YOANES 14:17 - Nanduk Ngget Tul Pidnak Wene

¹⁷ Konak Indi iri-ge ndemeret Mbal Pem Nagawan Mirik Konposo irit wok kunduwa-o. Nde, nggweyak ma nap-nen at kagolat, enaru yogolat yurak meya me, at wok uburag-e meya-o. Alat nde, ar-e kit kinmin worasolat, kit kenarem worasolat yusu me, ar-e kir-e kenaru-o.

YOANES 14:17 ပူးပေါင်းရင်းမြစ်များ

YESKIEL 36:27

Nde, an nindi-ge kit kinndi arem nggilara nggorak pimin-o. Kit woragolar-e, an-nen imiri mbarak pidnak wene ereba na ndak ndag-et kwarogolat, an-nen kenpem pidnak ereba na-nen yidnak yidnak kwarogolat worabokluk an-nen-e yik keneyarok woramin-o.

MATIUS 10:20

Nde, iri tarem wene yuwa iri-ge kit-nen-e lag-o, are, Kineid Indi at-nen kit kenemndam-nen wene yuwa-o.

YOANES 14:16

Nde, an-nen Neid nggi yak tumu-ge, kit kinmin pem-et woralik nalik makluk, Yongga Kundurak Nap mbi wok kunduwa-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

YOANES 15:26

Nde, an Neid eram-nen Yongga Kundurak Nap na ibil mbuwamin-o. At iri-ge Konak Indi ndemeret Mbal Pem Nagawan Mirik Konposo irir-o. Nde, at lobok yuwarig-e, at-nen an nowene kenggel kondosolat wolma-o.

YOANES 16:13

Alat nde, Konak Indi na lobok yuwarig-e, lud tag-et Mbal Pem Nagawan mirik konposolar-e, lud tak nak kwarugwi mende pidsa mirik kunpuwa-o. Nde, at indi-n pidnak wene-ge yak kunduwa bug-o. Are, at-nen kulidnak wene nak yak kondosolat, abok-nen kwat momtak wene nde yak kondosolat ma-o.

YOANES 6:40

Nde, an Neid indi-nen perasu-ge yur-o. At Ambara an neyaruk, an nebem inndi angin tubu yuwa nap pidsa-nen unlug-et woralik nalik elem wanuwa-o. Nde, inndi angin tubu yili nab-e i woronosolat tarem-nen an-nen unluk tak inpimin-o” luk yak indij-o.

1 KORINTUS 14:15

Iri bem-e ngge yimin-o? An nindi bem-net tepan yosolar-e, an-nen yebet kaso iri bem-nen na tepan yimin-o. An nindi bem-net ndawi yosolar-e, an-nen yebet kaso iri bem-net ndawi yimin-o.

1 KORINTUS 2:14

Alat nde, Konak Indi wanigit lak nap-nen-e Mbal Pem Nagawan Indi-nen we wok ondoso mende wanurag-e meya-o. We wok ondoso mende-ge Konak Indi bem nak-nen enaru yugwi me, at-nen-e wid-nen yugwi nggal kwarak pidnak pem-e at ondomok indi bem-nen aru momtag-e meya-o.

1 KORINTUS 3:16

Kir-e Mbal Pem Nagawan uwi worak me, Mbal Pem Nagawan Indi-ge kenarem worasu na-ge kir-e kenaru buk, lak?

1 KORINTUS 6:19

Kit kenpe-ge Mbal Pem Nagawan-nen wok kindidnak Konak Indi kenarem worasu iri uwi na-ge kenaru bug-a? Kit kenpe iri-ge kenambik kenarengge-nen yusu-ge lag-o.

2 KORINTUS 13:5

Kit na kit-net kinndi mbenarer-o. Kir-e ndemeret kinndi angin tubu yidnak pem tugup lak worali, lak? luk kondomok kinndi ngarer-o. Kerisut Yesus-e nit nenarem worasu-o luk kenaru yili, lak? Nde, Yesus-e kenarem lak ala-ge, mborok tak pigep pem-nen-o.

2 KORINTUS 6:16

Mbal Pem Nagawan uwi min kugiwak min erep kundik wolma, lak? Nde, nir-e uruk nak woraso Mbal Pem Nagawan uwi-nen yili-o. Mbal Pem Nagawan-nen yosolar: ”An-e it inmin woralat, it ennggenggerak woralar-e, An-e it Enmbal Pem Nagawan kwat yosolat, Nde, ir-e an nelem nab-et kwat yogolat ma-o” luk yij-o.

NGGALATIA 4:6

Kir-e ndemeret at ilirak-nen yili-o luk mirik kenpeyeklug-e, Mbal Pem Nagawan-nen at Ambara Indi-ge nit ninndi arem ibil lobok yosola, at Indi na-nen wene mbo bosolar-e: ”Neid wa-e. Neid wa-e” yusu-o.

EPESUS 2:22

Kerisut ebem-net kit na irit, it erep inmin wok kunpuruk, Konak Indi ebem Mbal Pem Nagawan woraso uwi irit wurusu-o.

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

2 TIMOTIUS 1:14

Nit nenarem worasu Konak Indi amawi bem-nen kat kebem pidnak konak mende iri-ge kwara parugu wolmin-o.

1 YOANES 2:27

Alat nde, kit perak nde, Kerisut-nen Konak Indi-ge kit kenpem nggilara pil mbuwagaij-o. Nde, Konak Indi-ge kit kenarem woralar-e, yi mende ndi mende pidsa mul kundusu me, ap-nen mul kundurag-e meya-o. Nde, Konak Indi-nen mul kundusu wene-ge enesiget wene-ge lag-o. Ndemeret wene nak mul kundusu-o. Iri bem-e, kit-nen-e Konak Indi-nen yidnak yidnak nak kwarogolat, Kerisut imin kundik irit wolmer-o.

1 YOANES 3:24

Nde, Mbal Pem Nagawan-nen yidnak yidnak kwarusu nab-e ar-e Mbal Pem Nagawan arem-et worasu-o. Nde, Mbal Pem Nagawan na at arem worasu-o. Nde, Mbal Pem Nagawan-e nit nenarem worasu iri-ge at-nen wok nindidnak Konak Indi nenarem worasu iri bem-net nenaru yili-o.

1 YOANES 4:4

Alat nde, nilirak wa-e. Kir-e Mbal Pem Nagawan ilirak me, enesiget Mbal Pem Nagawan ene lomboksa yugwi nap iri-ge kit-nen urugwe nggwe rak inpigeb-o. Nggweyak ma nap enarem worasu indi iri-ge ndeyak-nen yusu-t nde, kit kenarem worasu Konak Indi-ge amawi worak terak minik-nen yusu-o.

1 YOANES 4:6

Alat nde, nir-e Mbal Pem Nagawan ilirak-nen yili-o. Mbal Pem Nagawan enaru nap-nen-e nit nenne kulili-o. Nde, Mbal Pem Nagawan ilirak kwat yigit lak nap-nen-e nit nenne kulili bug-o. Iri kwatli iri bem-nen ndemeret Konak Indi min kabak tak onposo indi min-e yenggerak pili-o.

1 YOANES 5:7

Iri bem-e wene yu-ge kenan yu-nen kunggurusu-o.

NAM PARA WENE 2:17

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, an-nen-e kura woraidnak no mende mburu (manna) na mak timin-o. Iri luk, kerep loro misik wok indimin-o. Nde, kerep loro iri na bem-e unu ngget yarak mbarag-o. Nde, unu iri-ge ap nin-nen enaru buk, wanuwa nap enarik nak-nen enaru ma-o.”