YOANES 14:16 - Nanduk Ngget Tul Pidnak Wene

¹⁶ Nde, an-nen Neid nggi yak tumu-ge, kit kinmin pem-et woralik nalik makluk, Yongga Kundurak Nap mbi wok kunduwa-o.

YOANES 14:16 ပူးပေါင်းရင်းမြစ်များ

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

YOANES 14:14

Nde, kit-nen-e an nunu bem yi mende ndi mende nggi yak norogola-ge, obok kwat kinpimin-o” luk yij-o.

YOANES 14:18

An-e li mul nggal keya kinpimin pug-o. Kendam lobok yimin-o.

YOANES 14:26

Alat nde, Yongga Kundurak Nap iri-ge an nunu bem an Neid-nen wirik ibil lobok yuwa Konak Indi na-nen-e yi mende ndi mende pidsa mirik konposolat, an-nen yak kindidnak wene pidsa yeberak konposolat ma-o.

YOANES 15:26

Nde, an Neid eram-nen Yongga Kundurak Nap na ibil mbuwamin-o. At iri-ge Konak Indi ndemeret Mbal Pem Nagawan Mirik Konposo irir-o. Nde, at lobok yuwarig-e, at-nen an nowene kenggel kondosolat wolma-o.

YOANES 16:22

Iri nggal, kit yawo-ge kinndi puru pera yili-t nde, abok kendam wok yimin nggal-e, kenalin kenalen kwarat kamin-o. Nde, kenalen kagwi iri-ge ap misiger-o luk tet-nen kit kinndi arem-nen mengga wanurag-e meya-o.

YOANES 17:15

An-nen-e: ’Nggweyak ma yu me wolma naru, wok inpi-o’ luk kemengen mbarusu bug-et nde, ’Meya Yoso Nap-nen it meya rak unpuwa naru, kwara untum wiri-o’ luk kemengen mbarusu-o.

YOANES 17:20

It enarik enmanggim nak an-e tepan yusu bug-o. Are, it-nen yidnak wene kuluruk an nebem inndi angin tubu yuwa nap enmanggim min-et tepan yusu-o.

YOANES 4:14

an-nen kenangga mak timin yi nujwa nab-e pempa pempa yi nere kujwa bug-o. Nde, an-nen kenangga mak timin yi iri-ge at arem-nen unlug-et wolmomtak yi urusu kundik mborosolar-e, urug-et woralik nalik wolmomtak elem wok tuwa-o” luk yij-o.

YOANES 7:39

(Yesus-nen wene iri yid iri-ge at ebem inndi angin tubu yidnak nap-nen Konak Indi wanurak pem-nen yij-o. Nde, Yesus na awo kek tak ibigit lak worala me, Konak Indi na awo ap enpem mbuwagit lak ma-nen yij-o.)

YIDNAK YIDNAK WENE 1:4

It inmin woralat-nen it yak ondosolar-e: ”Yerusalem yu me-ge keya buruk mbururak puk na-e. Are, Neid-nen obok yak kindidnak iri-ge towarak wolmer-o. Iri yidnak wene-ge an-nen yak kondosolat woragi nar-o.

YIDNAK YIDNAK WENE 13:52

Nde, Antiokia woragwi Yesus ene wanugwi nab-e enalin enalen enarem worasolar-e, Konak Indi enarem kobong tak woragaij-o.

YIDNAK YIDNAK WENE 9:31

Yurea-nen na irit, Nggalilea-nen na irit, Samaria-nen na irit, lambuk tak inpidnak nap inndi yamuksa woragolat, inndi ogore yogolat woraiga-o. Nagawan Indo aye worak woragolar-e, Konak Indi-nen it inndi yangonosolar-e, misik nambek, misik nambek tak puruk, ap kwarat yiga-o.

OROMA 14:17

Nde, Mbal Pem Nagawan-nen tenagaidnak wi-ge nunggwi mende min yi min erep kundig-e lag-o. Are, Konak Indi-nen wok ondoso luk tak nak kwarugwi elem min yamuksa woragwi elem min enalin enalen kagwi min erep kundik-nen yusu-o.

OROMA 15:13

Ap inndi ebem mbung mbung tak wolmomtak elem-e Mbal Pem Nagawan-nen yusu-o. Kit kinndi-ge at ebem angin tubu yidnak me, at-nen-e enalin enalen kagwi elem min lambuksa woragwi elem min kobong tak kunpuwag-o. Iri ala, Konak Indi amawi bem-e kit kwara Mbal Pem Nagawan ebem kinndi mbung mbung tak worabokluk kobong tak kunpuwag-o.

OROMA 5:5

Mbal Pem Nagawan-nen Konak Indi wok nindid iri na bem-nen enabuwa kaso elem nggilara nit nenarem yebet tak pidnak me, ninndi ebem mbung mbung tak woragwi iri na wolma me, ninndi nggwirik yul pug-o.

OROMA 8:34

ta-nen nenpem wene mbaruwa-o? Kerisut Yesus na wat yij-et nde, uruk tak pamu, Mbal Pem Nagawan inggi kigit nggwe woralar-e, nit nenmanggim Mbal Pem Nagawan emengen mbal tenak worasu-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

PILIPI 2:1

Nde, kir-e Kerisut ebem woragola, kinndi embem tak pusu-a? At-nen kenabuwa kaso iri-nen kit kinndi yungunik pusu-a? Kir-e Konak Indi ebem misiget nak yili-a? Nabuwa kabuwa yogolar-e, kit na kit-net kunmud kali-a?

2 TESALONIKA 2:16

Nit Nenagawan Indo Yesus Kerisut at-nen na, Nineid Mbal Pem Nagawan-nen na, nit nenabuwa karuk, we wok ondoso elem pem-nen wok nondosolar-e, lak yoso buk inndi yangonoso elem min inndi mbung mbung tak woragwi elem min wok nunduruk,

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

1 YOANES 2:1

Nilirak wa-e. Kir-e meya yugup naru, an-e engga yu mbal kundusu-o. Alat nde, ap mbi-nen meya kwarosola-ge, nit nonowene Nineid imin konoso nap, lud tak nak kwaroso nap Yesus Kerisut irit worasu-o.

1 YOANES 2:27

Alat nde, kit perak nde, Kerisut-nen Konak Indi-ge kit kenpem nggilara pil mbuwagaij-o. Nde, Konak Indi-ge kit kenarem woralar-e, yi mende ndi mende pidsa mul kundusu me, ap-nen mul kundurag-e meya-o. Nde, Konak Indi-nen mul kundusu wene-ge enesiget wene-ge lag-o. Ndemeret wene nak mul kundusu-o. Iri bem-e, kit-nen-e Konak Indi-nen yidnak yidnak nak kwarogolat, Kerisut imin kundik irit wolmer-o.

2 YOANES 1:2

Nde, ndemeret wene-ge nit nenarem woralat, nit nin-min pem-et woralik nalik wolma iri bem-nen kenabuwa kali-o.