Konak Indi wok indi-o” luk Nenagawan Indo Yesus Kerisut Eid unu kek tak woraso Mbal Pem Nagawan na emengen mbaroso iri-ge, Konak Indi iri-nen-e kinndi nggat nggat elem wok kondosolat, Mbal Pem Nagawan kenaru yoboknen nam yaga mirik konposolat ma-o.

EPESUS 4:30

Nde, Mbal Pem Nagawan-nen idnak Konak Indi iri-ge indi puru rak purak pug-o. Mbal Pem Nagawan-nen-e ”At ilirak-nen yili-o” luk, yenggerak kunpuwakluk, Konak Indi kenpem posolat, ”Kit kinmiri yurak tarem-e ndemeret wok ma-o” luk Konak Indi ebem-nen urul yak kondosolat yij-o.

1 TESALONIKA 4:8

Iri bem-e, wene yu keya busu nab-e ki nap-nen yidnak wene keya busu-ge lag-o. Are, at Konak Indi wok kondoso Mbal Pem Nagawan irit keya ubusu-o.

2 TIMOTIUS 1:14

Nit nenarem worasu Konak Indi amawi bem-nen kat kebem pidnak konak mende iri-ge kwara parugu wolmin-o.

TITUS 3:5

ninmiri yij-o. Nde, nit-nen lud tak nak kwaridnak pem ninmiri yij-e lag-e. Alat nde, at ondomok-net nunpud karuk, ninmiri yij-o. Iri yid iri-ge Konak Indi na-nen nit mat nonposolar-e, tuguruk ndet nonposolat, nit nenpage ngget wok nondosolat yij-o.

IBERANI 10:15

Iri wene-ge Konak Indi-nen na kenggera yak nundusu-o. Nandug-et at-nen yosolar-e:

IBERANI 2:4

Iri kwarogola ereya na-net it-nen kinggiridnak wene lomboksa Mbal Pem Nagawan-nen na kenggera yak nondosolar-e, yenggerak purak mende kwatlik, kwiye worak mende kwatlik, kagwi buk mende kwarat kwatlik kwarosolar-e, at indi-n pidnak pem-net Konak Indi-nen we wok ondoso mende na tembesa wok ondoso-o.

IBERANI 3:7

Iri bem-e Konak Indi-nen yosolar-e: ”Kir-e yawo nde Mbal Pem Nagawan ene kulurug-e,

IBERANI 9:8

Iri kwarogolat woraidnak mende iri bem Konak Indi-nen mirik nonposolar-e, sum-nen wiridnak wi mondog-et nggugwi sa iri na worala-ge, O Mondok Marak iri me nggurak tu-ge awo kuwak yigit lak worasu-o luk nam-et nak mirik nunpusu-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.

2 PETERUS 1:21

Nde, Mbal Pem Nagawan engga bem abok-nen kwat momtak urul paga pidnak wene iri-ge ap inndi-n pidnak pem-e mondok mbarigir-e lag-o. Are, Konak Indi nak-nen mul ondosola, ab-e Mbal Pem Nagawan-nen yidnak wene ap yak undugwi-o.

1 YOANES 2:20

Alat nde, Kerisut-nen Konak Indi-ge kit kenpem kilidnak me, kit pidsa kenaru yili-o.

1 YOANES 2:27

Alat nde, kit perak nde, Kerisut-nen Konak Indi-ge kit kenpem nggilara pil mbuwagaij-o. Nde, Konak Indi-ge kit kenarem woralar-e, yi mende ndi mende pidsa mul kundusu me, ap-nen mul kundurag-e meya-o. Nde, Konak Indi-nen mul kundusu wene-ge enesiget wene-ge lag-o. Ndemeret wene nak mul kundusu-o. Iri bem-e, kit-nen-e Konak Indi-nen yidnak yidnak nak kwarogolat, Kerisut imin kundik irit wolmer-o.

1 YOANES 5:7

Iri bem-e wene yu-ge kenan yu-nen kunggurusu-o.

YURAS 1:20

Alat nde, nanggamirak kenabuwa worak wa-e. Kit perak nde, kit na kit-net kinndi angin tubu yigep mondok marak wene iri na bem-et mendak woragolar-e, Konak Indi amawi bem-et tepan yogolat wolmer-o.

NAM PARA WENE 2:11

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, mberen pem tak posolat wat momtak elem iri-nen-e andi bandi rak unpuwa bug-o.”