YOANES 14:13 - Nanduk Ngget Tul Pidnak Wene

¹³ Nde, an nebem-nen Neid kek tak puwakluk, an nunu bem kit-nen nggi yugub mende-ge pidsa kwat kinpimin-o.

YOANES 14:13 ပူးပေါင်းရင်းမြစ်များ

MATIUS 21:22

Kit kinndi angin tubu luk, tepan yogolat-nen nggi yugup mende-ge wanugub-er-o” luk yij-o.

MATIUS 7:7

”Nggi yer-o. Nggi yogola-ge, wok kunduwa-o. Kore yer-o. Kore yogola-ge, kagub-o. Tu lel lel ker-o. Lel lel kagola-ge, tu kuwarak kunpuwa-o.

MARAKUS 11:24

Iri bem-e, an-nen yak kendeyeg-o: Kit-nen tepan pem nggi yugup tengge-ge ’Mbal Pem Nagawan-nen abu wok nendamu-o’ peraruk, kinndi angin tubu yugup pem-e, wok kunduwar-o.

LUKAS 11:9

Iri ala-ge, an-nen yak kundusu yur-o: Nggi yer-o. Nggi yogola-ge, wok kunduwa-o. Kore yer-o. Kore yogola-ge kagub-o. Tu mende lel lel ker-o. Lel lel kagola-ge, tu kuwarak kunpuwa-o.

YOANES 10:30

An min Neid min-e misiget nak-nen yusu-o” luk yak indij-o.

YOANES 12:44

Iri luk, Yesus-nen ene ngguloksa yosolar-e: ”An nebem indi angin tubu yusu nab-e, an nebem nag-e lag-o. Are, an wirik nibil lobok yidnak nap na ebem-et indi angin tubu yusu-o.

YOANES 13:31

Yuras na mborosola karuk, Yesus-nen yosolar-e: ”Yawo-ge Ap Ambara an kek tak nobogolat, an nebem Mbal Pem Nagawan na kek tak obogolat yili-o.

YOANES 14:14

Nde, kit-nen-e an nunu bem yi mende ndi mende nggi yak norogola-ge, obok kwat kinpimin-o” luk yij-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 15:7

Kit-nen nde an narem puksa woragolat, an-nen yidnak wene na kit kenarem woralat-nen kit kindingen mende mbi Neid eram nggi yogola-ge, wog-et kunduwa-o.

YOANES 16:23

Nde, iri tarem wok yosola-ge, kir-e yi mende ndi mende mbi nggi yak nurugup pug-o. An-e ndemeret yak kundusu-o. An nunu bem an Neid nggi yak tugup mende-ge wog-et kunduwa-o.

YOANES 16:26

Wok yosola-ge, an nunu bem-et nggi yak tugub-o. Nde, an yak kendeyeg-o. Kit kenmanggim an Neid na nggi yak timin pug-o.

YOANES 16:7

Alat nde, an-e ndemeret yak kundusu-o. An mbirimin iri-ge, kit konak tak kunpurak pem mbirimin-o. An mbirigit lak yimin nggal-e, Yongga Kundurak Nap na-ge kit kendam lobok yuwa bug-o. Alat nde, an mbirimin iri-nen at na-ge kit kendam wirik ibil mbuwamin-o.

YOANES 4:10

Yosoloma-ge, Yesus-nen kwe na yak tosolar-e: ”Mbal Pem Nagawan-nen onggo lag-et we wok ondoso mende min kat kebem yi nggi yidnak nap an min karu nggal-nen-e kat-nen ’Yi kenang niri-o’ luk yak norosola-ge, an-nen-e unlug-et wolmomtak yi wok ketleb-o” luk yak tij-o.

YOANES 4:14

an-nen kenangga mak timin yi nujwa nab-e pempa pempa yi nere kujwa bug-o. Nde, an-nen kenangga mak timin yi iri-ge at arem-nen unlug-et wolmomtak yi urusu kundik mborosolar-e, urug-et woralik nalik wolmomtak elem wok tuwa-o” luk yij-o.

YOANES 5:19

Iri ala, Yesus-nen ap ereba na yak ondosolar-e: ”An-e ndemeret yak kundusu-o. At Ambara an-nen-e nambik nindi-n pidnak kwarusu bug-o. Are, an Neid-nen kwarosola kaidnak iri na-t an-nen na kwarusu-o. Nde, an Neid-nen kwaroso mende iri na-t Ambara an-nen na kwarusu-o.

YOANES 7:37

Iri lug-e, nunggwi mende nggulok sakolat, yobok tak purak tarem mondok nggulok iri na bem-e Yesus na men luk ene ngguloksa-t yosolar-e: ”Ta-nen yi nere ala-ge, an neram lobok luk, yi nujwag-o.

1 KORINTUS 14:13

Iri bem-e, ta-nen nde nin wene nan wene bem yosolar-e, wene na nden yaga yoso kwat yekluk Mbal Pem Nagawan emengen mbaruwag-o.

EPESUS 2:18

Nde, Kerisut ebem-nen Yawuri nap na, enlem nin nap na nit oboksa-ge Konak Indi misiget iri na ebem Nineid Mbal Pem Nagawan eram panggo yil lobok yurag-e ob-o.

EPESUS 3:12

At ebem-nen nir-e Mbal Pem Nagawan eram nggogolar-e, at ebem ninndi angin tubu yidnak pem kwiye lag-et ninndi embem min-et nggwili-o.

EPESUS 3:14

Iri ala karuk, an-e Nineid eram nendaru yunggusa koreluk, tepan yusu-o.

PILIPI 4:13

Amawi wok noroso Kerisut na ebem-nen-e an-e yi mende ndi mende pidsa ndak kwarimin-o.

KOLOSE 3:17

Yi kwatlik ndi kwatlik kwarogolat na, yi wene ndi wene yogolat na, Nagawan Indo Yesus unu bem-net iri pidsa kwarogolar-e, at ebem-nen Nineid Mbal Pem Nagawan imin-e ”Wiwa-o” luk yak togolat woragup na-e.

IBERANI 13:15

Iri bem-e Mbal Pem Nagawan amanggim wam wosa pidnak nggal pogolar-e, Yesus ebem-nen nir-e pempa Mbal Pem Nagawan erembel wanogolat wolmog-o. Nde, at amanggim pogolar-e, nit nenemnde nggwe-nen at unu luk, at unu pempa kek tak pogolat wolmog-o.

IBERANI 4:15

Nde, nit nentepan ombo nggulok iri-ge nit ndeyak yugwi mende iri bem-e at-nen na nunpud kasu-o. Nde, nit ninndi ngaroso mende pik paksa-nen-e at indi na ngarij-et nde, ar-e meya mbi kwarigit lag-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

YAKOBUS 1:5

Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.

YAKOBUS 5:16

Iri bem-e, kit ki rak kunpuwaklug-e, kit na kit-net meya yidnak pal kerak mbogolat, kit na kit-net tepan pegerak mbogolat wolmer-o. Lud tak nak kwaroso nap-nen indi angin tubu yosolat-nen tepan yusu iri-ge amawi kwarat-nen yusu-o.

1 PETERUS 2:5

Kir-e kunlug-et woragwi kerep-nen yili me, kit wok kunpuruk Mbal Pem nagawan uwi indi amanggim o iri wat momtak kerep iri kinndi mer-o. Iri nggal kwarogolar-e, kir-e tepan ombo marak kwat luk, Yesus Kerisut ebem kir-e Mbal Pem Nagawan amanggim wam wosa kan pogola-ge, Mbal Pem Nagawan-nen-e kit-nen pidnak mende bem-e alen kujwa-o.

1 YOANES 3:22

Nit-nen-e at-nen yidnak yidnak nak kwarogolat, at-nen peraso mende nak kwarogola-ge, at ebem nggi yul mende pidsa wok nunduwa-o.

1 YOANES 5:14

Nit-nen nde at indi-n pidnak ndak ndag-et at ebem yi mende ndi mende nggi yak togola-ge, nenne koloso me, nir-e kwiye lag-et Mbal Pem Nagawan eram mbitli-o.