YOANES 14:24 - Nanduk Ngget Tul Pidnak Wene

²⁴ Nde, an nabuwa kaso buk nap-nen-e an-nen yidnak yidnak kwaroso bug-o. Nde, wene yu yak kindigi yu-ge an-nen yidnak wene-ge lag-o. Are, an wirik nibil lobok yidnak nap Neid iri-nen yidnak wene-nen yusu-o.

YOANES 14:24 ပူးပေါင်းရင်းမြစ်များ

MATIUS 19:21

Yosoloma-ge, Yesus-nen at yak tosolar-e: ”Kar-e iminep mbarak wolmomtak kindingen ala-ge, mburugundik, kisilobulo pidsa onggo waga uwang ndok wurugun iri-ge insilobulo lak nap tembesa wok undugunmu-ge, lobok yugundik, an nimin ni-o. Iri yugundik pem-e aid arem-nen karengge mondok kwarat winde yugun-o” luk yak tij-o.

YOANES 14:10

An-e Neid arem woralat, nde, Neid na an narem woralat yusu iri-ge kar-e kindi angin tubu yusu bug-a? An-nen yak kundusu wene-ge an nindi-n pidnag-et yak kundusu bug-o. Are, an Neij-e an narem worasu iri-net ereba pidsa-ge kwarusu-o.

YOANES 14:15

Yurug-e, ”Kit-nen nde an nabuwa kagolar-e, an-nen yidnak yidnak nak kwarogolat wolmer-o.

YOANES 14:25

Wene yu-ge an-e kit kinmin worasolat tarem ya-net yak kundusu-o.

YOANES 3:11

An-e ndemeret yak kurusu-o. Nit-nen-e nit nenaru iri na-t yak kondogolat, nenlengen-nen kaidnak iri na-t mirik konpogolat yili-t nde, nit-nen yidnak wene-ge kit-nen wanurak kinsili yili-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YOANES 5:19

Iri ala, Yesus-nen ap ereba na yak ondosolar-e: ”An-e ndemeret yak kundusu-o. At Ambara an-nen-e nambik nindi-n pidnak kwarusu bug-o. Are, an Neid-nen kwarosola kaidnak iri na-t an-nen na kwarusu-o. Nde, an Neid-nen kwaroso mende iri na-t Ambara an-nen na kwarusu-o.

YOANES 5:38

at-nen wirik nibil lobok yidnak nap an nebem kinndi angin tubu yigit lak yili me, at-nen yidnak wene-ge kit kenarem-e mondok lag-o.

YOANES 7:16

Yogolikma-ge, Yesus-nen it yak ondosolar-e: ”An-nen mul ondoso wene yu-ge an nindi-n pidnak wene-ge lag-o. Are, an wirik nibil lobok yidnak nap Mbal Pem Nagawan-nen yidnak yidnag-et mul ondoso-o.

YOANES 7:28

Nde, Yesus na Mbal Pem Nagawan ama-nen ap mul ondosolar-e, at ene ngguloksa-t yosolar-e: ”Kit-nen-e ndemeret an yenggerak neyagolat, an lobok yidnak sa na kenaru yogolat yili-a? An nindi-n pidnak pem lobok yigi-ge lag-o. An nibil lobok yidnak nap iri-ge mondok lud tak kwaroso-nen yusu-o. Kit-nen-e at iri kenaru buk worali-t nde,

YOANES 8:26

Nde, kit kenpem yurak wene nde kit kenpem wene mbarurak nde an-e kwarat worasu-t nde, an nibil lobok yidnak nap iri-ge ndemeret lud tak nak yoso-nen yusu-o. Nde, at-nen yak niridnak wene iri na-t an-nen nggweyak ma nap pidsa yak undusu-o” luk yij-o.

YOANES 8:28

Iri ala karuk, Yesus-nen it yak ondosolar-e: ”Kit-nen-e Ap Ambara an mendak nubugupmu-ge, ’Ar-e Ar-e woraso-net yusu-o’ luk kenaru yogolat, nde, at-nen kwaroso na-ge misiger-o luk tet at indi-n pidnak pem kwaroso buk, are, at-nen yoso-ge Eid-nen mul tidnak wene nak yamu-o luk kenaru yugub-o.

YOANES 8:38

An-nen-e Neid-nen mirik nibidnak nak mul kundusu-t nde, kit-nen-e kit kineid-nen yak kindidnak mende-t kwatli-o” luk yak indij-o.

YOANES 8:42

Yogolikma-ge, Yesus-nen it yak ondosolar-e: ”Kir-e ndemeret Mbal Pem Nagawan ilirak-nen yili nggal-e, kir-e an nabuwa kaleb-o. Nde, an-e Mbal Pem Nagawan eram-nen lobok yigirik, yawo yu me worasu-o. An-e an nindi-n pidnak pem lobok yigit lag-o. Are, Mbal Pem Nagawan-net wirik nibil lobok yij-o.